更新細胞底層@Mythsceuticals蘋果幹細胞修護面霜

Mythsceuticals 是一個由法國新進的醫學美容品牌，主要利用蘋困幹細胞技術，針對幫助皮膚細胞啟動再生和修復功能。

Mythsceuticals蘋果幹細胞修護面霜包裝簡潔，有密封膠蓋保持乾淨及新鮮。

面霜質地滋潤而清爽，搽完上面好快吸收。

由於質地極滑，所以勁易推開，而搽完之後，即係感到皮膚表面的幼滑。

大概兩年前，我已經係美容院買過蘋果幹細胞既產品，當時簡直一試愛上。但由於當時算係新出的，所以價錢都唔平，之後就無再用落去。

今次試既Mythsceuticals蘋果幹細胞修護面霜雖然來自法國，但佢既價錢都好實惠。蘋果幹細胞俾我最大既感覺，就係即時皮膚會勁滑，只要keep住用，我粗糙的膚質都改善左好多，而呢支同様做到呢個效果，好似係相中，見到搽完之後，皮膚係即時變得光澤，而佢既保濕度亦好好，就算呢排都唔洗再加。

蘋果幹細胞最重要其實係抗衰老，修復老化的皮膚細胞，補充水分，並能延長修復後細胞的壽命。所以用呢類產品通常要用上一個月先至睇到效果，我宜家大概試用左差唔多兩星期，已經開始見到塊面係滑左，毛孔亦細左，所以我會keep 住用，晒下呢個cream 係唔係同我之用既一様咁好!


產品由品牌提供

告別小丑鼻@La Roche-Posay 抗敏全效修護面霜

雖然我面皮唔薄，但唔知點解，我塊面得閒就總會無啦啦紅左，發親炎都係入面，真係好難攪。

「La Roche-Posay 抗敏全效修護面霜」針對敏感問題，持久舒緩抑制敏感。成份除左含有法國温泉水之外，仲含有乳木果油，由於成份與人體的分泌相似，所以好易被皮膚所吸收。

最鐘意d產品有有效日期!

抗敏全效修護面霜更採用100% Airtight 無菌包裝，配方即使0% 防腐劑亦能保持新鮮有效!

 泵出來係白色乳霜狀，雖然佢係支裝，但佢係cream 狀質地，雖然質感亦較為厚實，但亦好易推開，推開後好有層薄膜在皮膚面作為保護。

我塊面一紅就好大範圍，特別係個鼻，紅得來仲會脫皮，呢個星期我keep住用，鼻頭既紅好明顯快退左，平時會痕會脫皮既情況亦好左。不過如果咁乾燥既天氣用，我就覺得保濕度仲差少少，我通常會用左呢支打底，再加層保濕啫喱，咁就唔怕敏感又唔怕乾!




此產品由beauty life 及 La Roche-Posay 提供

中藥護眼@WHOO天氣丹眼霜

記得上年開始，係各大美容forum，已經不停討論The History of Whoo(后)呢個品牌，當時真係勁燒，可惜佢價錢都唔平，我又去唔成韓國，所以就放低左!!

今次好好彩，玩FB game 得到幾包 「天氣丹華炫重生眼霜」既試用裝，一收到真係忍唔住即刻開來用。

雖然係試用裝，但毎包都有1ML，1MLX5=5ML，已經係貨裝的1/5。我查左一查，貨裝25ML要成千幾蚊，如果買25包試用裝都係二百幾蚊，又真係抵好多!(當然無左包裝啦)，不過當大家都去過韓國，就會得到勁多試用裝，已經唔會再介意!!

WHOO係LG旗下的品牌，運用LG雙重活化萃取技術，完整封存零污染精華成份；杏仁、大豆、及牡丹萃取漢本精華促進膠原蛋白的合成增加，使雙眸恢復緊實彈力，並解決眼角下垂、魚尾紋問題；玉竹、菟絲子、枸杞子及熟地黃促進眼周肌膚代謝循環。

眼霜係比較Rich既cream狀，有輕輕的中藥香味(係香味，之前有用過其他中藥牌子，就算我食慣中藥，都覺得臭)。

雖然質地比較Rich，但推起上來十分滑同易推，適合係眼週做少少按摩。而佢既吸收程度亦十分之好，按幾下已經吸收晒，仲完全唔黏手，非常清爽。雖然只係用左一星期，仲未見到效果，但搽完眼底會有少少閃既效果，黑眼圈即時無咁黑!!


