夾雜不同國家的特色@Tulsi & Wine

自行港島線開通新站後，去找朋友真係易好多。
今次再由佢決定去邊度食。佢話帶我去食晒有印度特色的西餐廳，又即管睇下有咩咁特別。
上網話係香港大學站落車行，好彩朋友住係附近，話我知原來西營盤站出近好多!
好彩有訂位，入到去全院滿座。見到SET DINNER幾抵食，決定試一試。

平常餐湯總是配餐包，但呢度係配烤餅，好有特色。

烤餅都夠熱同脆，但味道偏淡，應該係用來配合餐湯。

餐湯又係我最愛既磨菇湯，濃淡適中，不過份量多D會更好。

沙爹雞串好嫩滑，面頭夠香口，配合少少咖喱的味道，有點印度特色。

我的主菜「燒羊仔配炒薯仔」，我要食七成熟，餐廳都做足，不會太生。

羊肉不會太硬，是我喜歡的口感，味道不錯，三件份量不少，女生吃可能有點多。

炒薯仔好好食，朋友忍唔住夾左我幾舊。

朋友食「黑松露蘑菇忌簾意大利飯」，我沒有吃，朋友話白汁不算漏，全碟清晒。

我地加左特飲，芒果特飲及青檸梳打，鐘意佢可以自己加糖水。

呢間餐廳雖然待應不多，但服務十分好。而晚餐價錢很實惠，毎人只是百多元就可以有一個豐富特式晚餐。