樂園呢間樓上CAFE,已經唔係第一次去,之前去過印象唔錯,記得佢有隻好有性格既貓,不過好似話有客人驚,所以果日就無放出來。
同一般樓上CAFE相似,都係可以玩,可以食,可以飲。
巴哈馬火腿沙律及豆腐沙律,個人鐘意豆腐沙律多D,松子人香口加埋軟軟的豆腐同芝麻醬,口感豐富。
小食拼盤賣相精緻,分別有炸魚、炸蠔同炸雞翼。最好食係炸雞翼,外脆而有肉汁,炸蠔有點過火。
焗帶子不錯,芝士香濃,不過有丁點乾身。
牛扒質素尚可,醬汁頗具心思,不同蔬菜打成的醬汁,吃起來減卻了那份膩。
去「樂團」最期待就係佢杯怪獸雪糕,超級大杯,超級吸晴。
超初以為佢只係得外表,原來佢好有內在,入面附左雪糕之外,仲有雜果同威化餅。
佢既雪糕唔似一般「牛記」,係有質素的,士多啤梨味仲可以食到果肉。
一大班人一齊分享,真係仔開心,好歡樂!不過要食晒就唔係咁易!
呢度既飲品,賣相不錯,但味道一般,希望可以再加強加強!
沒有留言:
張貼留言