由於本人要戴B.C.8.5 ，係香港其實比較少選擇，如果日日戴，都真係幾貴!!
不過，在啱啱去台中前，睇到一位化妝師介紹，台灣買大眼仔，原來選擇多好多，仲平好多。在出發前就已經銷定目標，落機第一站就去左買...買....買。
其實屈臣氏果D都有美曈，但今次燒得咁勁既叫「晶碩光學」，佢係台灣各地都有店面，而且全間都係賣隱形眼鏡。
其實我的眼珠本身都係偏啡，眼珠亦唔算太細，加上我希望戴上之後既感覺比較自然，所以我選左兩款都係以啡色為主，上面煙花層果款會較自然。而下面果款就較特別，我叫佢做「星星」CON!!!
戴大眼仔既好處是無論你咩角度都唔會見到上下既眼白，呢張相就戴左上面煙花層，我覺得有D似自然曈孔既圖案。
另外一隻「星星」CON，真係有星期圖案架!!!
初頭我真係怕會好誇張，但戴左之後都覺得可接受，因為要好近先會睇到星星圖案，而顏色其實係比湮花層淺色(唔知點解我影唔到) ，可以比較下最上同最下果張，有戴同無戴都真係好大分別，戴左真係輕輕都影得出眼神，無戴D眼白出返晒來之後，點影都差D。而中間果兩張，一隻眼有戴，一隻無戴，就明顯睇得出分別了!!
講左咁耐，究竟佢舒唔舒服呢? 我覺得呢個牌仔既CON都好舒服。佢既透明CON係超舒服。而呢兩款大眼仔，我覺得湮花層比「星星」CON舒服，但兩對都可以戴足十二個鐘，亦甚少出現移位情況。
最重要......價錢......實在太實惠。呢間採用會員制，只要先買滿一千，之後所有野都係半價。所以我先以台幣$500X2(30片一盒)=$1000 ，買左2盒普通透明CON ，之後就以會員價$250(毎盒20片)去買呢兩盒大眼仔，除返即係毎盒約港幣$66 。(係台中六日，我第二日試完之後，咁多日都戴住呢個牌子)，尋走前仲買多左幾盒返來，因為對於要成日戴CON，呢個經常性開支真係抵過我買美妝產品返來。
不過提提大家，佢既會員，只可以買自己既度數，除非你同朋友一様度數，否則都係要分開做會員。
今次去台灣，我買得最多唔係美妝野，返而係既大堆CON，由於實在太滿意，所以忍唔住同大家分享下，下次去台灣記住去睇下啦!!
佢成日都會有唔同既款色，大家可以去官網睇下:
http://www.aquamax.com.tw/product/view/id/4
https://www.facebook.com/pegavision
其實佢仲有APP架，大家可以去APP STORE揾下，好似可以網購架!!
P.S. 如果大家擔心，都係問下視光師，畢竟CON都有急險的!!!啱我未必啱你!!
