第一支CC CREAM有感 @ Heynature 三重機能修護調色CC Cream

多年前到韓國，購了當時火熱的BB Cream, 自始試了不同的品牌，日常都用它。 CC Cream今次倒是第一次用，找了找 BB Cream 與CC Cream 的分別後，發現CC 全名係 Color Correcting Cream ，強調膚色，瑕疵的修正，並傾向有護膚功能。

我的第一支 CC Cream 係來自韓國出產的「Heynature 三重機能修護調色CC Cream」，粉紅色盒身，很有韓系感覺。不過呢支CC Cream 既全名係「Complete Correction Cream 」，強調補濕力強，有助調和膚色，並具改善皺紋、美白及防晒勁能。

「All in One 」的防晒度有SPF38 PA+++ ，日常活動經已足夠，唔需要額外搽防晒。而成份則包括「牛奶蛋白」、「Niacinamide(美白成份)」、「綠茶」、「茶多酚」同「蘆薈」，仲強調無人工成份(9無)。

樽上清楚列明到期日同生產地，購買既時候自然可以安心d。

初初放上手既時候，見到佢係白色，真係覺得有d奇怪，好擔心我呢d深色人會唔會變成戴面具，甚至變灰。好彩係手推開之後，漸漸地融入左膚色之中，變得有d透明咁。

我的皮膚一直都比較暗啞，亦係深膚色的人，仲有粗大的毛孔，所以我對於底霜類產品既要求，首要係均衡膚色同遮毛孔。 

搽左之後，大家可以睇到白色既 CC Cream，並無令膚色變得過白同變灰，呢個比多年前初用 BB Cream 的感覺好好多!

而它最明顯的效果就係令皮膚變得好有光澤感，好似敷完mask 咁!而佢既遮瑕度則一般般，黑眼圈可以減去暗沉，但就都仲明顯睇到，毛孔則有少許改善，膚質無咁粗糙，但大既毛孔仍清晰可見。

總括來講，呢支CC Cream 質地十分水潤但唔lup，如果要來打底去打做韓妝既水潤感會係唔錯既選擇，如果要來單用，係香港的夏天潮濕天氣就未必好啱，我加左層碎粉去做定妝，咁就乾爽好多，宜家都用得。如果唔係，可能就要等到冬天先用得啦!

另外，我覺得呢支 CC Cream 好適合乾性皮膚既人用，搽佢好以搽緊 cream 咁，即時感覺到個保濕度，但如果係混合及油既人都係等冬天先用會好d。

用完CC cream 後，我覺得 CC Cream 傾向似Base ，要來加強皮膚既光澤同保濕度再上底妝會好好，如果要完美的底妝，則需另加粉底。而BB cream 則妝感較重，但遮瑕力較強。

女生們，記住要按自已需要去選擇呀，不要興什麼就買什麼!!



此產品由U beauty x Heynature提供
想知更多: http://www.heynature.com/hey/product_1.php?id=413