九秒九的貼伏@Sofina Primavista Moisture Coat Base

作為SOFINA FANS既我，真係好開心，可以試用佢秋冬既BASE同粉底!!而夏天支粉底同BASE我已經好滿意，成日用!!
由於之前一直都無講會試咩，當去拎既時候，我都真係有D出奇，心諗秋冬用粉餅，唔會好乾咩?

係開估之前，介紹吓佢地先!呢支係針對乾燥既肌膚，含有精華成分，可以令到個妝易上D。啱晒呢排轉天氣(其實好開心，香港終於可以有返秋天)，佢仲有SPF15PA++!

另外，佢今次既粉盒係靚到有「嘩」一聲既感覺!睇唔清楚....

睇埋D啦.......

毎格入面都有雕花!!真係好靚!

先睇吓個BASE既效果先，白白地色，推開就會變透明，同我夏天用開果隻(MULTI COVERBASE UV)唔同，果隻就有少少色同遮左D毛孔。

推開都幾保濕，眼底條細紋好似即刻短左，但最最最重要......既係.......
用完佢再上粉餅，係一D都「唔粉樣」，呢個係我超級驚喜既地方，一陣睇吓個效果就會明啦!

用完BASE，梗係要睇吓唔會變「粉」樣既真身先!

呢隻粉餅真係唔錯，用佢送既樸輕輕係面上推開就可以，只係輕輕一下，就好順滑!

佢既遮瑕度幾好，修飾毛孔同膚色都有餘，而且真係好好推，就算唔夠訓，皮膚狀況都無問題。
記得我第一次用既時候，我真係好意外。因為我以前用親粉餅都覺得好「粉」，所以通常就只會要來補妝。但今次呢盒就真係好唔同，妝感係似平時用粉底液加碎粉咁!有時我真係不敢驚歎宜家既技術!

毎日都趕出門口既我，用左佢真係可以用「九秒九」既時間就化完妝。呢個星期真係遲到少左!!哈哈!
輕輕推開，十足貼伏，果然我無愛錯「SOFINA」。

番薯仔出城@SK2 X ISA 工作坊

仲係BLOG 界新丁既我，第一次去到EVENT，仲要係「SK2 X ISA 」，真係開心死我!我一直都有睇開 ISA 既BLOG，今日可以見到佢真人，仲要同佢一齊上去，上到去，佢即刻同我打招呼，勁NICE，同埋佢個妝真係化得好靚!!!

今日既主角!!!!!除左神仙水之外，全部都係新既系列!!!

未夠鐘，周圍行下，今次Event 既場地係灣仔既「ZUMMER」， 總共有兩層，上層以白色為主，中間好多書架，都幾舒服!!下次來食個悠閒既午餐先!

終於開啦!!ISA 先講下佢用stempower cream 既情況同效果!

枱上面放左幾場唔同既產品，呢盒粉底真係好「吸晴」。原來呢盒仲未出街，試下手真係勁滑，ISA見我地係度試，就過來同我地分享點用，佢都好老實，話俾我地知唔好用個樸，用手拍上去會貼d，同埋可以買深一個色，係眼底上多層當遮瑕膏。

今日最令人驚心動魄既環節來啦!!!!唔好睇呢部機仔細細，只要用佢影一張相，就可以比較同分析你既皮膚與同齡既女性既分數。唉.......

唉.........個完真係呢!!!!!!!!!!!! 實在太低分，唔同大家分享啦!!!sk2既老師話我可以試下神先水，加強補濕!!!睇完呢幅圖，心動了!!!!!!!!

另一個環節就係用白玉石去按摩，見住個女仔塊面「V」晒，我地係旁邊除左嘩然之外，真係不敢由心講一句「唔按埋另一面，真係唔知點走。」

今次真係好開心，除左有得試之外，仲可以拎返屋企，後面既紅牆就係今次既禮物!!至於效果係點，遲D再話俾大家知!!

去水腫一流@Mask House 鑽石級V型全效瘦面精華

開始寫BLOG後，對於自拍既技巧，都真係要努力鑚研。不過，有Ｄ野都係要從根源做起，我呢Ｄ大面人，要即時解決大面既問題，除左攝影角度，都真係要靠Ｄ外力先得！！！

今次好彩有得試「Mask House 鑽石級V型全效瘦面精華」，真好！！！

女人對於「Ｖ」面點都有丁丁追求，可唔可以發出鑽石光芒，就真係要配合好多方面。

佢係包括一支「廋面精華」

同埋2支唔同款式既「碌碌」，大d果支主要要來通淋巴同消水腫。細d果支就係用左碌頸同額頭，要來擊去皺紋。

護膚品要搽上面，邊度出都真係好重要!!!佢係MADE IN KOREA ，即係安心左!!

佢係白色乳霜狀，推開就會變左透明，之後會覺得有小小熱。

呢幾個星期，我一個星期用二三次。洗完面，再搽個精華上面，其實唔用按摩棒都會覺得有熱同埋少少緊實的感覺。

但最好既效果當然係用埋果兩支按摩棒啦!!!每次大概五至十分鐘度。

用大果支慢慢向上拉，會有提昇既效果，再用細果支順住條頸向下，推返d水落淋巴度排走。日子有功，按摩對廋面點都有d幫助。起碼如果尋晚飲多左少，拎來按下都可以做急救。

大家睇吓試用前既後果。就咁睇未必好明顯，但加左條線落去就會睇到好明顯既分別。

左面係按左五分鐘，右面就無用，都真係好有分別!!塊面可以細d，最重要係緊左!!!呢個真係好重要!!