抵食之選@雷橋燒肉日本料理 Kaminaribashi

雷橋已經去過幾次，在日式燒肉放題中，它稱得上抵食之選。入門口即見到「雷橋」2個大字，四週充滿日式擺設。

雖然主攻燒肉，不過放題又點少得刺身呢！呢隻刺身船超級對版，三文魚肥美，吞拿魚、鯛魚也新鮮。

我地選左幾款牛肉，包括牛舌、牛胸腹、牛柳粒等。各個部分都有唔同既味道。

肉片較薄，所以用細火慢燒會較好。除左各款牛內之外，其實仲有好多野食，包括豚肉、香腸等。

除左燒肉之外，仲有好多日式前菜，啱晒食到攰時，過下口癮。食左咁多牛肉，又點少得食返沙律中和下。

如果要食日式燒肉，雷橋真係抵食之選，最適合一大班朋友gathering!

鮮@鉄人旨花 Shika Teppan-Yaki

今晚阿sir請食飯，佢話帶我去食一間「唔一定會飽，但一定好食」既日式餐廳。
聽完佢咁講，真係滿心期待。

「和牛刺身盛合」包括宮崎霜降牛、季節魚2種、季節生蠔2隻、海膽及赤貝。　

季節生蠔係「北海道生蠔」配上酸汁及啫喱。生蠔蠔身極之飽滿，充滿光澤，一看便感覺到鮮。

北海道蠔海水味不重，配上酸汁及啫喱，提升了蠔的鮮味，吃完真的很想多吃一隻。

「宮崎A5霜降牛」看上去以為冷冰冰，但一夾已感覺到肉質的鬆軟，配上特質的酸汁，牛肉的味道立刻衝出來，「入口即溶」原來係真係會出現的。

這個酸汁，單獨食係超級酸，但配上和牛，中和了油脂，卻啱啱好。 

鰹魚和赤貝完全沒有鯹味，帶點鮮甜，很滿足。

「北海道海膽」高質素的海膽一吃便知，反之則是怪味伴隨。這裡的海膽吃很出海水的味道。

「廚師精選壽師12件」由廚師發板的時令壽師。有吞那魚、赤貝、三文鮮、海膽、三文魚子等。

日本壽司要好吃，其實都離不開「新鮮」二字，這裡真的是我在香港吃過很「新鮮」的頭幾間。

壽司飯已經調好味，而魚生很鮮，根本不用點豉油，也不用點芥末。

偶遇的美味小店＠潮樂園

媽媽忽發奇想，想到公公以前工作的地方看看，結果我們便來到北角。行左一輪，到了晚飯的時間，我們本來只想入去吃碗麵，點知入去睇睇下原來係打冷食，忍唔住叫左2個餸。

我食既時候，時間尚早，點知一食完，門口勁多人等位。

呢碟鵝片拼墨魚，一上枱已覺覺香滷水味，之後見到鵝肉帶點粉嫩的顏色，即刻放晒心。

鵝片厚薄適中，熟度剛剛好，加上很香的滷水味，食得很過癮。

伴菜的豆腐也很入味，不錯!!

「花鵰醉香鴨舌」媽媽喜愛吃鴨舌，難得小店有供應，就試試它。

花鵰酒香味很重，吃起來卻不覺濃，唔飲酒的人都可以試下。再配上杞子，多了一份香甜。

鴨舌雖然夠軟，但如果可以再入味一點，便會更好。

「韭菜豬紅」超級好吃，豬紅沒有怪味，而且結實，不會一夾就散，而調味帶點辣度，很惹味。

最後，還是來一點正餐，崩沙牛腩麵，牛腩入味沒有渣，湯底有明顯的大地魚味，好食!

