性價比甚高@Amour Corner

 自從化妝室搬左之後，砵蘭街已經成為左我新覓食既地方。在門口見到2人晚餐只係2百多元，更有鵝肝、巴馬火腿，決心一試。

原來餐廳做緊推廣，六隻LE Rene 連白酒只需$320 ，我們又忍不住點了一盤。朋友雖不太愛吃蠔，但對LE Rene卻評價甚高，認為易入口之餘，仍帶海水的鮮味。我則認為味道雖淡，但作為餐前小食，正好，不會令味蕾入去焦點。

二人餐包二款小食，先來「巴馬火腿哈密瓜」，作為小食，份量不少，火腿不會太咸。

「青蘋果鵝肝多士」配上青蘋果，應該是希望利用那份酸味去中和鵝肝的油膩。鵝肝煎得很香脆，配上青蘋果及多士，不知不覺間已吃掉了。

另外跟餐還有湯及沙律。朋友點了沙律，我沒有吃，但様子不錯。

聽到磨菇湯，我實在抵擋不了。估不到這間小小的cafe，湯的質素亦不錯。

「燒澳洲牛柳扒」，二百多元一個套餐，份量如此多，加上肉質軟熟，牛味稱不上很重，但性價比甚高。

「忌廉海蝦黑魚麵」朋友點的，他認為這個忌廉汁不太奶，也沒有吃完被封喉的感覺，所以很喜歡，只是稍濕了一點。

吃到這裡，其實我倆已經勁飽，但套餐包了甜品，不吃又好像不完滿，所以我們點了Tiramisu及牛奶布甸各一。

Tiramisu 味道不錯，不會太濕，咖啡味可以再濃一點。牛幻布甸味道不錯，但質感不夠滑，有點失色。

整體而言，這個2人餐的價錢，要在旺角吃上一餐似様的晚餐的確不易。但這裡不單價錢實惠，實素亦不錯，會再吃!

防晒防敏兼保濕@AHAVA璨亮肌底防曬日霜SPF20

年紀越大，越覺得防晒重要，所以除左防晒之外，我用既日霜都最好係有埋防晒功能。

AHAVA既產品，我之前已經用過，特別針對敏感性肌膚，正好適合近期轉天氣。

來自以色列的護膚品牌 AHAVA 獨有的 Osmoter™蘊含豐富死海礦物另加上獨有 3D Complex™配方，輕盈細緻質感能快速被皮膚吸收，功效:

1.持久保濕

2.有效預防及減淡面部皺紋

3.全面對抗色斑

4.調節不均勻的膚色

5.有效對抗UV

產品設計細心，密封包裝，打開後面層有膠紙方便拿取。

日霜呈白色乳霜狀，起初有點怕它質地厚重，但使用後發覺作為有SPF20的日霜，其質地一點也不厚重。反而極易推開，延展性甚高，推開後皮膚顯得有光澤，只需待一會吸收後則變得乾爽。

由於夏天時，我很少為搽HAND CREAM，所以手面的皮膚十分乾燥。

從儀器顯示，搽左AHAVA的日霜後，皮膚水份即是提升20%至滿意的狀況，可見其保濕功效十分明顯。

此產品我已連續使用2星期，皮膚由原本滋潤度不足，到無覺得忟忟緊，而皮膚的光澤度亦好明顯有所改善。

由於由於我係深色人，面部既色班不算明顯，而皮膚的均勻度則覺得有改善，嘴角鼻翼的位置，無咁深色。

最後，我最滿意係佢有足夠既保濕同滋潤度，仲有SPF20既防晒功能，啱晒有時只係落街或者趕時間時，可以上車先補防晒，防晒真係一秒都唔會少。防晒保得好，皺紋自然都無咁易出現。

