天天針對不同問題@Mask House分子及幹細胞面膜

係咁多種家用MASK 入面，最方便首推Paper Mask,再加上宜家Paper Mask 越出越多款，唔似好以前只係保濕、美白，而係多左好多專門針對皮膚唔同問題，包括緊緻、抗皺修復等等......

今次一口氣試左Mask House 六款來自來個唔同系列、針對唔同問題的paper mask!!!

首先係來自「幹細胞系列」的三位成員，「幹細胞」系列希望可以組織細胞的再生潛在功能，從根源徹底改善肌膚問題。

 左邊係「蛇毒、幹細胞面膜」－極張抗皺修復
 中間係「胎盤素、幹細胞面膜」－極白美白緊緻
 右邊係「蜂毒、幹細胞面膜」－極煥滋潤去紋

另外三款就係來自「分子面膜系列」，分子美容係利用生物分子重組排列技術，配合皮膚自我更新功能，促使細胞甦醒及分裂，使肌膚恢復最佳狀態。 

 左邊係「酢液竹炭、分子面膜」－600%控抽抵抗痘
 中間係「深海魚子、分子面膜」－7天修復滋潤
 右邊係「智利蝸牛、分子面膜」－10倍補濕銷水

呢六塊面膜開左之後你都會發現佢係起多精華，拎左塊ｍａｓｋ出來，入面都仲有好多好多精華。

多到我唔住放兩塊化妝棉入去再敷其他地方。我試過兩個系列都係一樣咁多精華。

呢兩個系列的mask cutting 唔錯，就算我呢d大面人都可以cover 晒，同埋佢質地都係薄透而堅韌。

其實酢液竹炭既mask 真係黑色既，mask 既質地亦較厚，不過同樣伏貼。

由於塊mask真係好多精華，所以第一次用既時候我放得低左，精華既重量令佢有少少跌落去。不過，之後放返高d就無事。

相中用完既效果係「深海魚子、分子面膜」，係我用完覺得最有效果既，用完膚色係真有返晒光澤，亦有種通透感，好似白裡透紅咁!
而其他幾款樣地都係保濕美白效果好好，但由於佢地針對既問題無咁易睇到，所以未緻好明顯。
「酢液竹炭」係控油得來唔會乾，但佢入面講到可以做深層清潔，我就有d疑問，因為敷完又唔係好覺有野浮出來。

敷左15-20mins 後，面上會有好多精華液，只需要等一陣就可會吸引埋，我就用左一個吹頭既時候，塊面就變得乾爽左乾左之後，皮膚既通透我覺得都仲keep 到，效果唔錯!

呢幾隻mask 係可以獨立一張張咁買，可以選返自己想改善既問題先致用。價錢雖然都要十幾蚊一塊，但以佢既精華及效果，我覺得算合埋，大家可以試下。



產品由Beauty Life X Mask House 提供 

1分鐘韓式底妝@Etude House Precious Mineral Any Cushion

Etude House 用上最新的cushion cell-trap technology，令人期待。粉盒在設計上實在方便及貼心，可以隨時都放好粉樸，粉樸質地密度很高，很易沾取粉底液，不會吸太多粉，造成浪費。粉底液質地較為水潤易推，遮瑕度很好，我的眼圈很易就被遮蓋，透薄度亦不錯，我最怕粉質太厚皮膚不能呼吸。不過，對中性偏油皮膚的我，它的控油度及持久度則一般，我試過只是T位落碎粉，希望保留兩頰皮膚光澤，三十幾度很快就溶，最後我先用LONG KEEP BASE再全面用碎粉定妝，持久度則有所改善。多次補妝後底妝還算透薄，這一點倒是不錯。它有兩個顏色選擇，用了深色的我還是有一點白，膚色深的女生要留意。

Etude House 的產品總是很夢幻、很少女，粉紅色的全效珍珠零瑕粉底霜，就如小公主的玩具。雖說不再少女的我，看到....還是會心動。

粉盒的設計很方便，無論打開或合上蓋，也可以放好粉樸。啱晒佢可以「除時補妝」的特點，真貼心。

貌似粉餅的設計，入面其實蘊藏左一個「cushion」，cushion下面先係主角粉底液。「cushion 」氣孔緊閉技術，將粉底緊銷於Cushion內，可以使妝容更輕盈。

Any Cushion 的特別是簡易便用，只要瞬間就可以遮蓋面上的瑕疵，對比起BB CREAM ，佢既遮瑕度更高。

原來Any Cushion 的遮瑕度真係幾利害，我的無敵黑眼圈俾佢遮左九成。

近D睇，面上唔同的瑕疵亦可以輕易遮到，只係鼻頭仲有少少紅。

只要一分鐘，一個具遮瑕度同透薄的底妝就攪掂，而加少少眼線同胭脂，就可以精精神神咁出街同返工。

唔洗再俾人「修」皮啦~!!!!!@Scholl爽健速效去硬皮擦

腳係人體承受最大壓力的地方，而女仕們為左愛鞋，往往唔舒服都唔理，再加上成日行街SHOPPING ，對腳就好易產生硬皮，有時太厚唔單止唔好睇，仲會好痛呀!
以前我都鐘意出去俾人修腳，唔單止修晒D死皮，又可以搽靚靚甲油。可惜，有次俾人剪親之後，我就唔敢再俾人修，好彩無感染細菌。
呢支速效去硬皮擦，話係屋企簡簡單單就可以解決硬皮既問題，又睇吓係唔係真先?

盒入面有一支軟化硬皮的液體及一支膠做的硬皮擦

盒背寫得好清楚做用法。原來有糖尿病及血液循環不佳的人係不宜使用，大家要留意啦!

首先，將軟化液滴係棉花上，之後再敷係要硬皮上面最多6分鐘，最後用硬皮擦推走死皮就可以。
不過太家要小心，因為支軟化液含有鹼性，故此最好唔好沾係正常的皮膚上，用完要徹底洗乾淨手腳。

講左咁耐，不如就睇下效果啦!! 

前掌的位置，用左一次已經無左。

腳根的地方，用左一次亦無左九成。兩個地方都變得滑返晒。

好野梗係同人分享啦!所以俾我常常因為D硬皮要叫痛媽咪用。
一陣你地睇到就明白佢點解咁痛。

佢前掌的中央位置有二塊好硬好厚的皮，因為佢返工成日企，所以剪完好快就生返出來。
媽咪一共用左二次。第一次用完之後，中央的硬皮位置有少少好轉。到第二次的時就，效果就明顯好多，旁邊的死皮都去埋，而中間的硬皮就薄左好多。阿媽話會KEEP住用。

真心覺得呢支野有用，仲好方便，唔洗BOOK位，唔洗約，6分鐘就可以攪掂D硬皮，再加上百幾蚊的價錢，仲平過出去修腳，所以今次試用完，我都會回購。不過唯一既就係佢有鹼性成份，用既時候要小心D，我唔心滴左一滴落地，即刻白左.....




此產品由The ztyle 及爽健提供