由以前開始，我間唔時就走去買Shisheido 既產品，由護膚防晒到化妝品都買過，今次可以抽到出席佢地既 Fans 聚會，真係晨早流流都要起身去!!
今次活動既地點係銅鑼灣資生堂美容中心，佢出面有齊晒佢既產品，仲有一D未見過!!真係好想研究一下!
要化一個靚妝，梗係要有好既皮膚啦，所以活動既第一個程序就係教我地護膚，順便可以試晒佢地既產品，佢個LIP TREATMENT 真係好潤，啱晒來緊既秋冬。
枱面上放晒今日要用既產品，我成日都覺得Shiseido好細心，去到counter買野，都要有d一次性既化妝用具，可以確保衛生，今次都唔例外。
護膚後，就到今日負責彩妝既Makeup Artist－Kevin出場，佢既皮膚好靚，好有光澤，作為女生的我真自愧不如。
今次既活動可以試到SMK既兩種新產品，包括Radiant Lifting Foundation 同Lacquer Rouge 。
睇吓粉底先，今次既粉底主要係利用光學元理，令肌膚好似有隱形既反光板咁，可以減少細紋同鬆弛既情況。
另外，今次係可以試吓聞名已久既粉底掃，真係好開心!!
Kevin教我地用「點」、「印」及「推」既技巧，就可以好容易咁做到一個又薄又有遮瑕度既底妝。
由於眼底倒三角最多瑕疵，所以要用「點」，而額頭同鼻就因為比較易出油，可以用「印」，最後面旁就可以用「推」，令到個粉薄d，又可以有立體感。
個掃都真係幾好用，唔吸粉之餘，仲可以好貼面咁完成所程序。手上既粉底用剩左勁多!!!
呢隻粉底較厚實，但都好易推開，遮蓋力仲唔錯tim!!用左Kevin教既技巧，都唔洗用遮瑕膏。俾大家睇清楚少少個效果。
之後就到今個秋冬流行既重點－紅唇，今季既主題係有如日本漆器的「紅」及「光滑」。
佢既主題色係607鮮紅色，但我卻愛上Kevin多次介紹有如Disco燈光既404。Kevin鼓勵我們可以多試一些平常少用的顏色，經他鼓勵後，我決定試一試，就當突破一下自己吧!!
Lacquer Rouge 的顯色度很高，也很水潤，平常由於太少做唇部護理，嘴旁終圍著一圈灰灰黑黑的，所以平時都要用遮瑕把唇色遮掉才可以上唇膏。但用Lacquer Rouge 卻什麼也不用，卻有100%的顯色，真叫人喜出望外。
那麼鮮艷的唇色還真是第一次嘗試，它顯色而持久、水潤而不黏，光澤度極高。(本來我打算落堂前把它擦掉，可是塗上後卻捨不得了)塗上它，好像不一様的自己，也青春得多了!哈哈!!
今天的唇妝及眼妝都不是我平常的化法，很感謝Shishido讓我知道自己的可能性，也許偶爾變一下，突破一下，人才有生活的推動力吧!
最後，梗係要多謝Kevin及佢一班細心的同事，令我渡過一個開心又充實既早上。
Shiseido真的很貼心，所送既禮物都是今天用過的，我真希望我快一點有勇氣用上那支607的Locquer Rouge 。
冷知識:
1.原來Shiseido都有野食賣。
只限銅鑼灣美容中心，吃了它的曲奇，味道不錯，買來送禮又多一個選擇。
2.原來Shiseido有一系列產品係俾一d有嚴重肌膚問題既朋友，可以幫佢地掩蓋「白食」、「太田母斑」及「燙傷」等問題，如果有需要既朋友仔，可以聯絡他們看看。
12/10 前報名呀!
link在此 :
https://www.facebook.com/SHISEIDOHK?sk=app_285489888223355
其實我都真係一個極懶的人，以前買左好多支MASK，結果通常用一兩次之後就放埋一邊，所以其實PAPER MASK真係我「好朋友」!!!
宜家出既MASK實在太多，而質地都好唔同，今次可以試到「美肌之誌」既「極致煥白隱形面膜」，又係一種新既體驗，因為佢地質地係我無試過既!!
之前聽就聽得多，就真係未試過!!呢排成手捱夜，個皮膚都真係好暗吓，唔知佢幫唔幫到手呢?
原來佢係來自「台灣」，呢兩個字令到我好安心，因為之前既經驗，「台灣」既MASK都真係幾好用!!!
睇吓佢真身先，呢個MASK特點係「輕」、「透」、「薄」。因為佢用左隱形面膜技術，可以令到MASK更貼，即係精華更吸收，而佢MASK所用既質料仲要係「天然纖維」，所以彈性好好，可以令到佢咁透薄。
開左之後，望落去好似唔係好多精華，但其實放到上面，就超感覺到佢既濕潤，足夠敷二十分鐘有餘。
佢既質地真係好貼薄，肉眼睇就好似無敷咁(啱晒係長途機既時候用，唔洗嚇親人，哈哈)，而且好軟好舒服，而我最滿意既係鼻翼位置可以敷晒，就算敷完二十分鐘都仲係咁貼(我呢D大面人，次次都敷唔晒個鼻，偏偏佢又成日脫皮喎)今次真係好開心，可以敷得晒!
另外，佢質地雖然薄，但係放上面後，只要由中間鋪平，都好易敷到貼伏，唔會因為太薄而好難敷!!
二十分鐘後，我真係覺得佢好保濕，無左呢排成日覺得乾乾地既感覺，保濕程度好好。呢個係我對PAPER MASK首要要求，佢絶對超額完成。
言歸正傳，其實呢個MASK主要既功效係「抑制黑色素形成」、「強化氧化」、「促進細胞再生」、「令膚色白滑飽滿」。
用完佢，真係有覺得皮膚係「光」左既，會有少少「透」既感覺。以PAPER MASK能立刻見到咁既效果，已經好滿意，睇吓以後又可以多一個選擇。
