潮流之選@BBQ7080

韓式燒肉，大行其道，朋友之前食過呢間覺得唔錯，今次再去試多次。
環境很有韓國的風味，再加上一點點懷舊的裝飾。

韓燒當然係前菜先上。除左豆腐之外，全部都可以無限次添加。

泡菜不太辣，應該係合乎香港人的口味。

豆角係爽脆、生洋蔥帶點辛辣，愛它會愛死，不愛應該很難入口。

因為得二個人，又想食多幾款，所以點左二人套餐。

雖然毎份肉既份量少D，但2個人已經好足夠。

「烤牛肉、烤雞肉」呢2款係有調味的，味道不咸，也不太甜(唔知點解有時食韓燒，總覺得好甜)

送上肉時，亦同時送上生菜，一起吃，減少罪惡感。(都係無限添加)

烤五花腩、烤牛肋骨肉沒有調味，但燒起來油脂很香。

燒肉還是愛原味，只要肉質素好，其實原味已經很好食，最食得上肉的鮮味。

如果真係覺得唔夠味，韓式辣醬就係時候出動，加埋生菜，食多幾塊都唔

怕。

燒烤，我覺得最難燒真係好蔬菜，因為要熟得來唔黑，堅難。

炒粉絲味道不錯，較濕身，份量不少。

 

海鮮煎薄餅幾香口，入面有不同的海鮮，又是另一飽肚之選。