悠閒細心美味@Dabyida Restaurant and Bar

尖沙咀棉登徑係我同朋友平日茶聚的地方，鐘意果度人唔多又多特色餐廳。

我同朋友都食左午餐，見到呢間TEA SET好似唔錯，座位又寬敞，啱晒傾偈。旁邊仲有bar枱及電視，如果夜晚去，氣氛應該更好 。

其實我好鐘意食Cold Cut，所以見到下午茶，可以選既時候，實在忍唔住。

呢個Cold Cut拼盤有四種唔同既款色，色澤柔潤，唔會乾爭爭。

待應會因應客人既口味加上黑椒，仲要係即磨。四款cold cut入面有巴馬火腿，油脂分佈平均，入口不會膩。我鐘意食Cold Cut，其實愛那份咸香，質感有硬有軟。四款cold cut味道不同，配上少少沙律，正啱不餓時過下口癮。

食cold cut其實最好梗係配酒啦!不過始終係下午，我最後都係選擇左熱咖啡。雖然我對咖啡無咩研究，但呢杯咖啡都幾啱我口味，不苦卻帶有一點點咖啡香，即磨再配上已温的奶，加落去都唔會影響咖啡既温度，細心!

環境寧靜，服務細心，食物不錯，適合渡過一個悠閒的下午。

要再去的放題@平成二十二

一般介紹放題，首要的都是刺身相，但山林道的「平成二十二」，我覺得最值得推介是天婦羅。

我認為天婦羅首講粉漿的厚薄，能否包住食材之餘，亦不因過厚而失去食物的本質才最重要。這裡的天婦羅粉漿厚薄適中，而咬開後，亦不會覺得油。

除左質感好之外，天婦羅的品種亦很多，除了平常的蝦、蕃薯等，仲有一D好特色既食材，上圖既係「天婦羅粟米」、下圖係「特製天婦羅南瓜餅」。呢兩款真係ENCORE再ENCORE!

其實平成二十二的刺身同樣出式，除左三文魚、希靈魚之外，仲有牡丹蝦、帶子、魷魚、螺等較少出現係放題的食材。

呢度既牡丹蝦超新鮮，隻隻都成隻手咁大，除左肉質彈牙之外，仲非常鮮甜。唯一就係因為有殼，食起來有點唔方便，但實在太好食，當晚都唔埋咁多係咁拆蝦殼。

平成的前菜同樣吸引，芝麻豆腐有豆味得來又勁滑，個芝麻醬仲好好味。另外麵醬青瓜都好少見，好清新。

平時放題真係好少食手卷，但當知道有「蔥吞拿魚」之後，我都忍唔住叫左。手卷係即叫即整，紫菜夠脆，材料「頂左立地」，食到底都有。

朋友愛熱食，佢話咖喱飯好好味，而我愛的下圖係素翅，味道不會太咸，質地剛剛好!

串燒最愛燒冬姑，夠香唔會乾，牛舌，羊架都唔錯。

甜品泡茨鬆軟好味，記住自己去雪櫃拎，雪糕有紅豆味又幾好喎!

樂聚「意大利」@Babbo Tarttoria

想起意大利，其中一項必定是她的美酒佳餚，還有那種歡愉的氣氛。
姊妹淘在銅鑼灣二千年廣場找來了一間意大利餐廳樂聚一下!

海鮮一直都是我的摯愛，這個「香煎巴拿馬火腿帶子」，當天最得我心!! 
平常吃帶子，很多時都是刺身或單煎。而這個帶子加巴拿馬火腿的配搭，真係首次吃到!!帶子的清甜，加上一點點咸香的巴拿馬火腿，原來係極度配合，再加上少許香草及橄欖油，一放進口裡，那種香氣很快便攻陷整個口腔。

這裡很多菜色都是利用這個窰爐造出來的，包括這個帶子和之後介紹的薄餅。傳統的意大利薄餅多是用這種爐造出來，廚師正在測温，準備放材料進去，open kitchen的設計，的確為食飯增加一點趣味。

我們本想點出名的凱撒沙律，但由於有人吃半素，所以我地點左另一個適合素食人士「綜合乳酪生菜沙津 formaggi」，沙律用左幾種不同的芝士配搭新鮮的蔬菜，份量不少。因有不同芝士的味道及質感，所以吃起來不會膩，很快便清碟了!