其實宜家好多網上商店都有得賣，有興趣大家可以去睇下!!

https://www.facebook.com/LikeBeautyHK

即時有效@Angel key 魔法師微整型安瓶

「安瓶」呢兩個字一直都只係聽過係結婚化妝前要用，好似話可以令D皮膚即時好D，又會上粉D。今次終於有機會試下「Angel key 魔法師微整型安瓶」，粉紅色的包裝，好有聖誕氣氛。

盒上好清潔註明製造日期同到期日，對於呢D開完要即係用，講求保鮮度的產品，呢様都幾重要。

由於佢係玻璃樽，所以包裝都特別小心。打開之後會見到膠蓋同「安瓶」。

佢個名叫做「 魔法師微整型安瓶」係因為佢內含1.日本直送的馬胎盤萃取精華、2.六胜肽、3.泛醇(維生素B5)，呢幾種成份都係針對成熟的肌膚，具有定妝、保濕、緊緻、亮白的功效

佢既質地比我想像中稀好多，有D似透明質酸既感覺，我以為D咁保濕既野，通常都好濃稠，原來唔係。 

要使用時，前先要打開安瓶的蓋，拉起後向外拉，便可將密封的石紙拉開，再將膠蓋蓋上便可。

對於精華類的野，我往往追求第二朝起身的效果。但對於「安瓶」，我則追求即時的效果，要相中就係我使用前後，可以見到毛孔係細左少少，而鼻頭的亁燥亦無左，所以我乾早會用來打底上妝，用完佢上妝唔會有擦膠碎。而晚間我亦會照用，用來當保濕美白，效果都幾好，就算呢排秋冬的天氣，保濕度都維持到。





產品由品牌提供

洗面都可以v面@ Tefu Tefu 蜂毒深層潔面啫喱

又到聖誕，又到聖誕!!!又係各式各樣聖誕SET裝推出的日子。今次要介紹係 TefuTefu 的「蜂毒V面塑顏套裝」。入面包括「蜂毒深層潔面啫喱、蜂毒塑形緊緻睡眠面膜、蜂毒緊緻提升面部精華乳霜」

「蜂毒深層潔面啫喱」的外型好靚，全金色泵裝。其實一直我都好鍾意Tefu Tefu 的紙盒包裝，好清新好靚。

功效:有效消除皮層下的雜質污垢、粉刺，提供持久保濕及滋潤肌膚功能，極具保濕、高效紓緩抗菌，有效改善粗糙及乾燥肌膚問題，令肌膚得以滋潤、同時亦可撫平細紋，重現柔嫩、悏復彈性。

用法:卸妝後，用温水洗臉、取適量喱啫打圈，再沖洗乾淨。

「蜂毒深層潔面啫喱」呈透明狀，內含「蜂毒」成份，洗面同事可以消水腫，配合埋其他產品「v面」就好易出面。

我用左毎多星期，毎天早晚用，發現佢真係好保濕，因為有時我洗完面唔會即時搽野，只係印乾水對住部電腦十幾二十分鐘，塊面都完全唔覺得乾。另外，由於我係好多粉刺既人，如果唔啱自己既洗面產品，就會好明顯。而呢支就完全無呢個問題，用左個幾星期，d粉刺仲好似無咁硬。在潔淨度、保濕度都做得好好!加上佢有蜂毒成份，朝早用完配合幾下按摩，仲可以去埋水腫，出門口都靚d!!

之前，我有幸出席「Tefu Tefu 蜂毒V面派對」，當日一開始就有「沈震軒」同「夏尉喻」帶領一眾DANCE跳出V面舞蹈。

當中的V面舞蹈手勢好易記，平日只要用呢個手勢再配合「蜂毒塑形緊緻睡眠面膜」來按摩，V面就好快出現。

之後仲介紹左「DIY美肌速成法」，只係幾分鐘，個女仔塊面立刻提左上去，真係好利害。

原來Tefu Tefu 新出左彩裝產品，而BA仲用眼影筆、眼線同唇膏創作出一個「蝴蝶彩妝」，佢d眼影筆又好似真係好易上色好滑咁，價錢仲好似幾實惠，有d燒........

最後，當然有介紹各様的聖誕set 裝同遊戲環節，大送禮物啦!!!


Tefu Tefu係港九新界已經有十一間分店，有興趣可以去看看呀!
http://www.tefutefushop.com/

秋冬最重要的保濕@b.liv 全新終極保濕套裝

之前已經試過b.liv的其他產品，效果不錯，之前鼻頭爆瘡都係靠佢解決，今次就輪到秋到最重要......就係保濕!

b.liv Ultimate Hydration Liberator box set 包括左三件產品:
1. 透明質酸 英肌原液 (hyaluronic original)
2. 深度保濕 睡眠面膜 (deluge me)
3. 美肌浸潤 強效精華 (submerge me)

透明質酸 英肌原液 (hyaluronic original) 的透明質酸純度達100%，能持久鎖住水份。原液多數利用tube裝的設計，在開封後要盡快使用。

原液的質地較稀，第一次用時有點意外，搽上面後很快便吸收。由於質地較稀，我通常會上二次，之後就覺得ok啦!

