Sofina 既護膚品同粉底一直都係我既「大愛」，但我對佢既化妝品一直都較少用。不過，試完之後，我愛Sofina 的原因又多了一個!
有閃石的係 DESIGNING IMPRESSION EYES，毎次佢既包裝都好吸引。
中間果支係ESSENCE PREMIUM ROUGE，中間個菱型係新的設計，可以睇到用完未。
銀色呢支就係EXCELLENT STAY ROUGE，細細支，放係化妝袋好方便。
粉綠色的確係好令人聯想到春天，但我平時又真係好少用呢d色，要走出大地色既安全區，真係要考慮、考慮.....
係考慮既時候，我決定先講呢盒令我「大愛」的其中一個原因，就係.....佢附送既工具，我平時化妝好少會用盒內既工具，多數用返自己既掃，但今次用完之後，我確實覺得好好用，只要跟住佢既指示，好簡單就可以完成眼妝，d掃仲要好啱位!正!!
令次既眼影好齊全，佢既重點係用「和諧上下眼線粉」，令眼部妝容自然提升。
我今次跟住佢既指示，上面係無眼線既效果。
下面加左眼線既效果，平時多數會用黑色眼線，但春天用黑色又好似太重，用呢種墨綠色又就會感覺輕柔但又可以睇到眼吲既輪廓。效果比我想像好好多!!!!
日本既女仔好鐘意用白色加係下眼線既位，但我呢d「黑人」就真係唔係好敢。今次盒內既係米色，效果又真係比白色自然好多。不過，我發現想持久D同出色D，用返Eye Shadow Base會再好d!
好多既唇彩都以「無唇紋」作賣點，但往往佢就係好厚「漿」住個唇，呢支就完全無呢個問題。Sofina 呢支ESSENCE PREMIUM ROUGE 唇膏液就真係好似佢個名，好似一支lip essence咁，搽上唇後一d都唔厚，顏色(RD651)亦好自然，仲要唔見晒所有唇紋，我真係無用潤唇膏打底架!!我試左幾日，真係一d都唔會乾!!又一個正!!
最後出場既就係EXCELLENT STAY ROUGE ，主打持久，用餐後亦能保持色澤。呢支令我幾驚喜既係佢既遮蓋度，大家我見到我唇邊係灰灰黑黑的，但呢支我又完全無打底就用，都可以遮晒周圍既灰黑。而顏色亦比我想像中柔和，最重要既係食完野唔會無晒，仲有少少保留係度，輕輕補返就得。相對以往既不脫色唇膏，呢支最重要係佢可以平衡到持久同滋潤兩者。所以都係正!!!!!
最後，我今日既妝當然全部都係好最愛既Sofina啦!!
多謝大家睇晒啦!!!!!!
「For Beloved One」第一次去台灣就已經留意既品牌!!!包裝好簡潔，但亦有好詳盡既介紹。
一盒得3塊，三百幾蚊!!!!!!!嘩!!
原來只需十日一塊!!三塊即係一個月既份量!
咁要來做特別既保養又好似ok喎!!
又3D、又「生物纖維」、又「具離子導入效果」，攪到我好認真咁睇晒佢既講解!!呢個mask真係未用過喎!!!好期待!
入面總共有三塊野，主要梗係用中間果塊，仲要用貼住向透明膠膜果面先敷落面度!用新野，宜要睇清楚!
打開同平時既Mask好似無咩分別，只係精華比較杰身，有d 似cream!!
呢3塊就係入面果3塊野，記住係用中間果塊「生物纖維」呀!要做到呢種厚度先可以有導入既效果!!
由於佢都幾厚，所以放上面會覺得有d重，有少少想跌既感覺。不過，當按返d空氣同敷好之後就無左呢個問題!
對於大面人的我，我覺得佢都幾貼伏，就連眼角同嘴角都敷到!!
15分鐘後，拎開面膜，會有一層薄薄既精華留係表面，只要用手按一按，即係吸晒，皮膚表面仲要好清爽!
用完之後，最明顯就係我眼下果兩條細紋，真係即時淡左，而佢既滋潤程度都好唔錯，洗面後忟忟緊既感覺，即時無晒，仲好滑!!
由於我係一個極懶既人，所以paper mask當然係護膚常用既產品。呢個冬左好似特別凍，又特別乾燥，塊面已經成日覺得忟忟緊!!而我眼底下既眼紋、鼻旁既細紋都好明顯，當知到呢個mask 可以改善皺紋，加強肌膚彈性，成份仲有六胜肽、四胜肽呢兩種有效抗老既成份，我真係滿心期待!!
呢個mask除左成份外，最特別就係佢mask既質地。雖然睇完介紹之後，對於咩係「生物纖維」都唔係好了解，但我可以確定就係佢真係好貼面，貼既程度唔係一般paper mask 所能比，佢又利用mask既厚度將精華達致導入既效果，加強吸收，呢樣我都認同，因為用完之後，我第朝起身，塊面比用完之後仲滑，毛孔亦細左，而直到夜晚我都無覺得恔恔緊!!good!
要用一塊mask去解決出現多時既細紋，當然唔可以!!但敷完後，眼底既細紋又真係即時淡左，用隻手指按吓塊面，我亦覺得彈性係有即時既改善!!呢個mask要來特別修護係唔錯，但所有野都係要持之而恆，但十日先用一塊，呢個「恆」要完成又真係一d都無難度!!
