不怕再拉扯@L’Oreal Paris 活力緊緻光學嫩膚活肌修護眼霜

.

在未踏入中女之時，因為日日戴CON，眼底下既細紋就一早已經浮晒出來。起初用眼霜時，我不懂得眼部肌膚特別脆弱，所以一直都無輕輕力去搽，我諗我的眼紋一半係戴CON，一半係因為我太大力搽CREAM 而來的!

 L’Oreal Paris 呢支「活力緊緻光學嫩膚活肌修護眼霜」最吸引我既地方，就係佢既「冰感按摩頭」。

眼霜蘊含高濃度PRO-XYLANE，配合獨特設計的冰感按摩頭，佢主要功效包括1.修正細紋、2.消除浮腫及眼袋、3.重塑緊緻。

平時買眼霜，專櫃的小姐總會教我們利用指頭勁勁由眼頭按至眼尾，順便進行按摩動作。不過，大指頭的我，往往覺得按得不靠貼，而呢支眼霜既「冰感按摩頭」設計則好乎合眼底，搽眼霜的時候，可以按得好貼，而佢既物料亦好滑，所以由眼頭拉到眼尾都好順暢，唔會增加眼睛的負擔。

從佢既功效來眼，其實佢都算係一支修護形的眼霜，往往呢類型的眼霜都會比較「LUP」，但呢支質地則屬於輕爽的類型，因為佢可以配合按摩而用，所以質地亦好滑好好推。推開之後，吸收到亦算不錯，消除眼腫的效果較易睇到，毎次用完乖乖地按摩，對眼腫真係有所幫助，而眼紋則等時間吧!

Bioderma注活細胞全效精華

踏入中女之年，皮膚的養份真係越來越少，而乾燥的感覺亦越來越強烈。呢排轉天氣，就算我已經轉晒護較保濕的護膚品，面頰都仍然覺得好乾好緊，不敢歎一句青春不再。所以，秋冬我通常都好注重支精華素，希望可以加強返所有護膚品既功效。

我用左「Bioderma注活細胞全效精華」大概四、五日，就感受到一支有效的精華，真係好重要。

近期新興的一個護膚概念---「導入」，而呢支注活細胞全效精華就唔洗搽多様野都可以做到。因為佢會為細胞注入養份，激發細胞能量，修復肌膚的的代謝周期。提到「代謝」我就真係即時叮左一聲，因為中女之年不得不面對代謝慢，彈性減弱、膚色暗沉的情況。

記得第一次用，我有d意外呢支主攻修復細胞、促進骨膠原再生，填充皺紋的精華素，質地竟然十分輕薄，唔似一般修復精咁黏lup，十分容易推開。初頭諗住我呢d大面人要用二泵先夠，

點知原來一泵已經夠晒全面，另一泵可以搽埋條頸。

專櫃既小姐有提醒我，如果溝埋其他精華使用，就要用左呢支先，因為佢係修復細胞，要係底層做功夫。不過，因為想試清楚佢既功效，所以我都夾埋其他野一齊用，只係用完toner加佢再加cream 。

呢支精華的易推度及吸收度真係好好，第二朝起身後，塊面除左無「忟」「忟」緊外，到左中午摸都仲好滑，朝早再用，面部既保濕度都keep到一日，就算用埋bb cream 都無覺得亁。

用左幾日，我最鐘意就係佢可以令塊面無咁粗糙，幼滑左，而所用的cream 都同佢一様好快咁吸收晒，塊面亦無再有「忟」「忟」緊的感覺。由於佢敏感肌膚都適用，所以眼底有少少敏感我都可以放心照用。秋冬轉季，呢支精華會係一個好選擇。

真係有效@Biotherm 藍鑽緊緻修護眼霜

由於我長期帶CON，日日都不停拉對眼，所以眼底下面條細紋已經存在左勁耐。之前俾我遇到一支有效既eye cream，減淡左修紋。但果支係呢盒藍鑽修護眼霜雙倍既價錢。所以當我轉用呢個既時候，我都真係有d怕，怕又打回原形。加上試用中途我又去左五日東京，日本出名乾燥!好彩，呢盒眼霜竟然咁有效，有效到有d難相信，大家睇相就見到條紋真係好明顯短左。中女的眼，只可用霜，不可再用gel了，最怕潤到生油脂粒，用了兩星期沒有此情況，真好! 可以好開心，好安心咁用落去!仲可以用少一倍的金錢!!!!哈哈哈!
Biotherm一直由大學用到宜家既品牌，今次試既係「藍鑽緊緻系列」既修護眼霜。深藍色閃閃包裝，俾人深海既感覺。
「Blue Therapy Eye藍鑽緊緻修護眼霜」主要針對眼部鬆弛、暗啞同幼紋既問題，即係我對中女眼啦!
打開保護蓋時，望落質感較杰，但用手指拎既時候，質感則比想像中輕同易取。
我習慣用第四隻手指輕輕點係眼底同眼簾，因為除左眼底既眼紋外，我地怕有一日我既雙眼!

