化妝師其中一樣用得最多既消耗品就係睫毛膠水，D-UP既睫毛膠水係行內既大熱，幾乎個個化妝師都有一支係身，返親貨都要買定幾支!
今次好開心得到D-UP及Tinker Wink 邀請出席佢既新品發佈會，順便了解由日藉化妝師分享既「情人節無辜魅惑冷暖妝容示範」。當日一跟睇一路體驗，實在好開心!
場內放置左好多D-UP 及 Tinker Wink既眼妝用品，其實大家如果有行得莎莎，一D都唔會陌生，一定見過佢地。呢兩個品牌係日本都好出品，其中Tinker Wink已經有130年歷史。當日日藉化妝師，利用幾種唔同既眼部化妝品，再搭配不同既打扮，就做出左「可愛」及「魅惑」既感覺。
Kracie Hadabisei Cheek Mask 肌美精緊緻精華臉頰面膜$56 / 14對
大會好貼心，知道大家放工趕來，除左預備茶點之外，仲預備左「肌美精緊緻精華臉頰面膜」俾大家敷住聽講解，就算大家就算經過疲倦既一天，都可以補充面部水份，方便上妝。
呢個mask主打三大功能: 1)毛孔緊緻、2)保濕及3)提升彈力。
其實佢既設計理念係日本近年流行既30天mask，所以佢一包會有14對，方便毎天使用。而點解佢只係敷面頰位置呢?係因為佢地留意度好多女仔敷eye mask既時候又會拎多一對敷法令紋，所以地設計成現在既様子，方便大家隨時為面部最乾既位置進行保濕，減淡細紋。
由於佢價錢唔貴，只係$56/14對一包 ，所以日日敷都真係無問題，我之後連續敷左一星期，真係覺得幾保濕，比得上肌美精其他既mask，毛孔既位置真係包滿左，感覺亦細左d!!
品牌都有bb cream 同埋礦物碎粉，bb cream同平常一樣，質地唔錯，但顏色對我呢d黑人來講有點白，反而礦物碎粉有驚喜，幾細滑，上面又唔會變粉樣!
當天大會預備左各種既眼妝產品俾大家體驗，我抽到既係「可愛」感覺!
D.U.P. Wonder Eyelid Tape 迷人電眼雙眼皮貼 (超強力)$68 / 60 對
呢隻雙眼皮膠紙其實一d都唔陌生，因為我幫人化妝都會用到，特別係內雙或者雙眼皮既女仔，呢隻係好啱佢地用。
使用方法:
由於佢係雙面設計，所以使用既時候，最好係用佢附送义子拎起膠紙，再貼係雙眼皮線上少少既位置(單眼皮生可以先用义子「拮一拮眼皮，睇下想條眼摺係邊位置，再直接放係上面)之後唔好開眼住，利用义子慢慢將膠紙向內按，令到上下眼皮貼好就可以。
其實呢隻膠紙，我幫人用就用得多，自己就好少用(我雙眼皮都幾厚，哈哈!)，所以會見到有少少貼左出來，但只要試多幾次，就唔會架啦!我個朋友對呢隻雙眼皮好迷戀，因為佢黏力真係好好，就算用完拎來化妝，都可以維持到十幾個鐘。唯一唔好，就係佢貼住上下眼皮，所以如果合埋眼既時候會有d唔自然!!
桃谷順天館 Tinker Wink 完美兩用眼線筆 $98
來緊我要介紹我既新歡(舊歡係雙眼皮膠水)，自從當日用完之後，我呢個幾星期既眼妝都係用佢架!!
呢支兩用眼線筆，一邊係眼影，一邊係液體眼線，一物兩用，經濟實惠，啱晒學生或者去旅行既時候，唔洗帶咁多野!
講下點解我咁著迷先，佢眼影筆果面即經有一個棉頭，可以沾取蓋內既眼影粉直接塗於眼皮上。帶有閃粉既啡色眼影，貼伏度很好，適合做自然既輪廓。由於閃爍度好顏色大路，所以on top再加其他顏色亦可以做出自然既漸層。
其實除左現在流行淡色眼影之外，化妝師其實唔鐘意攪咁多野，因為幫客化就已經玩得夠多，自己都係簡單d好!!哈哈!
另一頭既液體眼線既筆頭係新既設計，除左韌度良好之外，佢仲可以同時劃出幼同粗2種眼線，咁梗係唔係劃多幾筆變粗咁普通啦!
如果想劃細眼變，只要打直支筆，用筆尖劃就可以，要來劃眼尾無難度。
如果想劃粗d，只要放平支筆，就會發現佢係要來俾你打橫拖過去就可以。其實我條內眼線位好粗，所以有時我都會打平支筆來劃，真係快好多!
眼線筆最重要係持久不脫色，對我呢講呢d絶對做到(利申:我對眼唔油的)，基本我十個鐘，條眼線都仲keep到九成!
桃谷順天館 Tinker Wink 娃娃完美睫毛膏 $118
一般來講，如果我自已買睫毛膏，我都係會選纖長型，所以呢支唔係完全啱晒我味。不過，平心而論，因為佢係一支主打捲曲及濃密既睫毛膏，所以我就用返佢角度佢評佢啦!
講真佢既刷頭係幾好用，因為前面特制小刷頭，所有睫毛都可以刷到，要來刷眼頭同下睫毛非常好，而且佢真係好long lasting ，又係一日都無事，唔drop又無碎碎，仲要同眼線一様温水可卸!如果佢有纖長型，你話幾好呢?
D.U.P. Secret Line 超自然假眼睫毛 $75 / 2 對
D.U.P. Eyelashes Fixer EX (Clear) 超強力假眼睫毛膠水 (透明)
日本既假睫毛除左質素好之外，佢既設計通常係我最鐘意! 好似今次用既雖然係自然款，但佢既設計頭短尾長、眼頭同尾段既設計亦唔同，加上係超輕透明梗，啱晒新手!由於我隻眼較圓大，所以我會放係中尾，接長眼晴再放大......哈哈哈!!不過其實戴起上來都真係好自然同舒服，只係眼睛有神d!!
貼假睫毛最重要除左睫毛既質素同款式外，最重要其實係支睫毛膠水，一支可以防水、防油，加上黏力強同快乾先係最重要! 我既最愛設計係毛筆款式，所以只要塗係睫毛既底部，等到半乾放上眼就可以，由於佢會由白色變透明，所以半乾即係開始有少少透明既時候!!
佢真係好好架!!佢係日本COSMO第一架!!!!大家要意佢呀!
多謝邀請，令我能夠同朋友仔開心左一晚!
產品資訊:
https://www.facebook.com/DUPHK?fref=ts
https://www.facebook.com/MomotaniHK?fref=ts
產品由品牌提供
有事找我: hahaship@gmail.com
instagram: hahaship