美肌浸潤 強效精華 (submerge me) 的功效係「深層保濕 + 透亮發光 + 修復脂膜」，利用「Biomimic 導入系統」賦予肌膚鎖水、儲水、造水、保水、補水，再加上有美白成份，可以講係一支幾全能既保濕精華。用左二個星期，鎖水的感覺係feel到既，塊面係近其轉涼的天氣亦無感到乾燥，而佢同一般既保濕精華有少少唔同，就係佢既質地真係好輕，同平時果d好潤既有d唔同，所以如果鐘意保濕得來又比較清爽，就可以選佢。

最後係深度保濕 睡眠面膜 (deluge me)。坦白講，佢似晚霜多d，如果似mask 佢好似質地太輕薄，所以我都係晚晚當晚霜咁用，保濕能力都ok，第二朝起身，都覺得塊面有光澤。

總括來講，呢盒boxset啱晒鐘意保濕而清爽的你，加上一次可以試到唔同產品，確實幾好!

產品及有關資料由該品牌提供

快樂星期三@跑馬地月貝凡The Gallery

人這麼大，也沒有到過馬場，因為印象中那只是一個賭博的地方。不過今次去過月貝凡後，的確是另外一種感受。

現在欣賞賽馬原來已經不是站在高高的看台，可以選擇站在場邊，一手拿著啤酒，一邊欣賞，就如參加嘉年華會一樣。
或者，可以好似我咁，到「月貝凡」一邊食，舒舒服服地享受!!(餐廳內有投注站，挺方便)

「月貝凡」提供的是半自助晚餐，頭盤同甜品係自助形式，而主菜則可自由選擇一款。

頭盤有各式的沙律、泠涷海鮮、涷肉等。款式都唔少，沙律最好味的蕃茄加松子。而泠涷海鮮不可稱得很新鮮，但沒有雪水味及「梅」的情況，合格!

宜家D食市為免大家呆等，都會善用科技。呢度都一様，毎位客人都會有一張貼紙，只要拎到指定地方，選取主菜後，就可以返會座位等......「閃」，因為主菜煮好時，手上的通知器會震動同「閃」。

當晚提供的有「雜菌意粉」及「即焗薄餅」。當晚我選左「雜菌意粉」，意粉的牛油味很重，而菌味亦很香，圖中白白綠綠的是小蘿蔔，很甜，做型也很可愛。這款意粉味道OK，不過份量對女生來講有點多，吃不完。薄餅是朋友的，沒有吃，但份量也很大，足夠和其他人分享。

在間場時，原來有好多唔同既活動，當晚有「花生SHOW」，在餐廳內也可看得很清楚。

場內還有很好有趣的小遊戲，啱晒對於賽馬一無所知的我。

吃不下意粉的主因，當然是女士的至愛---甜品。它們賣相都很粉緻，可惜味道真的很一般，最好味的是「士多啤梨拿破倫」，而「綠果仁朱古力餅」味道也很特別，中間還是流心的，可以一試。

總括來講，如果想來感受下馬場的氣氛，又想舒舒服服同良朋歡聚，呢度可以係一個唔錯的選擇。

秋冬的「紅」唇@Yumei 三重豐型潤彩唇膏

 眾多彩妝品中，我最少用的就係唇部產品，因為一個字........「懶」，仲有一個字.......「補」，成日飲水食野都要補，實在有D麻煩。加上有時要用埋Lip gloss ，我又怕會黏嘴，又怕帶多樣野，所以成日都無用，哈哈哈!不過來緊介紹呢支唇膏實在太啱我呢d懶人!

呢支「Yumei 三重豐型潤彩唇膏」的設計實在令我好驚喜，佢將「唇膏」同「lip gloss」 二合為一，好方便，好貼心!

