令人迷戀的精華@stefania 眉睫再生精華

 好多人都問過如果你只可以拎一様化妝品，你會拎咩? 我毎次都豪不考慮地回答：眉筆。因為我天生就係得半條眉，無眉尾的我.........好可憐!!
所以我對於眉睫精華其實好迷戀，但講真有效既唔多，可能我情況太嚴重吧!!!!

不過，又俾我揾到支唔錯喎!!!!呢支就係Stefania 既眉睫再生精華。

它採用筆狀既設計，配埋淡金色的筆身。

只要輕輕按筆上的制，精華就會流到筆尖，方便直接搽到睫毛根部。

精華液係透明狀，所以無論日頭化妝前用都無問題，晚間就更加要用啦! 精華吸引得好快，所以唔會影響搽眼霜或者面霜!!

我KEEP住用左兩三個星期，毎日早晚都搽，都有幾明顯既效果!
首先係眉毛的部份，驟眼睇係唔係唔覺呢!!但身為無眉人既我就可以好肯定咁講......我條眉係濃左.......不過係前半部之麻。由於我眉毛真係無咩毛，所以就算支精華幾咁利害，都無可能係無毛囊既地方生到毛!!
如果你有毛，只係唔夠濃，呢支就真係好幫到手。搽左呢支精華....D雜毛仲出得快過條眉，係唔係可憐呀!!!不過前面濃左我都開心既!!!!!

我既睫毛唔算少，但最大既問題就係唔夠長，特別係眼頭附近。

同樣用左兩三個星期，眼頭睫毛又真係長左喎!!而整排睫毛就硬正左，同埋黑左!!!我好珍惜毎一條毛，所以佢硬正左，我好開心，因為唔會咁易夾斷!

嘻嘻!無咩毛既我，可以有咁既效果已經好滿意!!畢竟要有無毛變有毛......真係有點強人所難!

久違了.....卸妝「油」@SUISKIN深海精華卸妝液

我第一眼看到呢支卸妝產品，仲以為係「卸妝油」，我已經好耐好耐無用啦!!因為之前俾做FACIAL 姊姊點醒左，我勁生粉刺係因為用卸妝油，所以我已經好耐無用啦!!
不過，呢支只係樣似啫，佢其實係卸妝液，我用左半支都無事!!!放心晒!!!

其實係來一支瑞士配方、韓國製造的卸妝液，15秒就可以卸除厚妝。

初頭，我仲以為佢似卸妝油咁要乳化，但其實係唔洗架，用水一過就可以，用完塊面仲好清爽同保濕。我又係欣賞會寫清楚有效期(日期控......)

我覺得佢既泵裝設計好好，只要推前推後就可以鎖住，唔洗怕唔見左個扣!

快快試下佢既卸妝力先，我覺得最難落就係眼妝，所以今次我就用對眼來試一試佢。我劃左條勁粗既內外眼線，先用化妝棉敷左十秒先，之後抺幾下，已經落晒喎!!!仲要好重要既一樣野，就係一D都唔「拿」眼!!!!

之後，我用BIODERMA試下落乾淨未，又真係無野喎，右下果個就係啦!!!果然幾乾淨。

由於當日無用到睫毛液，另一日我又試左，都係好落得，黑色一點點就係D睫毛液，要啡色就係條內眼線，又係一敷就落晒!!

佢唔拿眼既程度係...我落晒隻眼，仲可以卸晒全面先至過水，真方便!

平時我既妝都唔會太厚，用佢落一次就已經好乾淨，佢仲有淡淡既草本味，用完唔乾又清爽，加上價錢合埋，會回購呀!

原來Eyeshadow Base真係咁重要@Elf VS Lasplash

勁耐無出文，終於等到假期，可以放假寫文啦!!!
先祝大家越來越靚，皮膚白白滑滑，心想事成先!!

唔知大家有無試過想化深色眼影既時候，有時塗左好多層，結果都係唔上色呢?
今次就想同大家比併下呢兩支Eyeshadow Base。

ELF 呢支我已經買左好耐、La splash呢支就新買既，兩支都唔過一百蚊，係d化妝小鋪就可以買到!

今次我用左BOURJOIS 3色Eyeshadow既黑色來試下呢兩支base!

ELF有d肉色，La splash就係透明!

首先，我就用手毎邊各印上3次。

原來都幾大分別架喎! La splash 一印上去Eyeshadow就食住左，ELF就好明顯仲見到BASE既顏色，仲睇到D乾紋!上色度 La splash 勝。

之後我就試吓推開佢，睇吓會唔會易掉!

結果La splash又真係唔係好有變化，Elf就好明顯散開左。持久度 La splash 略勝一籌。

來多張對比圖，可以睇清楚! La splash d色真係實淨好多!

最後，梗係要試吓上眼，先可以睇到佢真實既效果啦!

由於影相當晚已經係夜深，大家就忍耐少少我眼既紅筋啦!

右眼係用左La splash ，右眼就用左ELF。

 我用返啱啱盒Eyeshadow來做blending，都好明顯睇到兩隻眼既分別，Lasplash 明顯上色同實色好多，眼既根部亦紮實D，而ELF都係比較淡，仲有D位上唔到!!

今次既比併，Lasplash 無論係上色度同持久度都明顯比ELF好，大家有興趣就可以試下呀!!