最後，喜愛吃辣的你，一定要試試這小店的辣椒油，味香辣度夠。

不一樣的台北@Check-In Taipei

台北是香港人的後花園。雖然啱啱係台北返來，但還是很掛念。朋友見我咁既樣，揾左間特式台菜俾我試。

講真一去到，完全FEEL唔到係賣台菜，同中環既酒吧一樣。

朋友話呢度既大廚曾經係米芝蓮三星工作，所創作的都係創意台菜。

呢杯外表咁清新既其實係「愛玉」，毎次去台灣我都要飲過青蛙下蛋。

Ai－YU Lemon Green 淡淡的綠茶，加上大量的愛玉，很有茶味，也不會過甜。雖然也是檸檬愛玉，但是加了綠茶就多了一個層次。

「Chicken Waffle, Pork Knuckle, Ping Pong」一上枱真是眼前一亮。

ChickenWaffle 鹽酥雞配上波蘿及鬆餅。除了鹽酥雞超級脆之外，配上菠蘿減退左油膩感。

Pork Knuckle 台灣人也很愛吃，我自己就很少吃，豬手很入味，肉質十分軟熟，配上脆脆的米餅，口感衝突卻配合。

Ping Pong 其實係紫薯波波，流心紫薯充滿薯香，甜甜的。好食!

「Pork Belly & Puree, House Calamari, Sweet & Sour Fish」，又是三小碟，不過與前菜相比，口味是重一點。

House Calamari 椒鹽花枝本身已極喜愛，這裡的花枝是軟軟的，不會過硬，剛剛熟而有咬口，配上薄薄的炸漿，十分惹味。

Pork Belly & Puree 有點台式滷肉的感覺，肥廋平均，口入即溶。

Sweet & Sour Fish 相對較失色一味，酸甜汁味道唯好，但脆皮已淋，影響了口感。　　　

「Pork Belly Risotto」很有特式的一道主菜，豬肉是烘乾至脆片，咬落有點像煎脆了的煙肉。

Risotto 混合了芝士，creamy得很，配上脆片肉，真的很新奇，也十分好食，看似小小的一煲，吃畢後卻十分飽肚!!!!!

喜歡台菜，更喜歡這裡的一點新鮮感。加上台灣人待應，感覺又回到台北似的。

西環聚腳好地方@Cafe2

話說新港島線開通後，對於我呢D九龍人就方便好多。西環既朋友發現有間CAFE的招牌菜係要多人先食得晒，於是CALL齊人去試。佢既招牌菜真係好大份，所以多人來真係會好D，但我在外面等位時，見到佢有少少半露天位，都想像到，如果自已一個簡簡單單食返餐，配杯啤酒，其實都唔錯。

多人自然可以叫多D，我地當日4個人，叫左幾個小食、湯同「當日目標」主菜，已經飽到食唔落。

首先係「芝麻沙律」，沙律內配搭多種爽口的野菜，再配上較軟身的雞肉及薯仔，搭著芝麻汁一起吃，很醒胃，亦減底了罪惡感。

「車打甜薯」這是朋友點的，一上枱時，我以為是一般的炸薯條，進食後才發現有一點像番薯的甜味，搭配著車打芝士，一咸一甜，卻出奇地夾。不過，我吃時芝士泠了一點，已經結成塊，所以很費勁才可把它分開，進食有點不便，希望餐廳可以留意。　

「焗蜆」酷愛海鮮的我，一見到這個焗蜆已覺十分吸引，把錫紙打開後，香氣已經立刻湧出來。

毎隻蜆的SIZE都很大，大到可以清楚感愛蜆肉的毎個部位，湯汁亦從蜆肉湧進口腔裡，淡淡的酒味，配搭新鮮的蜆肉，推介。

「周打蠔湯」其實同周打魚/蜆湯的做法一様，先將蠔肉搭配忌簾打成CREAM再煮，蠔味極濃，啱晒喜歡重味的人。

「斧頭扒」這個就是我們的「目標主菜」~「炭燒澳洲斧頭扒」，一上枱大家不敢嘩聲四起，塊扒真係大到成隻手臂咁長。我立諗起山頂洞人果套卡通片，好似佢地拎住成支骨係度食咁。

