由內照顧到外的寶盒@12月Glama Box

聖誕前，我收到人生第一個「Glama Box」，打開時真的有點意外，，盒內豐富得很，仔細來睇，原來今次係由內到外既產品都有。試晒真係需時，宜家就快d同大家分享!

以前聽過這類盒仔，很多時都只得sample，雖然盒子的原意是讓大家先試試，再去挑選合適自己的產品，但有時sample太小，真的試不了呢!

這個12月的Glama Box倒讓我有點意外，除了指定的貨裝產品外，有幾件的size可以說是旅行裝，試足一星期都無問題。

Victoria – LANOLIN蛋白面膜皂15 g

毎日護膚最重要就係清潔。呢塊來瑞典皇室御用既「面膜皂」除左可以好似平時咁拎來洗面外，仲可以將d泡泡敷係面上5分鐘當清潔面膜用。由於「面膜皂」含有蛋白、羊毛脂、玫瑰水等天氣成份，所以就算敷完都唔覺得乾。我多數都係用來洗面，洗完面清爽得來真係唔覺乾。由於冬天無咩粉刺黑頭，所以呢個功能就唔明顯啦!

BAKEL – 骨膠原緊緻精華 3 ml ＋ 淡斑美白再生精華 3 ml ＋ 去角質滋養抗皺面膜 3 ml

Smillson – 燕麥滋養茶香潤膚沐浴露(燕麥+綠茶) 30 ml

我鐘意去角質，所以先試用BAKEL去角質滋養抗皺面膜，是一種凝膠狀的面膜，入面含有水楊酸同檸檬酸等天氣胺基酸成份，可以令到表皮更新及加強肌膚光澤。我覺得佢去角質既效果係唔錯，用完皮膚係即時感覺到白同滑，但真係有點刺激，除左面上有少少刺的感覺外，最重要係佢令到我不停流眼水，所以敏感既人士真係要留意啦!

SharaShare – Shara Shara Girls 冰潤女孩冰爽水份爽膚水 5 ml + 冰潤女孩冰爽水份乳液5ml + 蜂蜜炮彈肌底液 3ml

我覺得爽膚水同乳液都係屬於比較清爽的系列，加上冬天天氣乾燥，於我來講就唔係好夠保濕，比較啱一D年紀輕既少女!!

Kim & Marc–寶石眼影 3 g

Kim&Marc寶石眼影係盒子入面既大愛呀!!!近年都興一d比較乾淨的眼妝，而呢個peach 既顏色就正合我心意!日本眼影一向都係光澤感夠但顯色度不足，但呢粒寶色眼影就兩者典備，不單閃粒幼細，質地仲好滑，完全唔飛粉!抺晒整個眼蓋或做下眼影都好正。加上持久度高，所以成為我既大愛!!

淨白無瑕兩用防曬粉餅 15 g

日本真係好興兩用粉餅，呢盒粒餅我覺得濕用貼好多，可能同天氣有關。其實試完質地，我都覺得唔錯架，又有防晒成份，價錢又平($147/15g)!!可惜，大家都眼到佢既顏色同我差幾遠啦!!所以冬天用晒頸巾我都可以借d兒出街，但平時我都係用唔到!!唉!!!

eFresh – 綠魚子完美緊緻面霜 3 ml + 綠魚子緊緻修護精華 5 ml
白蘭氏® – 當歸雞精 1 瓶 70 g

有時女仔生理期痛，其實可以加熱支當歸雞精，飲完會覺得舒緩左!好彩我無呢個問題，但阿媽一見到，都叫我即刻飲左佢，話好有益!!雖然係有少少藥味，但唔算難入口，為左健康都係要飲!

巴哈－急救寧顆粒 4粒

呢個糖，我初頭以為係喉糖，點知睇真先知要來舒緩緊張情緒，例如說話前、決策前、考前前。佢入面有5種花卉精華，利用「花療鎮靜」達到鬆弛神經的作用。加上無人造色素、無蔗糖及化學副作月，屬於天氣既產品。說實在，有無呢種功效我未知，不過佢味道自然就真既。

青檸柚子身體磨砂 180 ml

今次Glama Box既貨裝size係Noelle 青檸柚子身體磨砂，見到青檸油子既味道已經好吸引，可惜我d咳仲未好，唔敢開來用，怕沖涼沖得太開心太耐，再凍親就大件事!佢入面有透明質酸同椰子油成份，就算冬天用都應該唔怕乾，我要快d好晒，期待用呀!!!

毎月唔洗$100，就可以試到咁多唔同既產品，其實都好抵。最重要係毎次打開時果種驚喜既感覺!