其實我地都幾鐘芝士，再配合半素人士，我地叫的pizza都係無肉既。

「綜合芝士Formaggi ＋奧多蘭納鮮蔬Ortolana」，「綜合」果面我比較喜歡，「奧多蘭」果面有點濕，加上餅底不夠脆，有點失色。

當天另一個很有驚喜的餸菜「葡萄酒醋乳酪扁平麵」，第一眼上菜時，我地研究左好耐，以為係甜品，造型太精緻。用葡萄酒煮意粉平常較少吃到，原來配合芝士及雞肉，味道係幾特別，雖然帶有一點點酒味，但不濃，所以不喝酒的也可試試看呀!

「薩萊納蕃茄蔬菜管麵」好好味，濃郁蕃茄汁配上不同的蔬菜及菇菇，好開胃!

「拿坡理蕃茄海鮮燉飯」好有咬口，濕度剛好，配上大量海鮮，啱晒我呢個海鮮怪!!

毎一餐飯要圓滿都要吃甜品，可惜這裡的「甜品拼盤」，坦白講質素很一般，不點沒損失。比較吸引的那個「紅莓奶酪」!

餐廳環境寬敞，共分兩個區域，當天我們座了高枱區，雖然可以看清open kitchen的情況，但對於個子不高的女生們，真的有點吃力，大家訂位時可以留意自己的需要呀!

地址:銅鑼灣羅素街2-4號二千年廣場5樓

電話: 2606 1288/ 2606 6330

真係要用「++++」的防曬@LA ROCHE-POSAY水凝防曬隔離液 SPF50++++

一年到晚，日日都要用，日日都啱用既護膚品一定係「防曬」，以前買防晒只係著重度數，以為度數越高越高，後來先至發現「PA」後面果幾個「+」，同樣咁重要!

宜家既太陽真係好毒，如果唔選取一支合適既防曬，到時就真係大件事，紫外光係衰老的元凶，大家要好好留意。

防曬度數幾高都只可以防到UVB，但要有效防埋UVA，就要靠後面果幾個「++++」，以前可能大家見到最多都係「+++」，但宜家已經可以去到「++++」(日本指數PA)。

點解防UVA咁重要?

1.因為UVA一年四季、好天陰天都存在。

2.因為UVA可以穿透玻璃至室內

3.因為UVA當中有75%是可深入穿透至深層真皮層的長波UVA

最重要係毎日接觸的紫外線中有95%係來自UVA，UVB破壞都係皮膚表面，但UVA入左深層皮膚，就會引起色斑、皮膚老化等問題。

LA ROCHE-POSAY水凝防曬隔離液 SPF50++++ 新推出的防晒係乳狀質地，推開時覺得十分清爽，就好似搽Lotion一樣。

有d防曬雖然爽，但搽完表面會一層野，會覺得唔舒服。但呢色搽完係完全乾爽既感覺，可能同佢有「Perlite珍珠啱」及「Silica控油因子」有關，可以保持肌膚啞緻，啱晒潮濕既香港天氣。

好多時搽完防晒再上妝，都可能會有反白或者浮粉既情況，但呢隻就完全唔會，因為佢既控油因子，我仲覺得個妝keep耐左。

其實，我唔算好油既人，亦係一個深膚色既人，所以選擇防晒時，我通常會揾一d清爽得來可以有d保濕感覺既防晒，最怕一d搽完成日都乾爭爭既感覺。

總括來講，呢度防曬:

1.防曬度夠，我去左郊遊大半日都無黑到。

2.質地清爽，能有效keep住妝容。

3.具保濕功能，搽完唔會乾爭爭。

4. 雖然都係30ml，但由於乳狀質地，好易搽多左，應該好快用晒。

產品由品牌xbeautylife 提供

BeautyExchange.com X Dermes 尊貴禮遇

收到BeautyExchange 的邀請去Dermes 體驗專業脫毛效果。當日我預左約尖沙咀北京道的脫毛中心。走入大堂，即時見到維港景色，在等候的過程，大家可以先看看雜誌或喝杯茶欣賞景色。