係用之前，好明顯見到眼底既細紋係去到眼珠外面，好長呀.......
用左兩星期，修紋竟然短左...嘩....真係估唔到咁有效。

來一個清楚既對比先，真係好明顯，明顯到有D唔可敢相信

亮澤的秘密@JILL STUART Secret Control

其實超初既時候，我係選左05，因為覺得遮瑕係實用過提亮。但當日由於有機會去試，最後我決定換返03。首先，佢既珠光係好細緻，唔會一粒粒，好似面油反晒光咁，加上佢質地好易推開，推開之後，就算我咁黑既人，都唔會白色一「達」「達」。而試用左之後，証明我既選擇係無錯既。在眼底既位置，我無用遮瑕，係搽左secret control的地方，明顯係光亮左，變相黑眼圈都無咁覺，而鼻樑既位置則係無鼻影既情況下，亦可以增高。其實我覺得佢真係無改錯名「secret control」，的確係秘密地修改左面部既立體感，唔會俾人一眼就眼出打左光影同陰影。
JILL STUART 一個沒有女子不心動的品牌!今次推出了一系列的遮瑕膏。
如果諗住好似平時肉色既遮瑕產品，就錯啦!因為佢一共有5個顏色，由打亮到遮瑕都可以!
開始用之前，當然要好好欣賞JILL 所設計的包裝，好似花芯一樣!

當然小不了這品牌的閃閃啦!!太靚了!!!!

今次我選的係03色，對於膚色深的人，用來打亮，增加面部既光澤，會比較自然!!
只要用海棉棒輕輕一掃，就已經可以好均勻咁點係需要既位置上面，之後用手推開，就可以睇到佢既亮澤程度，微微的珠光，唔會太誇張。
我用返平時習慣的粉底去試一試佢既提亮度。
由於希望可以透返Secret control的光澤，所以我只係用碎粉掃輕輕掃左一層碎粉。
大家都可以見到素顏的我，要幾暗啞有幾暗啞。而我分兩面，一面在眼底及鼻樑點左secret control，都可以明顯見到有用既地方係飽滿d，而鼻樑係無鼻影既情況下都有高左!

2013東京燒錢之旅@藥妝、Outlet、雜物

尋日由東京返來，忍唔住想立刻同大家分享............

去左東京五日，買足咁多日，燒燒燒........

其實自從用左智能電話後，我已經兩年無買Schedule Book,但去到東京迪迪尼，實在忍唔住.....買左。點智去到105YEN店見到橙色果本，又忍唔住........我記得呢個款係香港要賣幾十蚊!!!日本買係$10到唔洗!!!!雖然係千幾YEN同百幾YEN既分別，但兩本我都好喜歡!!!!!

其中一日，去左郊區既御殿場OUTLET，果度實在太好行，大推各位姊妹去，因為入面有太多品牌啱買。而我當天係果度已經血流不止，分享其中一個買得最抵就係Samantha Thavasa 既長銀包，雖然款式好簡單，但我就最鐘意簡約耐看!!!哈哈哈!!50%off 後只需七百幾港元，實在太抵。媽媽也買了另一個款式，價錢差唔多。雖然係outlet 但其實好多野都仲好耐看，所以有時間大家要記住去行下:

http://www.premiumoutlets.co.jp/gotemba/

去日本，行得最多肯定係藥妝鋪，其實好多大家都見慣，係呢度就唔詳細講。我今次住涉谷，圍住都係藥妝，發現佢地既價錢真係可以差別好大，所以大家要格下價先!

下面左下角果set試用，其實係酒店提供既shiseido 護膚品，呢條line都幾好用，結果我帶佢既除左eye cream 之外，係無用過自己帶的!!!!

最後送上我今次東京親子遊最喜愛的景色俾大家睇睇。除左血拼之外，大家記住留返d時間來欣賞大自然!!!