Glamaclub Website: http://hk.glamaclub.com/
Glamabox 資料：http://hk.glamaclub.com/glamabox/
Glamabox Facebook: https://www.facebook.com/glamaclub

秋冬滋潤淨白推介@渼籽淨白美肌油

自從2年前入手第一支後，護膚油已經成為我秋冬不可缺少的產品。而近期呢支來自「香港制造」的美肌油，係我用過入面效果最明顯既產品。

渼籽的「淨白美肌油」是100%純天然漢方草本及天然植物香薰成分及全人手調配。雖然來自香港本土，但原來本土產品都好正。包裝採取簡單滴管包裝，唔開封可以存放一年，開左封就要盡快使用。(大概天然產品都係使用期短)

呢支美肌油蘊含大量英國入口優質天然植物精華油，包括

1. 有機玫瑰果油
2. 石榴子油﹑
3. 覆盆子油﹑
4. 葡萄籽油﹑
5. 茶花籽油
6. 月見草油等

主要功效:
具有高效抗氧化，淨白淡斑、抗哀老、保濕及滋潤功效，使肌膚淨白有光澤。

其實我好怕用滴管(因為次次都好難拎)，但呢支完全無呢個問題，美肌油既質地唔算厚身，所以好快已經係手背流走，推開之後會有淡淡既香味，有點似橙花既味道。

官方既用法有2種:
1.早晚潔面後用兩至三滴美肌精華油混合養肌水塗上面部。
2.潔面後滴三至五滴美肌精華油塗上面部，作全面按摩。

早上通常我會用方法1，溝埋爽膚水搽上面。我覺得呢個方法用起上來較清爽，較適合日間使用。如果你係油性肌都可以試下咁多。加上2合1勁快捷，啱晒趕頭趕命既時候。

而晚上我則會使用方法2，因為我夜晚鍾意滋潤d，加上輕按摩，皮膚真係即即時有柔潤光澤既感覺，而用左10日到，我真係見到面上既乾紋淡左好多，皮膚亦有彈性。另外屬於暗黃既我，皮膚開始有點點光亮既感覺，而最驚喜係我開始用時面頰位啱啱爆完瘡，而個暗瘡印真係比平時淡得快。

本來我諗住搭朋友去日本係免稅店買某大品牌既護膚油(果支折完都要七百大元)，但用完呢支之後，我決定支持本土產品，回購呢支。以護膚油來講，我真心覺得佢幾抵用(5ml/$100,30ml/$368)，加上效果理想，準備回購，因為5ml已經差不多用完了。

渼籽Website : http://www.meitsz.com.hk/


渼籽Facebook : https://www.facebook.com/meitszbeauty

產品由品牌提供，皮膚因人而異，只供參考。

「肥皂」其實很好@Perfet life soap天然手工皂

小小小時候，洗完澡、衣櫃裡都會飄著香香的「番梘」味。到了小時候，「番梘」而被方便使用的「淋浴露」所取代。而我們大大小小的潔面產品，也很少以「梘」狀出現。到了現在大個了，又好像聽回不少「梘」狀的聲音!!

近期用了來自「Perfect Life Soap」的手工梘。手工梘除左採用天然的材料外，沒有防腐劑, 保濕劑, 香味劑等物料, 但又把材料的甘油留起來作滋潤。加上梘是「親水性」，排出大海後能分，所以用手工梘是一個環保, 健康的選擇!

今次試用既係「薰衣草皂」，成份包括:

1. 浸泡油- 薰衣草初榨橄欖油:薰衣草能抑制曬傷、肌膚乾燥發炎，可收歛及幫助細胞組織的再生。
2. 棕櫚油-可做出對皮膚溫和、清潔力好又堅硬、厚實的香皂，不過因為沒什麼泡沫，所以一般都搭配椰子油使用。 
3. 精製椰子油: 天然的起泡劑, 而且很滋潤

由於手工皂沒有防腐劑，保存不好較易變壞，所以我會切開佢三份，方便使用保存。另外，洗手間濕氣重，所以我毎次都會拿走，放到枱面風乾。

手工皂沒有化學起泡劑，所以借助一些小工具，可以加強起泡的效果。

我平時都習慣用起泡波(FANCL買的，5蚊很抵用)來起泡，起泡波起出來的泡較綿密，亦很快已經起到大量泡沬。

另一個方法，只將佢放係網袋入面，直接在手上來回擦，就可以起到泡。這個方法既好處係，可以維持手工皂的形狀，而網袋有伸縮性，所以就算手工皂漸漸變小也不怕。(我用的網袋，其實只係買玫瑰花時套著花朵的網袋，既環保又省錢。)

雖說沒有化學起泡劑，天然起泡劑－精製椰子油也很利害，可以見到泡沬很編密，泡沬越綿密，越能深入毛孔，清潔效果也越好。此外，泡沬亦十分幼滑，於面上推抺時，一點負擔也沒有。

試用期間，我正值生理期，面上爆了幾粒大瘡。可能手工皂內有薰衣草成份，具消炎及鎮靜的作用，所以那幾位大瘡瘡很快使減紅了，亦沒有爆出濃來。

這塊薰衣草皂用完之後，面部真的覺得很滑，但又不會感到因清潔過度而乾燥，就算我洗完面後，沒有立刻搽面霜，亦沒有乾燥的感覺。加上，毎次洗完面後，都會覺得皮膚亮了一度。就算毎天要拿出拿入，我也天天在使用。

如果對手工皂有興趣，可以參考以下web site:

http://perfectlifesoap.wix.com/perfectlifesoap

https://www.facebook.com/pages/Perfect-Life/570572622981203?fref=ts