餐廳介紹係先煎後用低火慢焗，以鎖住肉汁，所以外面充滿燒烤的香味，而跟隨的仲有來自英國同法國的芥苿，適合不同口味的人士。

切開之後，可以見到牛肉不同的層次，外面係全熟，內間略帶粉紅，顯得更鮮嫩，吃起來充滿肉汁。

最後以一杯「Cookie&Cream Deluxe」作結，已經飽到吃不下甜品了。

很happy的happy hour@MINI CLUB

與好姊妹很久沒有談心，放假前相約HAPPY HOUR，我們都喜歡一些氣氛較好的club，朋友推介mini club。

不太懂喝酒的我們，最後選了較易入口的Torres Vina Esmeralda ，其實我地都係跟MENU選，入口果然有淡淡的玫瑰味。

白酒要雪住飲，保持酒温。

Nuts是無限添加的。可能我們太耐無見我們一座下就不停講野，很快就食晒枱面既Nuts,在點菜點，侍應已細心幫我們添加，而毎人收費只是$10。

一入門口，已經被眼前的反轉粉紅鐵塔所吸引。

在餐廳內四面都可以留意到粉紅鐵塔的蹤影，十分吸晴。

餐應內大部份客人都是附近的OL為主，大家都淺嚐細嚼，不會太嘈吵，但感覺輕鬆，是happy hour的好地方。

我和朋友都十分喜歡吃海鮮，當晚點了「海鮮拼盤」$288及4隻生蠔($148)，拼盤的種類十分豐富，而用料亦頗新鮮。生蠔很新鮮，我們點了味道較淡的，待應亦細心地告訴我們先吃那種。

「泰式秘制焗三文魚扒」$98，泰式汁是濃濃的冬陰功味，有點辣但很惹味。

最後來一個飽肚的「白松露醬蜆肉什菇意大利飯」。

MY BEAUTY BRIDAL’S TALK – MAN CHAN (靈氣化妝師) X YOKO TSANG (美容及養生教主) X 9°BEAUTY

一生一次的婚禮，除了許多的配合之外，新娘子的「內」、「外」最為重要。較早前有幸出席MAN CHAN (靈氣化妝師) X YOKO TSANG (美容及養生教主) X 9°BEAUTY 的MY BEAUTY BRIDAL’S TALK，先學習女生們如們由內靚到外，隨時做好準備。

9°BEAUTY的甲殼水大家早有聽閒，亦好適合敏感既皮膚使用。但新娘子如果想再提升皮膚質素，則需留意婚前的幾個重點，如壓力等，選取適合的護膚品及進行適當的療程。

隨左面部之，亦要留意身體的狀況，水腫是女生的大敵，適當的按摩可以有功去水腫。

Yoko近年多主張養生，究點樣由內靚到外，其實係好靠大家平時識唔識食，就算食到養生的食品，都要方便又有質素。Yoko間鋪頭既野，買過幾次，的確係好啱現代既「無飯主婦」。

當日大家都聽得好投入，因為一個女生如果食得好，調理得好，狀態自然好，結婚就唔洗咁擔心。

一直都有留意開靈氣化妝師-MAN CHAN的PAGE，今次有幸聽到佢講解新娘造型。近期韓風吹得正旺，好多新娘造型都轉向韓系。但大家有無諗過一D特別D既造型呢?

原來MAN CHAN自小學粵劇，所以對中國文化有好深的認識。佢亦將中國的傳統混合西方的剪裁，造成中西合壁的婚禮禮服。

無論由現場模特兒示範及旁邊所展示的禮服，都會看得出不同的特式，亦一定唔會同人撞，啱晒追求型格的新娘子。此外，由於MAN CHAN唔單止係化妝師，亦係一位造型師，佢既配搭係可以好一致，一D都唔會覺得突兀。

當日原來有驚喜，除左3個重量級單位外，仲請左十大婚禮攝影師SIMON教各位新娘子擺POSE。

想變長腿，真係一D難度都無。

完成一個完美的婚禮，最重要都係一對新人，當日了解到新娘子點様由「內」靚到「外」，其實做女生都好受用。