新認識的老店－公利蔗汁

近期屋企附近開左間鋪頭，有即榨既蔗汁賣，但當一見到佢亂咁放D蔗後，就真係唔會想買。果一刻就只會懷念係中環既「公利」，真係多謝朋友介紹，平時我唔係特別鍾意飲蔗汁，但呢度飲完又真係會記住!!哈哈!!


不過九龍人既我，要去中環半山飲杯蔗汁又真係.......


點知今日竟然俾我係灣仔見到佢喎!!!

原來佢開左分店，佢係灣仔修頓後後面!!!即刻方便左!




佢最出名既梗係蔗汁啦!今日買既時候，聽到阿姐話:「蔗水煲既邊係蔗汁呀!」

見到佢既顏色，就知道有幾咁真材實料，飲落係清甜，飲完都唔會覺得「確」喉。


灣仔果間就似新既涼茶鋪，中環果間就真係老鋪。

其實佢仲有好好味既「蔗汁膏」!! 我好似無係其他地方食過架!雖然都只係魚膠粉加蔗汁，但D蔗汁實在好飲，所以連D膏都生色不少。

有機會大家可以試吓，點都健康過飲汽水!!




本店: 中環蘇豪荷李活道60號地下 

分店:灣仔莊士敦道113號6B舖