不過，其實前枱的職員好快已經開始介紹及講解體驗的過程，都無咩需要等既時間。在開始激光療程之前，會先有一份「接受激光治療同意書」，入面講述左激光療程的風險及注意事項，其實好多之前係電話預約時已經提醒過。我幾欣賞佢地用電子簽署，既方便及環保。

之後，治療師Molly就帶我入去會客室了解我需要脫毛的位置，以及平常的生活習慣等。由於我毛發不算太旺盛，比較困擾我既係上唇的毛，因為上妝後毛髮會好明顯，仲會令妝容唔貼伏。

Molly 介紹完治療的過程後，當然有講解埋接受治療後的護理情況。接受治療後，最重要係保濕，所以在治療前後敷水份mask原來好重要。

入到治療室後，就即刻見到Molly介紹果激光機及另一部舒緩的風機。原來激光的機係會追蹤黑色素，所以可以破壞毛囊，但就要配合生長周期逐漸減少毛髮。

治療師Molly入到治療室後，再次同我講解脫毛的流程，之後就開始係我手上面做測試，以測試清楚有不對激光敏感。

測試既程序:

1.先刮走手上的毛髮

2.在手上劃上不同方格，以便測試皮膚能接受不同度數激光的能力。

3.之後MOLLY為我戴上眼罩，保護雙眼。

4.在手上的方格用唔同度數的激光開始測試。

5.等待5-10分鐘，以了解有否過敏情況出現。

其實治療上唇的過程同測試的過程一樣，不過由於上唇位置較敏感，所以Molly先俾左個冰袋我敷上唇，以減低痛楚。

由於進行的過程需要戴上眼罩，所以未能拍照。在過程中，毛髮較多的位置，會有好輕微刺刺的感覺，毛髮較少的位置則什麼感覺也沒有。

Molly同我講，進行一次激光療程，可以減退20%的毛髮，由於我膚色較深，故此需以低度數的激光進行，大概一年半的時間，就可以完成整個療程。

影呢2張相時，已經係接受治療一星期，雖然我毛髮生長唔算大快，但平時通常三四日後就已經會見到毛髮開始生長，宜家整個星期都仲係好光滑，加上治療師真係好細心，毎個過程都會講解清楚，俾足心理準備先開始做，讓人可以係無擔憂的情況下完成。我好想KEEP住呢種光滑呀!

我有個朋友因全身毛髮都好勁，已經係Dermes做左好幾個唔同既部位，佢一聽到我心動，即刻叫我要俾佢介紹入會喎，因為原來宜家用個app 介紹朋友做試做dermes 療程! 只要有3個朋友試做左後，你仲會有150分友禮會積分! 可以拎黎換禮物!

無論試做過dermes 或者已經係dermes 客人既妳， 快D登入 dermes Love Wall http://bit.ly/dermeslovewall分享你既真實見證同用後感啦

體驗過程由BeautyExchange.com X Dermes提供

最緊要鮮@尚上下夏養生雞煲火鍋

一大班人食飯，我最鐘意圓枱，圓枱最好打邊爐。細個時打邊爐最鐘意去任食，因為平又一定飽，人大左，食唔到咁多，到開始講求食物質素，貴精不貴多，呢個道理宜家終於開始明。

朋友當日提議去尖沙咀山林道「尚上下夏養生雞煲火鍋」，試下新野先!

鋪面唔算太，主要係四至六人枱，我地果日成八個人，就座係中間既大枱。雖然得一張大枱，但一D都唔迫。我覺得佢既裝修有點似CAFE，多過似火鍋店，但咁様又幾有HOME既感覺。

