沒有「魔幻水」的日子

唔好意思，因為呢幾日媽媽唔舒服，入左院，好擔心!!!所以無時間同大家分享!!!


不過，係FORUM見到好多SIS關心或者問有關「魔幻水」既野，就簡單同大家講下。

好耐都無踏入Missha了

之前上FB見有魔幻水 SAMPLE換，女人仔「但試無妨」既心態又出現，哈哈!!!


以前去Missha總是俾佢d平價指甲油吸引，如果唔係忽發奇想，要我再入去真係有d難度!!!不過，好彩入左去啫，因為無論之前同你地分享既SUPER AQUA BLACK HEAD CLEAR OIL 同今次分享既「魔幻水」都好似係意料之外!

服務超水準

已經很久沒有去換SAMPLE了，以前總唔係換晒就係要睇BA面色。但今次去到個BA除左好友善咁講解點用之外，仲拎支「魔幻水」幫我試用，雖然只係小小的一個舉動，但真係令我對佢地另眼相看。

其實都唔細支，我早晚用可以用到兩星期

沒有「它」的日子

之前因為同時間開始用，所以膚質有改善，實在唔知歸功於佢定係果支Oil，後來兩個星期後，即係呢幾日，我用晒支「魔幻水」，而支Oil就keep住一星期一次。我就立刻分別到d皮膚有咩分別。佢既八大功效，大家可以睇一睇。

圖片來自FB 官網

用了14天，令我最感受到「它」的功效是「幼滑肌膚」、「高度保濕」、「水油平衡」呢三大功效。


我一向皮膚用肉眼都睇到粗糙，但用了「它」三四天後，我忍不住常常用手摸塊面，因為真係好滑，而這幾天停了之後，我D皮膚真係無咁滑，呢個係最明顯既分別。


用了「它」跟Oil後，我塊面頰位同鼻頭位既毛孔係好明顯有收細既，同埋顯後有光澤。我諗係因為清乾淨加保濕度夠，所以毛孔迫返埋。但呢幾日無用，毛孔雖然能夠保持清潔，但好明顯係大返，好似唔夠養份迫返埋咁。而由於保濕度夠，就算咁熱，塊面都無咁多油。


用完14日，我真係相信BA同我講既一句話:「佢係營養水來架，所以洗完面即刻用，之後再幫手吸收其他野。」所以記住佢係洗完面即係用，有D似導入。


不過，當用完想諗下繼唔繼續先發現佢既價位其實都算高，仲要係水質，真係用得算快。呢度真係有D掙扎，一方面諗唔明顯既TONER都要2百幾，但咁明顯效果就要雙倍，究理值唔值呢?未諗到..........如果有預算既SIS，其實真係可以試。我都好想知用一個月係唔係就會好似佢咁講「肌膚重生」。


宜家仲有得換，各位SIS 如果想試，就記住去FB啦!
https://www.facebook.com/missha.hk?sk=app_407151352649686&app_data=come_from:facebookwall