再一次諾亞@諾亞半熟蛋糕專門店

朋友生日，上次食過諾亞覺得不錯，決定再買一次。原來荃灣宜家有兩間，不過係買完先發現。

今次無買半熟，買左「比利士朱古力芝士蛋糕」，試下新口味。

「比利士朱古力芝士蛋糕」面層佈滿朱古力漿，還保持濕潤的感覺，很有光澤感。

切開之後，朱古力同芝士清晰可見。雖然餅子不太，但飯後毎人一小塊剛剛好。

朱古力及芝士的味道吃起來比想像中淡。起初朋友都擔心太濃烈，結果剛剛好。

朱古力及芝士味的平衡，不會搶去各自的風頭，吃起上來也不會有負擔。

多國風味@新泰東南亞餐廳

是日陪媽媽泰按，按完後，媽媽話要食泰菜，想找一間坐得舒服的泰菜又近的，找到了新泰東南亞餐廳。

「越式蝦米紙卷」~天氣酷熱，想來一個清爽的頭盤。份量不少，共有八件。

蝦米紙卷內除了蔬菜外，還有粗粉絲，配上表面的脆蝦米，很清爽，再點上酸甜汁，很醒胃。

「泰式青咖喱雞」~青咖喱一般較清新，我很怕椰汁味太濃，這裡的剛剛好，有咖喱的香味，有一點點辣度，但不會過辣，也不會因太濃的椰汁味而令咖喱入去焦點。而咖喱內的雞肉是雞柳，配上泰式茄子及青豆等，質素還不錯。

「 印度酥餅」~吃咖喱必備，這裡的酥餅很脆，只有少許的咸味，配咖喱正好，酥餅脆，就算配上大量咖喱汁，仍保持鬆脆度。

「咸魚炒芥蘭」~ 芥蘭很柔潤，看見葉子的翠綠，胃口大開。咸魚味不重，個人認為可加多少少。

「泰式菠蘿炒飯」~原個菠蘿上枱，很吸晴。炒飯的份量很多，2個人實在吃不完。炒飯較濕，混合大蝦、果仁、菠蘿去炒，酸酸甜甜，啱晒夏天食。

意想不到的美味@阿麥廚房 Mackie Kitchen

我想要一間座行舒服，但又好食既西餐廳，朋友推介阿麥廚房。

餐廳以紫色為主調，配上迷濛的燈光，情調不錯。

當晚我們都算坐得近開放式廚房，但不覺得有油煙味。

「燒虎蝦柚子沙律」，虎蝦真的很大隻，頭部充滿蝦膏，內質彈牙，再配上磨姑等材料，非常惹味，真的好開胃。

「黑松露菌忌廉湯」十分啱我心水。我喜愛的磨菇湯是喝起來還吃到菇菇茸，雖然充滿菇茸，但口感依然十分香滑，配上黑松露的香味，十分推介。

「德國式燒豬手」超級推介!一上枱已經勁吸晴，香味隨之而來。毎塊豬牛都燒到脆卜卜，外皮脆，肉質則依然保持嫩滑，轉眼間已被掃清，而配菜的薯條亦十分美味。如果你食開2間連銷德國餐廳既豬手，你都覺得好食，咁你一定要來呢度試下，因為呢度無論質素同價錢都好太多。

「燒紐西蘭羊架配香草燒汁」份量十足，一點也不膻，可惜有點過熟，對於喜愛吃七成熟的我無問題，但如果再嫩一點會更好。

「黑松露麵包蟹意大利飯」整法幾特別，平時食麵包蟹多數生食，呢度菜拆肉同膏再配上意大利飯，仲可以按自己既喜好加上黑松露，意大利飯濕濕地混合軟軟既蟹肉，質感好好。

「黑松露野菌意大利飯配帶子」帶子煎出來係仲係軟軟的，野菌意大利飯好香濃，好食!


我地叫野既時候，都無留意原來好多菜式都有黑松露，而毎碟菜式食既時候都夾到喎!呢度首推係「德國式燒豬手」，仲有「黑松露菌忌廉湯」。

銅鑼灣完全無想像到用咁實惠既價錢，可以食到咁高質素既西餐，我已推介左幾個朋友，下次要一齊再去!

輕鬆、美味~日式串燒@Bilibala Yakitori Bar

極愛食日本野既我，係朋友提議再加對自己好D下，去到Bilibala食串燒。

近年，串燒鋪頭不停開，但要提一間有質素，真係唔易。

Bilibala 雖然要行多幾條街先到，但環境同食物都好好，真係好適合同三五知己一齊Bilibala講返一晚。

吃飯晚有雨，就算座係大大的窗旁都不覺熱。

大大的窗旁外有一張小小的窄枱，應該是給大家站著飲酒。

在主角出場時，先來一點小食。

芥末魚蛋，個様有點似蘿蔔，但其實充滿彈性，有點似潮州魚蛋的質感，幾得意!

玉子燒不太甜也很嫩，雞蛋控的我表示很喜歡。

黑松可露冷日本蕃茄，蕃茄就咁食已經好甜，唔會有平時蕃茄的澀味，黑松露同佢都算夾。

我們亂點一通後，先上枱的係菇菇類。

舞茸同白磨菇都燒得熟而入面可以保持到水份，其實我真係好想知點燒。

由於叫得太多野，一上枱大家都對煙肉包住d咩極好奇。原來係荔枝來，真係好好食呀!

