小番薯出完成，返來已經急不及待試用所有產品!
今次試用既包括兩支防晒，同埋新出既粉餅。
對於SOFINA既防晒，其實大家都唔會陌生。不過，大家仔細留意就會發現佢既PA值已經由「+++」變左「++++」，即係佢係可以高效抵禦UVA，防止肌膚老化。以前日本政府只可以俾D防晒寫到「+++」，宜家條例修改左」，所以就可以如實地寫返產品既功能。SOFINA呢支防晒其實配方無改到，只係宜家可以顯示返佢真正的防PA值。
呢支
「高效抗老化防晒乳液」有SPF50 PA++++ ，其實已經足夠係烈日下進行上水活動，即係最高折射的環境，所以原來我地一早已經用緊最高防禦，只係唔知道啫!
呢支防晒極清爽，夏天既時候仲可以用佢來當埋日間乳液都夠保濕，又唔會反白，所以我已經用左好多支。做好防晒可以防止紫外線抗衰老之外，其實佢入面都添加左Rosemmary耐氧化，可以消除促使肌膚老慫的多種活性氧(毒素)。
另一支防晒，其實功效同
「高效抗老化防晒乳液」大致相同，但佢就加入左「美白」成份，即係防晒之餘仲可以同時美白，。呢支通我真係會當日間既乳液用，特別係素顏既時候，貪佢可以護埋膚。另外，呢兩支都唔洗落妝，用返平時既洗面膏就可以，夠晒方便
近排天氣咁潮濕，雖然日日落雨，但防晒我都會做足，因為陰天其實都有好強既紫外線。混合性皮膚既我，其實單用佢地當乳液都足夠保濕，就算用完之後立刻上妝都無問題。如果係乾性皮膚既姐妹，可能加層薄薄既啫喱，再加佢就會好d。
其實整個冬天，我都係用緊SOFINA既粉餅，可以係乾來得又唔會「粉樣」，除左佢本身個粉餅粉質好幼細之外，佢支「Moisture Coat Base」都幫左好大忙。轉入春夏，當然亦要轉用一支可以令妝容比較持久同控抽既base幫下手。
呢支「Long Keep Base UV 持久控油底霜 SPF20 PA++」已經連續2年日本全國BASE 排名NO.1，而日本COSME 網站亦已經連續3年NO.1。
講到咁勁，真係好心急試一試。
呢支BASE有少少的肉色，搽開之後透明感好重，感覺好水潤但清爽。由於佢主打「防皮脂、防汗水」，所以我最勁果日係搽左佢去拜山。好重要既一様既佢不單令到皮膚可以自由呼吸，果日二十幾度，我都無咩點出油，呢様係真既!
既然支BASE咁控到油，唔知配合埋佢「
[全新] 柔亮持久防曬粉餅SPF25‧PA++」效果又會點呢?記得第一次用手指試係手背既時候，我真係好意外，因為呢個粉餅滑到用手指上都無粉痕，即時融合左，當日仲要未用BASE。所以我真係好好奇，係又熱又濕既天氣下，個底妝點可以唔溶又唔變色呢?
未試個粉餅時，先睇睇限定版「幻彩閃爍花火粉盒」，之前係網上見到，已經靚到「嘩」左一聲，當見到實物既時候，真係忍唔住要細心欣賞。由於呢個係限量，大家要買就快啦!
「[全新] 柔亮持久防曬粉餅」由於質地非常細膩柔滑，所以就算入換季或者唔夠訓既時候，都會好易上妝，仲主打「10小時不脫妝、不變色」。
素顏既我已經搽左SOFINA 既防晒，由於質地實在太輕薄，所以膚色都無咩改變，而個黑眼圈都係大到....唉!!!!
當用左long keep base同粉餅後，可以睇到個眼圈已經遮左七八成，而膚色已經均勻左好多，鼻頭既紅都減低左好多。我今次用左work shop教既「太陽法」上粉，即係兩邊面頰、額頭及下巴人中分成四個部份，打圈後再向外推，呢個方法上既粉真係好貼薄。
我呢排日日就係用呢個最basic既妝容去返工，毎朝只要用十分鐘，就可以遮蓋晒面上既問題，加少少胭脂、唇膏就可以精精神神出門口，仔細睇仲可以見到皮膚既光澤，所以呢個粉餅俾我既感覺就係「貼」、「薄」，仲要「勁滑」又易用。
咁究竟可唔可以keep左十個鐘呢，我又揾我去拜山果日去試。哈哈!!(要試就試到盡)呢10小時內，我真無補個妝，只係用紙巾印汗順便吸油，希望可以test到呢支base同粉餅既真正實力。
10個小時後，大家算先應該係見到我既眼神已經好攰，請忽視!!!我地專注地對比下，我自己仔細睇，其實個妝keep 到七八成，由於我面頰位比較多油，所以呢兩個位係有少少溶，但唔嚴重，亦無變色，眼附近亦無咩點變。而額頭則keep得好好，鼻頭係搽汗時俾我搽走左，所以又見返紅左。
經歷10小時，包括大半日既戶外活動，個妝都仲keep到咁，其實都好令人滿意。我試過如果只係返工，座係office，lunch前又乖乖地補少少粉餅，真係可以keep到成日都好靚，毛孔、眼圈遮左大半。
之前既飯餅已經用左大半，睇來我呢個夏季又可以keep住10分鐘出門口，但仍然會精精神神。果然無令我失望，還是我的最愛!!哈哈
