陪阿媽去金魚街買金魚後，再吃晚餐，經過洗衣街，阿媽很好奇問呢間食咩。
因為N年前同佢去韓國時係跟團，無機會食到地道既韓燒，所以就試一試。
由於時間尚早，所以店面不算多人。當一座下時，會發現幾個職員立刻拎住多樣身品放到枱上。
首先當然係各式各様的泡菜，包括洋蔥、牙菜等，係無限添加。
仲有麥荼，又係無限添飲。
仲有一様係泡菜雞蛋，店員會先放上泡菜在旁邊，再加入蛋醬，呢個就無得無限加啦!
初時我以為早，無咩人，d服務先咁好，點知後來全店full晒，服務都係一様咁好。
點完菜就已經係放工時間，鋪面充滿人，好彩早到一步。
店鋪裝修充滿時代感，係座位迫左丁丁，人多來可能就辛苦少少。
「泡菜海鮮豆腐湯」份量很大，媽媽都慨歎，食極都食唔完。
湯底不算辣，合乎港人口味，湯內的海鮮份量豐富，豆腐亦很滑。
「五花腩」是店內推戒，沒有調味的肉，其實很講質素。一上去見到色澤紅潤，有光澤，應該對板，而肥瘦適中，價錢$98/150G，比想像中大份。
店員見我準備想放塊肉落去燒，已經即刻走過來幫手，原來剪開一條條真係易熟好多。
由於塊燒板有少少微斜，所以好多油已經流走左，唔會積晒係度。
燒好之後，點少少辣醬食，入口咁香，唔覺肥膩。
店內另一推介「牛排骨」$128/50G，上枱時俾佢既賣相吸引左，薄薄既牛肉片一卷一卷地卷著。
服務超級好的，一見到我想燒牛，梗係立刻過來幫手啦!原來係卷開佢，之後剪成一塊塊。
牛肉本身有調味，但我最鐘意都係夾埋泡菜同蒜片生菜一食。牛肉很嫩，入口軟軟的。
「豬皮」另一韓燒特式野，豬皮已經煮熟左，所以燒左個面就可以食。
不過，我覺得呢度既豬皮有點淋，唔好似之前食咁爽，可以改善下。
呢度服務好好，2個人都係食左500，其實幾抵。
.
