輕鬆一下@MASS Bar & Restaurant

假期前席，朋友們急call 想飲返杯，吹吹水。想找一間靜靜地既清bar，放便談心!
最後找左灣仔帆船酒店下面既呢，貪佢有埋野食，唔洗轉場。

一坐底，二話不遻，點左酒先。

朋友點左杯cocktail, 超級勁，唔啱我口味。

飲酒bb班既我，都係飲返啤酒安全d，1664第一次飲，味道偏淡，啱女生口味。

可能位置係銅鑼灣邊沿，時間又較早，所以唔算太多人，多數都係OL，另外有d外國人，應該係酒店住客。

「芝士黑松露薯條」夠熱又夠脆，配上車打芝士及黑松露醬，超級惹味，送酒一流。

「荔枝煙肉卷」利用煙肉包著荔枝一起燒，咸與甜的交錯，刺激味蕾!

這裡的煙肉夠香口，但荔枝不夠甜及多汁，不夠第一次吃的驚喜。

店員推戒燒豬頸肉，果然不錯，內質彈牙又多汁，利用孜然粉作調味，香味濃烈。

燒雞翼皮脆肉嫩，雞軟骨則香脆可口。

厚切牛舌，燒得剛剛好，但頗大塊，最好與人分享。

除左肉類，仲叫左一大堆蔬菜。

首推燒雞脾菇，菇身夠厚，咬落很有口感，也能吃到菇的香味。

燒波蘿原塊上，夠新鮮，波蘿的香甜燒完完全被提升，不過如果去埋皮，食時會更方便。

男生總要點澱粉質。「松露野菌意粉」，白汁底再配合牛油炒香的野菌，雖然全素，還是惹味。

店員再次推介「肉醬意粉」，他介紹他們的肉醬與外間不同，對煮食毫無研究的我，其實唔係聽得好味，但我覺得他的肉醬多了一份香草味。

其實呢度要來輕輕鬆鬆咁吹水都真係幾好，一街之間，寧靜與熱鬧，強烈對比。