煙肉燒到脆卜卜，荔枝一咬咇晒d汁出來，咸且脆混合甜且軟，味蕾好忙碌，推介。

燒大鱔超肥美，魚皮脆，魚肉滑，魚油滿滿!

燒年糕，軟軟綿綿，內裡有滿滿的芝士。

燒豆腐的外表雖然黑黑，但內裡還是很嫩，有豆香。

帶子處於半熟狀態，不會因太熟而變韌。

雞骨腸配生雞蛋吃，看電視就看得多，吃就第一次，雞蛋既滑配石有軟骨的腸，一軟一硬，不錯。

安格斯牛肉燒至五成熟，吃時就有肉汁，軟綿綿，充滿牛味，很好吃。

無飯不歡的我們，叫了幾款燒飯團。分別係梅子、木魚碎、明太子同海膽。

燒飯團外表脆脆的，好似飯焦咁，仲有唔同既米，值得試。

梅子茶漬飯我第一眼睇中既，竟然係佢碗旁既芥末，朋友都話我古怪。

如果鍾意食芥苿的人，應該明白現磨的是好食十倍。

將芥末混合茶漬飯吃，第一口先嚐到芥末的辛辣，之後係梅子的酸，再嚐到米飯的味道，超正!

Bilibala 左一晚之後，大家都好開心!環境得輕鬆、食物很美味，會再去!

美味的韓菜@梨滿園

韓風大熱，許多以地道裝修的韓國菜館出現。有時質素真係一般般。

今次朋友叫去試，雖然唔係地道韓國裝修，有點似港式的韓國料理，但郤十分美味。

韓式料理，梗係唔少得泡菜。

呢度呢泡菜唔會太辣，極易入口，火速被我地消滅。

 上面果隻泡菜係現制泡菜，我地既理解係無浸咁耐，食落爽脆好多，幾特別。

我最愛飲出晒煙既野，所以一見到佢有晒泡泡咁上台，即時心心眼。

大醬湯即係韓國麵豉煮既湯，我地要左海鮮味。

呢碗湯超好味，唔太咸，同海鮮同夾，飲完仲唔會口乾。推介!!!!!

唔想太熱氣，我地點左2樣熟食，牛肋骨起入味，一夾起已經骨肉分離，可見煮得極淋。

肉汁甜甜的，配白飯一流。

朋友不愛辣，唯有食走辣的年糕。幸好，味道不錯，年糕軟硬適中，唔會咬到牙痛。

呢度好處係可以一邊食熟食，一邊韓燒。

我地選左無醃的肩背肉，總覺得要吃出真正的肉味，是要吃無醃的。

肩背肉脂肪平均，燒熟後口感柔軟，口腔充滿牛肉的味道。

配上韓式辣醬及生菜，可以解解油膩感。

同行還有海鮮控，所以又點了一個拼盤。

拼盤有蝦、帶子及尤魚，味道也不錯，但肩背肉更出色。

旺角好食酒樓@褔門海鮮酒家

陪媽媽去大角咀探朋友，與媽媽級食飯，首選當然係酒樓。
阿姨介紹屋企附近酒樓，以前補習成日都係旺角行去大角咀，原來就係呢個轉角位。

部長介紹~「口水雞」，雞肉嫩溝，雞皮爽脆，但麻辣香味不足，可再香濃一點。

燒鵝一上枱已經覺得好靚，遠遠都已經有香味飄過來，吸引!

「燒鵝」皮脆肉嫩，脂肪不會太厚，可以食出濃濃的肉味，係街坊酒樓真係諗過可以咁好食。

「姬松茸燉竹絲雞」~湯料十足，原盅燉湯，味道清甜，雞湯算幾清，媽媽摯愛。

「蒜茸蒸勝瓜」~夏天我好鐘意食勝瓜，蝦米粉絲夾埋一齊蒸，惹味又消暑。

「大花竹蝦兩食」~第一食係上湯焗頭煎米、第二食係豉油皇煎蝦身，賣相超精味。

米粉吸收晒上湯的味道，加上煎到脆脆地食法幾特別。不過我覺得如果少丁殅上湯無咁濕會更好。

花竹蝦大大隻，幾彈牙，煎得啱啱好，唔會過熟，蝦頭都好味，送酒一流。

平時係旺角要揾間好食既酒樓真係唔易，原來只要行多幾分鐘，就可以有間座得舒服又好食既!