沒有「魔幻水」的日子

唔好意思，因為呢幾日媽媽唔舒服，入左院，好擔心!!!所以無時間同大家分享!!!


不過，係FORUM見到好多SIS關心或者問有關「魔幻水」既野，就簡單同大家講下。

好耐都無踏入Missha了

之前上FB見有魔幻水 SAMPLE換，女人仔「但試無妨」既心態又出現，哈哈!!!


以前去Missha總是俾佢d平價指甲油吸引，如果唔係忽發奇想，要我再入去真係有d難度!!!不過，好彩入左去啫，因為無論之前同你地分享既SUPER AQUA BLACK HEAD CLEAR OIL 同今次分享既「魔幻水」都好似係意料之外!

服務超水準

已經很久沒有去換SAMPLE了，以前總唔係換晒就係要睇BA面色。但今次去到個BA除左好友善咁講解點用之外，仲拎支「魔幻水」幫我試用，雖然只係小小的一個舉動，但真係令我對佢地另眼相看。

其實都唔細支，我早晚用可以用到兩星期

終於找到東西去掉油脂，收細毛孔有望@missha

未來真的想用足二星期先同大家分享，但實在等不了!!!哈哈

我的千年毛孔

話說自中學以後，我的毛孔就像我的年紀一樣，越來越大。中間我曾嘗試許多的努力，什麼磨砂、Peeling Gel、收毛孔MASK、收毛孔精華，去角質產品...........我都用過，但其實真係唔覺有咩效。當然有一個好主要既因素，係因為用左一段時間都無用，就會放棄。漸漸地，我呢兩年對付我d毛孔就只係去美容院做facial ，靠針清同做機，係有效既，係facial 唔係成日做，又唔平，同埋通常一個星期後，我的毛孔又再充滿一條條白色的「毛毛蟲」了。

後來美容師跟我說，不要再用卸妝油了。於是我又轉了各種的卸妝產品，好似係好左D，但到盛夏，我那粗大的毛孔就會由一條條毛毛蟲，變成一粒粒堅硬的米粒。呢D酒米同黑頭簡直與我如影隨形。在鼻頭同面頰兩旁，只要用手指輕一推，黑黑黃黃的油脂就推之不盡。對住「佢地」真係要忍痛，先可以唔好等佢地明顯成咁，化妝簡真會死，一粒粒白頭勁明顯。

未用前，面頰鼻翼都可以用清晰見到D白色點點，由於膚色深，所以黑頭唔覺，之前一仲要清過，都咁樣!

意外地遇上「它」－super aqua black head clear oil

話說之前上網登記左去拎MISSHA 既魔幻水(遲D先同大家再分享)，入去到竟然被SELL到，我都好意外，一來個BA既服務態度太好。但重點係佢一語中PT，講得出要收我D毛孔，就要溶左入面D油脂先，如果唔係點收到無用，仲問我D粒粒係唔係好硬。之後就介紹左呢支「水凝澈肌黑頭潔淨油」俾我。佢講既野完全被燒著，我記得佢家既用品，除左指甲油之外，我都無咩點有興趣，就算去到韓國，都係買左佢地既掃，什麼護膚化妝品也沒買到。真的不知當時發生什麼事!!!!

個BA幫我一試上手，我就發現原來係油，心諗咁咪好難洗，點知，佢一拎水幫我抺，就好乾爽，真係估佢唔到。見價錢又唔貴，就迷迷糊糊地拎回家了!!!!!!!!


拎返來，急不及待用了「它」!

由於「它」是吸管設計，所以每次用的時候，就要按下綠色的那個制把「它」吸上來，但說實在，真的很難吸，是這支產敗筆吧!!!!!

拎上來會見到它充滿綠色各白色的粒粒及透明的粒粒。

成份:

原來佢係用深海洋水既鹽微粒深入潔淨毛孔，再加葡萄籽油、綠茶油溶解堵塞毛孔的污垢和過多的皮脂分泌，再加山茶油及檸檬油來控制油脂產生，防止黑頭形成。

用法: 

BA話由於我D油脂堵塞比較耐，所以要連續用2個星期，毎天洗完面後，按一分鐘，密集地溶返晒D油脂先。之後就可以毎星期用一次就可以。而份量就毎個部位一泵，由於我要用係雙頰同鼻頭，所以我一共要用三泵。

用的時候先按掉綠色的粒粒，毎PART按一份鐘後就可以洗掉。由於「它」的油是水溶的，所以一沖就能沖掉，這真的令我很意外。


用後，你不會像平時用完磨砂時，會感到緊緊或太乾，反而因為「它」的油，會有一種滋潤的感覺，對於我這內油外乾的皮膚，真的唔錯。這產品我已連續用了一星期，但真的一點脫皮或乾的感覺也沒有。反而覺得有按的地方特別滑。

沒修圖架!!!!!

