鋪頭外面十分易認，寫明自己用日本米。
枱面上有竹牌，寫明當天有的刺身及食材。
前菜先來雞泡魚干、枝豆及沙律。
雞泡魚干有很香的燒烤味，頗有咬口，送酒一流。
枝豆雖泡過鹽水，但不會太咸，好快就俾人清酒。
「目張刺身」，原條活魚刺身，我都係第一次係香港食。
目張的肉質較實淨而不腥，油份適中、內質嫩滑。
除左點WASHABI外，仲可以加入檸檬、薑蓉等一齊食，食落更鮮味。
北寄貝刺身食得多，但原隻北寄貝又真係第一次。
鮮活的，原來真係爽口好多，仲好鮮甜!
瀨尿蝦壽司極厚肉，仲長過隻手指，連我平時麻麻地瀨尿蝦都覺得好食。
海膽三文魚字軍艦，雖然新鮮，但海膽味較淡，我覺得此晚被比下去了。
是晚大愛~「清酒煮蜆」。
蜆肉大而不韌，咬下去時充滿清酒的鮮味，係我食過最好食的清酒煮蜆。
呢碟只係$88，我覺得超值!我地飲晒成碗湯。
玉子燒啱啱煎起，夠熱點都好食。
舞姑、温室蕃薯同青椒天婦羅好好味，無油、粉漿極薄。
魚同蝦天婦羅好好食，魚肉極滑，蝦則十分彈牙，唔需要加任何調味都已經好好食!
食到尾聲時，老闆無啦啦拎左D燒忙果乾同燒雞胗出來請客人食，好明顯好多人都係熟客，得閒會飲酒食串燒，感覺好似大家都識左好耐咁，氣氛好正。
雞胗係新鮮的，因此如果你鐘意食內臟就不容錯過，好彈好有咬口，同一般實的的確實不同。
另外燒牛柳同雞翼等都好食，唔會太乾身，但有有點脆口!!
當晚消費唔平，如果只係食熟食串燒熟食都係有限數，但可以食到空運到港的刺身，間唔時豪一次都值得!
沒有留言:
張貼留言