再度重遇你@Visee

如果有睇開日雜，對VISEE呢個品牌一d都唔會陌生。上兩次去日本既時候，我記得係藥妝店俾佢既胭脂吸引左好耐，但最終忍手!!!今次竟然可以係香港重遇，仲可以參加到F&B CLUB舉辦既化妝班，實在太太太開心!!

平時買開架品牌，總要去日本同台灣，但係Visee係除左日本之外，香港係佢地第一個海外鎖售點!!香港終於有一個品牌係其他地方無啦!!!

Visee 主打時尚華麗，會場既佈置亦極吸晴!!!

為我地示範既係日籍化妝師土橋脩老師，佢係Visee 品牌開發既負責人!!我覺得佢好似吳健豪TIM!!!!

首先用「超小顏粉底」，個粉餅一分為二，雙色設計，令大家可以係用粉底時候已經可以開始修容，塑造立體小顏。用落質地唔乾，遮瑕度都OK，土橋脩老師係勁温柔咁由中間推開架，大家記住唔好咁大力，男仔都咁温柔，我地要對自己好D呀! 而深色就用係SHADING既位置。

呢盒酒紅色PK-3既「耀目光澤眼影」，之前爬文時已經好燒，試左之後真係會愛上喎!!酒紅色只要放係雙眼皮位，就唔會眼腫又可以唔洗成日用大地色。化妝師教如果想對眼立體D，眼影可以由眼尾掃向前，眼尾自然會深色D。

上面果盒眼影會係Visee眼影系列入面光澤最強既。而左面既「心邃裸色眼影」就係最自然，最啱裸妝用。而右手面「花瓣煙燻眼影」就係最濃，要來做Smoky eye 就最啱。

要令到眼神更加閃爍吸引，可以用「美曈淚袋筆」加在下眼頭。

要雙眼更具存在感，眼線同睫毛液則小不了!睫毛液做到根根分明的效果，是我喜歡的。而「時尚奪目啫喱眼線筆」除左黑色同啡色之外，仲有藍色，配上酒紅色的眼影好好睇，而佢質地好滑好易劃，手上呢三條眼線，一直陪我返到屋企，就算中途我去過洗手食飯都完好無缺。

Visee既另一皇牌產品，就係佢既胭脂，土橋脩老師講解左呢盒胭脂既設計特點，我地首先可以打圈取頭三格掃到面上，再用最下深色那一格在胭脂的外圍打圈，令到胭脂同皮膚混合，得到更自然的效果。而打圈的時候，可以輕輕地經過鼻子，令到妝容更立體。

今晚我一試愛上既，仲有佢既「乳霜潤澤唇膏」，除左滋潤不顯唇紋外，最重要係你見到咩色搽出來係咩色，真係好顯色，薄薄一層已經足以遮蓋唇色。

多謝大會既禮物，有我最愛的!

奢華活肌體驗@medicox

之前出席左康和堂「極緻、奢華、美肌」約會，當日除左學識左好多養生的知識之外，仲得到幾支來自法國的奢華護膚品。

Medicox 源自法國，產品以先進技術配合尊貴成位注入肌底，透過「極緻、奢華、完美4部曲」，釋放無瑕再生能量，喚醒沉睡皮膚細胞，延緩衰老、做到「防禦、修復、更新」的護膚慨念。

今次我有機會試下其中三部曲，包括「生物膠原維C精華」(彩虹水)、「納米金箔精華」(小金子)及「溋雪晶鑽精華」(水鑽)。

「納米金箔精華」(小金子)成份包括24K金箔小分子、瑞士獨有之植物幹細胞及纖維母細胞。呢支小金子主要針對皮膚彈性，活慫細胞生長，抗氧化及自由基，回復緊緻及柔軟。

小金子無論搽係面上或者係手上都可以見到佢有好明顯既金箔，而佢既質地係有少少GEL狀得來又唔會太杰。搽上面有陣陣既花香，極易推開，仲可以感到皮膚得到即時既保濕。小金子我早晚都會用，用左兩星期後，開始感到皮膚既彈性好左，毛孔亦有輕微細左。

「生物膠原維C精華」(彩虹水)的成份包括維他命C、去端肽膠原。維他命C除左可以抗氧化，令到肌膚回復彈性之外，仲可以有效抑制黑色素、淡化色斑。而去端肽膠原則有效減去細紋、具卓越保濕及鎖水效果。

彩虹水質地最稀、有D似水質。而佢樽身就最易認，彩虹顏色唔會拎錯。通常有維他命C的產品，我都會係夜晚先用，怕日頭會吸光。用左一段時間，我發現面上有一個斑明顯左，係我擔心既時候，我對比返我既面色，發現整體係均勻左，亦可能因為咁，原來唔覺既色班就跑左出來。宜家我試下搽完全面之後，再在斑點位置加強，希望可以有所改善。

「溋雪晶鑽精華」(水鑽)成份包括鑽石微分子、膠原蛋白。鑽石微分子具修護與治療功能，修正膚色，締造水潤閃亮效果。而膠原蛋白則可修復肌膚老化，撫平細紋，收細毛孔。

水鑽係我三支精華入面既最愛。由於我皮膚較乾，搽上面上會有即係閃閃發光水潤既感覺，唔再忟忟緊，而乾紋亦唔會再咁明顯。不過由於佢質地較杰，所以從泵拎出來既時候就會有少少困難。

係試用呢段時間，我會按照皮膚既情況而決定用邊支精華。整體來講，呢幾支對初老的我都好啱用，因為保濕，維持皮膚彈性及減紋係對付初老最重要既環節。