等人齊，食住前菜「溏心皮蛋豆腐」先，皮蛋係糖心的，豆腐夠滑有豆味，皮蛋迷唔好錯過。

呢度食雞煲，除左選幾麻幾辣之外，仲可以選擇雞的部位，雞胸定雞脾都可以由自己決定。

由於唔係個個食辣，所以我地選左一邊小辣一邊唔辣，辣中帶甜，容易入口。除外雞之外，配菜仲有好吸味既豬皮，如果你鐘意食辣，一定要吃，精華所在。

市面多數的雞煲都係加湯時都係用豬骨湯，但呢度就有好幾種既選擇。我地選擇左「足料龍蝦湯」同「養生藥膳湯」。初時，我地都有D擔心會唔會唔夾原本雞煲既味道，原來係無問題架喎，仲可以食到兩種湯底既味道。

最緊要鮮~首位:海鮮。呢度既海鮮十分正，帶子皇鮮甜、花竹蝦彈牙、桶蠔肥美、班片厚實。加上價錢實際，實在值得推介。

最緊要鮮~第二位:牛拼盤。High Tea先會出現既田園層架，竟然唔係放cupcake，要來放牛肉又幾方便慳位喎!!呢個拼盤有齊牛的唔同部位，牛肉既質素唔錯，柏葉唔韌。

平時愛牛的我，覺得呢兩碟豬更出色。花腩片熟後十分爽脆，黑豬肉片鮮味得來又軟熟。推介!

鬼馬墨魚好好食，反轉墨魚果面滾一二分鐘，即既時候又脆又滑，口感好有趣。招牌貢丸來自台灣，堅好食!!自家製響玲好新鮮，即叫即炸，一上枱已經聞到香味。

什菰籃及什菜藍無特別但打邊爐必備。

雖然好飽，但女人食甜品有第二個胃，鮮奶凍滑得來唔甜。最後仲毎人送左杯果醋，啱晒要來解膩。

食物質素甚高，讓人回頭的放題@三木日本料理

假期多，朋友聚會自然多。我同我D朋友都好鐘意食放題，今次食既係位於尖沙咀K11旁的三木日本料理。宜家好多間放題，開始前都要係樓下等帶位，但呢間Reception夠大，唔洗企係街度等。

三木既座位比平常的放題餐題寬闊，旁邊仲有幾間vip房，見到有生日既字，可能之前有人開完生日會。

平時介紹放題，一定先放刺身相。不過，三本我就要先放甜品相先。

勁推介勁推介「柚子雪糕」，味道清新，酸甜適中，有少許果肉，質感似雪芭。

當天雖然食到好飽。最後，我地都忍唔住食左2球。柚子雪糕我從未係放題食到過。

另外，呢幾款甜品，係唔係唔切放題會出現既呢!牛奶布丁、提拉米蘇、木糠布丁、焦糖燉蛋都有得食，對放女生來講，甜品放題吸引力更大。

木糠布丁、焦糖燉蛋好好味，唔太甜夠滑。牛奶布丁唔啱我口味，魚膠粉有點重、提拉米蘇則有點濕。總括來講，整體質素高過一般的放題好多。

講完甜品，都係要講返刺身，畢竟刺身才是放題的靈魂。呢度既刺身除左份量足之外，整體都好鮮甜，特別係甜蝦同三文魚鮮，唔會好似平時d放題，得個厚字但無味。

平時去放題，真係好少叫壽司，因為實在太頂肚。三木有幾款特色壽司，忍唔住又叫左幾件。海膽雖未去到好鮮甜，但起碼味道正常，入口唔會覺得腥，份量都幾多。不過蟹膏壽司就真係麻麻，無咩鮮味。軍艦壽司係即叫即整，來到時紫菜仲係脆卜卜。

三木會出現一般放題唔會出現既食材，好似燒銀杏，係好出名既日本串燒，但唔係咁多放題可以食到。而串燒既質素唔錯，牛舌最好食，多汁又唔硬。

呢碟炒牛柳粒、牛舌，金菇牛肉卷。最好食都係牛舌，牛柳粒則一般般，太飽的話可以只食牛舌就得。

.

天婦羅同炸物都唔錯。不過，炸帶子其實係平時食到麵粉扮果隻。

食左成晚最唔好食既係呢2樣，佢地既問題，係無味呀!!!!!!!

茶碗蒸較少出現係放題，夠滑，食埋係一個完美的結束。

當放題充斥全港，要成為一間會回頭的其實很難。三本係我同朋友都話可以回頭的。