看到嗎? 這就是我用了整整一星期的效果。由於毛孔已被迫大了很久，所以不可能短時間就刻收回來，但皮膚的確沒那麼粗糙，還顯得有光澤。毛孔內的「毛毛蟲」也被清很七七八八，我還是忍不住想把油脂按出來，以前是黄黃黑黑的，現在量少了，而顏色也變成白白的，我相信因為清了油脂，平時慢慢變成的黑頭也少了。


在用的過程中，我因忍不了手，亦有嘗試清掉一些黑頭，發覺真的易了許多，可能有油份的滋潤，亦因為深入了毛孔，入面既油脂減少左同鬆左。


其實真的要多謝你地，因為以前無寫BLOG，總會偷懶，用用下就唔用，宜家因為想同大家分享，多了一份堅持，今次因為堅持而得到好東西，真係估都估唔到。


我好耐都無遇到真係清到油脂既產品，毛孔雖然未收晒，但起碼已經不見了「毛毛蟲」，下一步可努力收毛孔吧!!!!

婆仔鞋好幫手－鞋蜜粉

女人要靚真係好麻煩

夏天著婆仔鞋總係會令人覺得唔係好舒服，香港又潮濕又熱，對腳都咪話唔辛苦。以前我都係著果d襪仔或者絲襪，但唔係太明顯，就係行行吓移位，我係一定唔可以俾對襪仔露出來果d人，成日行行吓都要走去廁所整，又唔舒服。所以基本上呢兩様野都唔係好幫到我。但唔著對腳又會有汗，有時試鞋或者去朋友屋企除鞋，唔單止「痴」住，仲可能會有味，真係尷尬到不得了。

認識鞋蜜粉

因為有個對著鞋好麻煩既朋友(佢著鞋一定要著襪，除左拖鞋)講Dr.Kong有種「absorbing powder」，可以唔洗著襪仔，咁又唔貴，梗係去買來試吓，其實真係好似爽身粉，扭一扭倒落對鞋就得，佢話試過成日都好乾爽!!

結果我梗係即係走去買啦!!!點知，用左一次，個蓋就俾我扭難左，雖然我係粗魯，但我認真係覺得佢設計麻麻，朝早趕時間一扭錯邊就扭唔返開，我仲試過好多方法打開佢，結果都係扭佢唔開，所以呢支野，到宜家我都係得個擺字。唉!!!!答唔到大家佢好唔好用!!!

好在，行街時又俾我遇到第二支，個蓋仲要係唔同，又有隨身版，所以我就買左支細既來試吓。佢又係來自台灣footpure，佢有好幾種味，我選左桂花味。

圖片來自官網

佢既味道很淡，放工時腳也真的沒什麼味道。原來佢係用100%天然玉米澱粉+日本除臭成份。那就可以達到抗菌、消臭及乾爽的功效。聽講有些鞋蜜粉是用滑石粉或者加入了止汗劑。女人呀一聽到天然又真係覺得加分了!

我用它時是把它洒在鞋的前端，粉沬是膚色的，放在鞋上是有一點點的明顯，但當雙腳著下去時就會隱形了。因為有時需在室外工作，用了它就算著住婆仔鞋一整天，也真的很乾爽，也沒有味道，這已經達到我的要求了。至於有沒有抗菌功能，我只能說，我用了它沒有什何的不適。

我這支是10g的，我好像也用了10次以上吧，都仲有半支，比我想像中耐用。下次我會買大支，記憶中是抵好多!

雙腳的整潔和舒適真的很重要，它真的令我方便不少，大家快可以試試看!!!

不會「立即變黑」的防晒(SOFINA 美白抗老化防曬乳

「立即變黑」

又來到我最怕的炎炎夏日，我並不是一個十分怕熱的人，但我卻偏偏是一個「立即變黑」的人。廣告的「立即變黑」是用於頭髮上，但用於我的皮膚上，我卻一點也不想接受。礎於工作的關係，我常常亦要戶外工作，因此暑假期間，無論查什麼，外出一日我也會「立即變黑」。


今年的戶外工作提早了，今天我在西貢碼頭及市中心足足行了六七個鐘，一早見到猛烈的太陽，我已心知不妙，擔心「立即變黑」的情況又出現了，以往我都會無奈接受，但今年我真係唔想，因為我十一月要為好朋友做姊妹，真的不希望面同身咁大色差，但請記住係塊面勁黑囉!!真係怪到無朋友!!!


於是即刻拎左無耐之前買既SOFINA 防晒出來，睇吓佢係唔係真係得??????之前我都有用開SOFINA既防晒，但SPF50+PA+++，又真係無用過喎!!!!就趁今日，試試佢先!

