人越大，越想追求簡單自然的生活，我們開始養生，開始茹素，開始吃有機食物......但你地又有無想過除了吃進去要天然有益外，我們的皮膚也可以用天然的護膚化妝品去維持良好的質素呢?
以前曾經用過許多聲稱純天然既產品，好多時真係覺得無咩明顯效用。但今次既既workshop又再令我大開眼界。因為當天即場試左多個天然既產品，效果十分明顯。
當日除左體驗Jane Iredale 既礦物化妝品之外，仲有Living Nature同Talia 既護膚品!!其中幾件產品實在令我一見傾心!
位於旺角既WORKSHOP擺放左多個天然品牌既護膚品!
原來Jane Iredale 有咁多種化妝品，要化一個全妝真係無難度!
當日做完護膚，再化個全妝，真係好貼，作為化妝師既我都好滿意!事不宜遲，一齊由護膚開始......
當日我地首先用「天然植物卸妝水」，再用Living Nature既洗面乳洗面，洗完真係一d都唔亁。
之後，就到我一用大愛的兩款mask ，一款係獨立包裝既清潔mask ，一款係保濕mask。Living Nature既產品不含礦物油、人工色素、合成防腐劑等化學物料。主要既成份係天然修護思物Manuka Honey同Manuka oil等等。
圖中我完全無執相，首先講下個保濕mask。起初敷既時候，應該係厚厚既白色，但由於我塊面呢排極乾，所以當我地睇完化妝示範之後，得我一個變晒透明，但皮膚真係即時變得好細緻!!我要去買呀!!!
而T字位我就用左深層清潔mask ，用完鼻頭既白頭浮左出來，其實一般泥mask都會比較乾，但個就唔會，係難洗少少。
Jane Iredale 「Liquid Minerals A Foundation 」同一般粉底好唔同，因為佢係完全無動物油份，所以開始用既時候，係會覺得比較難推，但其實只要係手背暖一暖之後，再推上面，一様可以做到好貼薄既效果，搽左半邊面，效果其實都好明顯，佢既遮瑕度屬於中度，加埋防晒粉，平日返工已經好OK!!
Jane Iredale 既防晒粉，其實真係唔洗多講，因為佢唔單止粉質幼滑(提提大家選碎粉既方法，只要放上手背，用手指推一推，如果可以無晒咁即係代表佢夠幼)，仲有SPF30。所以用來定妝同補妝真係一流，佢既旅行妝係連埋一個粉樸，只要輕輕係面上按，就已經補到防晒。
可能大家會有疑問，粉質既防晒會唔會好易被汗水沖走呢?其實唔會，因為佢抗水性達40分鐘以上。所以我來緊會帶佢去沖繩!!!
另外SKIN CANCER FOUNDATION亦推薦呢個產品。所以如果你平時用開化學性防晒，真係要開始諗下佢對皮膚既影響，考慮轉用一D天然D既產品。
化晒個底妝之後，可以用佢地四款唔同既「保濕滋潤噴霧」來定妝。我用緊果支紅石榴，可以抗氧去黃。
當日我試左Jane Iredale既眼妝產品，紫色Eye Liner顏色好靚，好適合用來做外眼線。而三色眼顯色度都幾好，仲要係純礦物製造，低敏感度，啱晒我要來幫媽媽化妝時用，唔怕影響到BB!
另外，無論胭脂，唇膏都適合任何人仕，包括孕婦都係可以用，真係日日化妝都唔洗怕!
當晚佢送左Talia 「珍純水潤活動寵膚日霜」，除左補濕之外，最重要既功效係抗衰老。
試用既第二個星期，秋天好明顯，毎日既濕度得50-60%，我都keep住用佢，結果佢既保濕度好令我滿意，因為我塊面全日都無覺得乾。而佢既質地亦好滑好好推，對於需要抗老既肌膚真係零負擔。
原來宜家既天然產品性能已經好好，好多謝有呢個機會令我認識到天然產品既好處!如果大家都有興趣，可以去以下既facebook睇下: https://www.facebook.com/janeiredale.hk
