餐廳以紫色為主調,配上迷濛的燈光,情調不錯。
當晚我們都算坐得近開放式廚房,但不覺得有油煙味。
「燒虎蝦柚子沙律」,虎蝦真的很大隻,頭部充滿蝦膏,內質彈牙,再配上磨姑等材料,非常惹味,真的好開胃。
「黑松露菌忌廉湯」十分啱我心水。我喜愛的磨菇湯是喝起來還吃到菇菇茸,雖然充滿菇茸,但口感依然十分香滑,配上黑松露的香味,十分推介。
「德國式燒豬手」超級推介!一上枱已經勁吸晴,香味隨之而來。毎塊豬牛都燒到脆卜卜,外皮脆,肉質則依然保持嫩滑,轉眼間已被掃清,而配菜的薯條亦十分美味。如果你食開2間連銷德國餐廳既豬手,你都覺得好食,咁你一定要來呢度試下,因為呢度無論質素同價錢都好太多。
「燒紐西蘭羊架配香草燒汁」份量十足,一點也不膻,可惜有點過熟,對於喜愛吃七成熟的我無問題,但如果再嫩一點會更好。
我地叫野既時候,都無留意原來好多菜式都有黑松露,而毎碟菜式食既時候都夾到喎!呢度首推係「德國式燒豬手」,仲有「黑松露菌忌廉湯」。
銅鑼灣完全無想像到用咁實惠既價錢,可以食到咁高質素既西餐,我已推介左幾個朋友,下次要一齊再去!
沒有留言:
張貼留言