佢既SELLING PT係:

只要一支防曬乳液，

就兼具防曬・抗老化・美白・保濕・化妝底霜功能。

保濕功效－OK

記得買既時候，我心動既其中一個PT，就係BA同我講佢可以當日霜搽。今日正常的洗面程序後，就只用了它作日霜，覺得都易推、係有少少乾、保濕度就一般，但夏天都OK既!如果你當佢係一支日霜就仲差D，但如果你當佢係一支防晒，佢就算好好!!

用左佢指示既分量 就夠全面搽，但係T字位同胭脂位都係搽多一次

咁究竟佢有無用，我又會唔會「立即變黑」呢?

化妝底霜－OK

左面大張係搽完防晒後既情況，我覺得的確係有「化妝底霜」的功效，膚色白左，亦有輕微的遮瑕作用。

防晒功效－正呀!

為左試清楚，除了它，我今天無左搽其他野了，結果係又真係無黑喎!!!!!好野!!!!!小圖上面係今朝洗完面既膚色，下面係今日經歷了六七個鐘戶外活動再加二三個鐘室內活動，返屋企洗完面既情況。我本來拎左佢出去諗住下午補一補，結果無時間，都仲KEEP到咁，效果真係估唔到咁理想。

防晒的局促感－零

搽了它一整天，走在酷熱的街上，身體不停在流汗，但面上卻一點局促感也沒有，再加上佢既柔滑度，有時真係會令人忘記佢係一支防晒。

圖片我係返同一個地方影，費事有色差

希望呢個夏天有佢既陪伴，我真係可以維持現時的膚色!!!

今天好臉色@ Paper Mask 新寵

有次旺角行街，見到間台灣美妝店，入去買左少少野，之後Sales就介紹左呢隻mask俾我，當時我對呢個牌子完全無認識，不過就俾佢包裝上唔同既字句，吸引左，佢寫既真係好得意，好似「毛孔太招搖」、「最近那個來」真係好啱女仔既心意。間鋪頭仲特登將咁多款變成一盒，即係咩都可以試，又有優惠價，哈哈，實在太吸引。


詳細可以睇吓下圖:

圖片FROM官綱

買左返來，其實都係我一貫買野慣例－「擺」，直至之前轉天氣，皮膚乾到不行，亦好粗糙，就用左第一塊「變天不變臉」，用完來本都無覺得係幾保濕，幾貼，但一直都明白paper mask 其實唔會太明顯，點知第朝訓醒，一摸塊面，竟然好滑，真係好意外，我仲即該諗，究竟點解呢?諗返原來可能關佢事。


之後M來既時候，再遇上轉天氣，成面油(呢個情況我較少)，我就想起「最近那個來」，用完真係少左油，而粒粒亦咁痛。
所以，我相信呢個牌子既mask應該真係唔錯。


今日就用左「今天我最美」【新娘肌養成用】，官網話

使肌膚緊緻光滑、淨白透亮，如新娘般耀眼迷人

• ＊淨白植物精萃，展現新娘般嫩白透亮肌
• ＊為肌膚灌飽水分，提昇潤澤水感
• ＊幫助撫平細紋，呈現緊緻光滑肌

每次開封，都見到精華好充足，但就不致滴下來。而中間用左膠紙隔開，方便拎。敷上面覺得佢既剪材十分貼面，而質地不算太簿太厚。今日敷左15分鐘度，其實塊mask仲係好貼面，無咩因為乾左而浮起，可見佢既精華係足夠有餘，所以我通常都會拎來敷下頸或者手，唔洗浪費，hehe!!!


雖然唔係好明顯，但都俾大家睇吓敷完既效果，對我來講，我比較期待明天起身既效果，因為之前用左咁多塊，第二朝起身都係滑滑架!!!而今日比較明顯既就係我鼻附近果條千年不退既乾紋，係淡左少少既(粉紅色心心)，唔知大家又覺唔覺呢?

其實一開始，因為佢既包裝，我真係以為係新牌子，點知一查先知，原來佢係台灣有幾十年歷史既「雪芙蘭」，果然創新突破真係好重要。佢個官網勁sell防晒，唔知係唔係真係咁好呢，有機會去台灣真係要研究下。

燒錢燒得很高興@Sofina

前幾日BE姊妹話sofina 做promotion，因為對佢個粉底有興趣，就走左去睇吓!結果係燒$$$$$$$
當日promotion係買BASE＋粉底送眼影、買齊三件護膚又送貨裝既保濕精華、之後全部夾埋又送貨裝美白mask 同眼mask。一個字－抵。而個BA仲幾好人!!朋友輕輕一句就送左好多SAMPLE!

MAKEUP CLEANSING GEL 
講左咁耐，都係同大家分享下想買好耐既卸妝gel，以前用左好耐某大牌子既卸妝油，後來先發現，自已d粉刺應用係因為佢，所以唯有轉用其他。


話說BA本來無SELL我，我見佢幫手抺返試既粉底都好乾淨，又好清爽，仲有淡淡既花香味(由於有d鼻敏感，好怕太香)，所以就買來試吓。返來第一樣就試左佢了!!

