今次試用來自韓國製造的MASK HOUSE AQUA PUMP補水王，號稱「3秒泵水」，仲可以一物三用。
呢個補水王精華有三個使用方法:
1. 深層保濕精華~即係洗完面之後，當精華搽。
2. 妝前打底~在化妝前可以當makeup base 用。
3. 睡眠面膜~晚上保養後，厚敷一層，次日用清水洗淨。
補水王精華含有ceramide 3 ，只要塗上皮膚，只要輕輕推開，就會瞬間釋出水珠，將水份注入皮膚內。補水王既質地出奇地清爽，就算厚厚地敷，一d都唔覺lup。加上佢唔似一般韓國護膚品，勁大陣香料味，只係得淡淡既香味，搽上面即時會覺得好濕好滑。
話明都有三種用途，咁梗係要試清楚啦!
首先係「保濕精華」。洗完面，我眼底面頰位置好明顯係有好多條乾紋，搽左之後，除左覺得面部無咁乾之外，真係見到d乾紋減淡左。為左要試清楚佢既保濕持久度，我試過洗完面只係搽佢，第二朝都覺得ok，唔會乾!不過如果再乾燥既天氣，都係加返cream 會好d!
第二種用途就係「睡眠面膜」。照平時護膚程序後，再厚塗係面上，第二朝其實都已經吸收得無咩淨，只要用水洗下面就ok!其實，我都試過好多睡眠面膜，但就唔係好鐘意用，因為一般都好lup ，我梗係覺得會整到個枕頭袋，但呢個mask既質地就啱我，就算厚敷都好清爽，唔會lup同焗住。
第三個用途就係「妝前打底」，話說冬天最怕粉唔貼，而一支保濕能力強既makeup base，絶對有助粉底更君貼伏。補水王精華要來打底係我最愛既用途，因為佢質地滑，保濕力強，就算我用粉餅，同樣都可以令到底妝貼貼伏伏，就算鼻翼位置都唔會浮粉，而面部亦唔會因上左粉而覺得乾同現乾紋。
總括來講， Aqua Pump補水王精華既性價比都幾高，價錢合理，又一物多用，啱晒懶惰既我。洗完面，隨手拎起用又得，訓覺前，覺得乾搽厚d敷又得，化妝前，拎來打底都得!
產品資料:
https://www.facebook.com/maskhouse
http://www.mask-house.com/
產品由bl x mask house提供