「唇膏」添加摩洛哥堅果油修護軟芯，而今次試用的顏色係02，好鮮的糖果紅色，而lip gloss 就已經配襯好，都係同一色調。

在閃光同無閃光下，唇膏的顏色都好實在，中間係搽左一層，右手面則搽左兩層唇膏，而左手邊則係單用lip gloss ，可以睇到象色度好高，而佢質地好滑，一搽就已經上晒色。

我的唇色比較深，人又比較黑，當收到呢支咁紅既顏色時，實在好擔心，因為要襯得起「紅唇」真的不容易。
好彩!!呢支唇膏搽上嘴時只要用輕印的方式，顏色就會淡好多，再加埋玻璃紅色的lip gloss ，就可以配親到日妝。

如果想鮮少少，搽兩層就可以做到「紅唇」的效果。配親秋冬深色的衣服就啱啱好。

在秋冬唇部易乾的時候，呢支唇膏實在好滋潤，搽完之後完全無乾的感覺，唇紋仲淡左，而佢既lip gloss 亦一d都無黏嘴(唔怕大風黏頭髮....哈哈) ，所以如果秋冬要選一支百多元的唇膏，呢個係一個幾好既選擇!






售價：HK$128
http://www.bonjourhk.com/
http://www.facebook.com/bonjourhk

產品由卓悅提供

唔怕唔記得-........食@一餐急救KILL MEAL

本人其實都係一名外食族，好多時三餐都會係街食，而食得最多就係小菜同打邊爐。其實好多時都好有罪恐感，不過要忍口又談何容易呢?

「一餐急救」總共有2款，分別係「大餐急救」同「火鍋急救」，只要係餐或餐後45分鐘內食就得，係...係「餐後」都得!有時餓起上來，一座低就食，根本就唔記得要食呢類型既產品，而佢可以「餐後」服，實在係太好!!!因為其實佢係「阻隔含片」，主要係阻隔「油」、「澱粉」及「甜品」。同一般的減肥藥或者排毒丸係唔同既!

【大餐急救】全面阻隔多餘油、甜品、澱粉吸收。

其實無論早、午、晚三餐，我d朋友都可以好叻咁揾到好好味好豐富既「大餐」，所以「大餐急救」好快已經俾我食晒。只要係餐前或餐後45mins 「含」融晒三粒含片就可以。呢個係「葡萄柚青檸味」，酸酸地，都易入口，有d似「話梅片」既質感，好快就融晒。

【火鍋急救】重點阻隔火鍋多餘油份、澱粉

我d朋友成日話火鍋好健康，因為只係用水煮熟d野食。如果..........你只係食菜同魚都可以咁講既。但見到枱面，就好明顯知道其實係一d都唔健康，因為打邊爐就係貪個湯底夠濃，次次食完都會見到煲面見到成層油，所以「火鍋急救」就主要係「吸油」同「隔澱粉」。入面既「天然酵素阻斷劑」可以抑制澱粉被消化，減少吸收。

今次試既產品最吸引既地方，首先係佢飯前飯後服都可以，真係啱晒我呢d無記性既人。唔洗食完先後悔，仲可以補救。而食完前後亦無任何不適的感覺，加上味道易入口，就算好難推測到實際功效，但要來安慰自己，讓自己放鬆一下都好!!加上佢可以一包一包咁買，唔洗買完唔啱又或者唔記得帶。

產品及有關資料由是次產品由theZtyle.com 提供

不怕再拉扯@L’Oreal Paris 活力緊緻光學嫩膚活肌修護眼霜

.

在未踏入中女之時，因為日日戴CON，眼底下既細紋就一早已經浮晒出來。起初用眼霜時，我不懂得眼部肌膚特別脆弱，所以一直都無輕輕力去搽，我諗我的眼紋一半係戴CON，一半係因為我太大力搽CREAM 而來的!

 L’Oreal Paris 呢支「活力緊緻光學嫩膚活肌修護眼霜」最吸引我既地方，就係佢既「冰感按摩頭」。

眼霜蘊含高濃度PRO-XYLANE，配合獨特設計的冰感按摩頭，佢主要功效包括1.修正細紋、2.消除浮腫及眼袋、3.重塑緊緻。

平時買眼霜，專櫃的小姐總會教我們利用指頭勁勁由眼頭按至眼尾，順便進行按摩動作。不過，大指頭的我，往往覺得按得不靠貼，而呢支眼霜既「冰感按摩頭」設計則好乎合眼底，搽眼霜的時候，可以按得好貼，而佢既物料亦好滑，所以由眼頭拉到眼尾都好順暢，唔會增加眼睛的負擔。

從佢既功效來眼，其實佢都算係一支修護形的眼霜，往往呢類型的眼霜都會比較「LUP」，但呢支質地則屬於輕爽的類型，因為佢可以配合按摩而用，所以質地亦好滑好好推。推開之後，吸收到亦算不錯，消除眼腫的效果較易睇到，毎次用完乖乖地按摩，對眼腫真係有所幫助，而眼紋則等時間吧!