用後感:果然無買錯!!!

我果日化左個全妝，用左佢指示既一泵，乾手乾面推，再用水洗。很好推(我係混合性偏乾)，洗完後無乾同緊的感覺，真的很清爽，很適合夏日。用完佢之後，我都有用洗面。肉眼睇底妝真係無晒，但都係試清楚好d，所以用clinque既化妝水去抺，又真係一d粉底都無喎!真係好啦!!!到今日已經用左幾日，仍然覺得好清爽，亦無敏感情況出現。BA話可以用到三個月度，都OK!!!

雖然好多姊妹之前都分享過佢隻新粉底，但都少少分享啦!



右手面係咩都無搽，左手面就搽左BASE同新既Foundation。

 由於我毛孔大，搽完後真係細左好多，又平滑左，仲未加碎粉，唔錯。而粉底既延展性都唔錯，用佢專用既粉樸，輕輕幾下就可以推開，塊面既油光都即係無左!


仲有其他野未開，之後再同大家分享!!

「超」慢跑.......也可以減肥????

從來也和運動沒有「關係」的我

今天我做了人生的第二次長時間跑步，以往運動兩個字距離我總是很遠很遠.......遠到有點不著邊際。以前不是沒有交過錢做gym，但汗水總不會流下來，也會對自己說沒有時間，地點不就腳，結果沒有一年也去不了多少次。後來好像做過瑜珈，但又是錢照交，人消失。


坦白說，我不是那些只需減少少或者因為現代的審美觀而想廋下來的女孩。我就是那些由小到大都背負著「肥」字的女生，體重就如大笨象。「減肥」在我腦上不停浮上浮落，但就是沒有一次認真、沒有一次切切實實地去做，找營養師也可找到一陣子就不去的那種人。

 驚人的發現

好彩有一天，我在行書局的途中，竟然俾我發現了這本書。

看完這幾句後
「你曾經有這樣的經驗嗎？ soap-diy.com 0 J- T' m7 E3 X+ X
發誓天天早起晨跑，但總感覺力不從心，好累？
想慢跑，但又擔心膝蓋受傷？
超龜速的慢跑法，不限地點（可以邊看電視邊跑）、不流汗、不喘不累，而且可以，「體重下降」、「改善高血糖」、「壞膽固醇減少」、「尿酸值下降」、「活腦強筋」……，跑越慢，竟然，更健康！！」 soap-diy.com , r: K# p% |) y: X

我就忍不住一口氣地把他看完，我發現我好似終於找到一種運動是能做到了，重點是不用上氣不接下氣。

「超」慢跑令我有再做運動的衝動

看完後，我就回家找了很多有關呢項運動的資料。因為亦真的有懷疑沒有達到指定心跳率的「有氧運動」，真的有用嗎?結果找到了一個日本的節目「老師沒有教的事」 :http://www.tudou.com/programs/view/ziaazqT5eVk/ (我剛剛開過是看到的)

節目內詳細講了「超」慢跑的種種。包括:

1.   什麼是超慢跑? 

答: 比走路更慢，約7-10分鐘一公里，以不喘為原則。(一定要不喘呀!) 我今天跑的時候 ，就被多個路人超前，如果  是成年人一定比我快，如果是長者慢慢走的話，可能你能追上他吧!!大家想像到有多慢嗎? 

2.「超」慢跑有用嗎?那麼慢?

答: 節目裡有很多研究，你們可以慢慢看。但它的一個重點係「超」慢跑燃燒的熱量是走路的2倍。還說經過練習後，要完成十公里沒難度。我今天跑了五十多分鐘，用了APPS幫自己，說燃燒了400多卡，我不知有多準確，但我確實流下不少的汗水，但卻一點也不累。

其他的有時間大家可以「飛」住來睇。(睇晒都幾長)

推薦給什麼人?

講左咁多，其實我是想推薦俾一D對做運動有恐懼的人，或者一做運動，總有千百藉口的人，因為.........重如大笨象的我，也有期待下次跑步的想法，而且真的一點也不苦(當然開始十分鐘需要熱身時，小腿是有一點點酸軟的感覺，但十分鐘後就越跑越順了。

第一次我跑了三十分多分鐘，今次跑了五十多分鐘，回家是需輕輕拉筋就不累了。

我試過在家原地跑，三十分鐘真係很耐，出街就不覺了，所以還是出去好

如果你要減肥，又提不起勁做運動，這可能是一個培養習慣的開始。
如果你已經很FIT，那又是一個令自己可輕鬆保持下去的方法。

有時間大家可試試!!!遲些再和大家分享效果如何!