懶人恩物－精華Ｘ２@< U Beauty X Bioarchitect>

第一次的心情

第一次得到試用的機會，真是又驚又喜。而U BEAUTY話要去鋪頭拎，又令我更加擔心，擔心會被SELL (真多餘)!哈哈!翻查先知原來Bioarchitect 係一間有名既美容院。真係有眼不識泰山。

去到拎既時候，BA十分有禮貌，清楚講解之餘，對於我既提問亦一一解答(一陣話你知點解咁多問題)。

去到鋪頭，發現環境好好，由於週圍環境好寧靜，
佢又裝修成一間玻璃小屋，果一刻又真似去返泰國咁!!(唔好意思!諗多左!實在太想飛!)

今次試用既產品                  

           R.P.T.三重潔膚精華 & 膠原活膚精華

外表好簡潔，但有種專業的感覺

原來佢地都係來自New Zealand

精華要來洗面?

精華通常都係要來加強某種效果，好少會聽到用精華來洗面。而今次試既就係「潔膚精華」，重要係「三重」。

質地較稀，一按便沿著手流下來，所以在面上亦十分好推。

我既問題出現啦！！！

由於ＢＡ同我講乾手乾面用打圈，會慢慢出現一Ｄ「凝膠絲」，又話會起泡，當時我真係唔係好想像到發生咩事，所以係咁問ＢＡ，佢就解釋，上面時會起泡，我就覺得有Ｄ似MOUSSE(1)，之後慢慢打圈，就會拉出一絲絲的「凝膠絲」(2)，之後就會越來越少，凝膠絲會慢慢變成顆粒(3&4)。

話明係「三重潔膚」，咁究竟係邊有「三重」，同埋佢既潔膚力又點呢?

「三重」包括: 

1.R－Remove 卸除 (將化妝品及污垢粘走)

2.P－Purify     淨化 (去除老舊角質)

3.T－Tender    柔嫩 (高效保濕效能)

我地先來睇睇佢既卸妝能力－

粉底被卸得七七八八，而凝膠亦變成粉底既顏色。

過水後我試用卸妝水去試吓有幾乾淨

的確係仲有少少粉底，所以最好用洗面洗多次。

之後就試吓其他化妝品先:

眉筆同胭脂卸得好好，d凝膠變晒粉紅同啡色之後，沖沖水就無晒。

其實BA都有講，眼妝就最好用返眼部卸妝，而我覺得佢既卸妝力都幾好，平時習慣洗多次面，就一定夠乾淨。

有關淨化同柔嫩

其實我一直都係角質厚既人，之前用左支oil叫做清左毛孔，而角質唔多唔少都會一齊清左d，無咁厚。而因為呢支產品話有去角質既功效，所以我就大膽地停用一星期支oil，睇下個情況會點。

結果係－－－皮膚係可以keep到個滑度，面上望落亦無咁粗糙。我額角上有一個地方既皮唔知點解係厚d，用完二個星期，我突然發現好似無咁深色同薄左。(好可惜，我無預計到會有咁既效果，無影到相!!!!!!!!唉!!)
大家之前都見到佢算幾水，所以幾好推，日日keep住洗面，唔會拉扯塊面真係好重要。

一次可以做晒三件事，真係懶人恩物!!!!

講左咁耐，第二支精華終於出現

膠原活化精華

請跟指示

話說我都係一個幾懶既人，所以第一日試用，我係無跟指示用化妝棉，結果係－－－超級難推，推完之後，我仲覺得咁黏成咁既!!!

第二日再試，咁梗係乖乖跟返指示啦，結果係好推好多，故事教訓－都係要跟指示。哈哈!!

後來尋晚，我又想再用手試試(因為覺得用化妝棉，好似好浪費咁)，竟然幾好推喎(當然用棉係最好推)。之後我就回想，之前同大家講無用魔幻水塊面即時無咁滑，我諗開始用既時候係同呢個原因有關，而用左佢兩星期度，就有所改善。

搭配其他精華

BA講呢精華係洗完面即係用，之後再用爽膚水及其他精華。我發現如果佢搭埋其他精華，如果保濕精華，咁佢既效果係會好好!!但如果我單用，就有少少乾，可能佢要兼顧暗瘡肌膚。

控油效果出色

因為之前KEEP到D皮膚，呢排其實化多左妝，但夏天化妝就真係好易出油。不過，呢排我真係發現無咩點出，到放工個妝都KEEP得好好，而我亦無用既化妝品亦同之前一様，所以我相信佢係幫手控到油，保濕做得到，油自然就少。

最後，俾返張素顏照大家睇，都真係KEEP到，呢個皮膚狀態係我呢幾年最好!!!哈哈!!!

呢兩支美容院既皇版產品，果然係有佢既原因。

多謝 U Beauty既邀請!!