逆轉日與護夜膚概念@REN Skincare

 我一直的護膚概念就係夜晚做保濕、日頭做控油。所以當數到呢兩支精華既時候，我研究左一陣先明白佢地既用法。

「REN」是一個來自英國的品牌。「REN」是瑞典文 「CLEAN純淨」的意思。品牌強打「不含對肌膚不良成份」、「不作動物測試」，並以植物的天然活成份配合真空的包裝，保持品質的穩定。

呢支由「米肧芽油」、「透明質酸」等成份製成的「MAX MOISTURE CONCENTRATE 」針對高效保濕、加強皮膚彈性及透亮度。

精華的質地有點流質，呈透明狀，推開後很快便被吸收。真空泵裝設計，一泵已足夠全塊面。

試用前我的鼻頭有點脫皮，搽上後脫明有明顯改善。 KEEP 住早上用，初頭覺得有點LUP，後來用多成天反而覺得吸收好左唔再LUP，我都唔知咩原因，不過佢既保濕度的確幾好，用完再上粉，完全貼服。

另外一支就係CLEARCALM3 REPLENISHING NIGHT SERUM，就係呢支攪到我概念錯晒，因為我一直都覺得要控油就要早上做到，防止出油。

佢既質地較固體，但質感好清爽，一D都唔LUP，推開時好滑，亦好快吸收，仲有好香既草本味道。

我係M前塊面會特別多油，有時起身會覺得塊面反晒光。而試用其實正正遇上這個週期，確實係我試試佢控油功效的最好時機。 距離M前我已經用左一段時間，一直都唔覺太明顯(本身唔算多油)，只係覺得佢比以往的控油產品好，因為唔會令到塊面好乾。但當M真正來到時，我先突然發現呢支野的確有效，因為我係M前無左油光滿面同生粒粒的情況，所以我相信長期用，對控制油脂係唔錯既選擇。




呢個品牌係以下地點就揾到，唔好俾個地點誤導，其實佢毎支都係三百幾蚊，好合理的價錢。
HARVEY NICHOLS Beyond Beauty - 1/F Beyond Beauty The Landmark, 15 Queen's Road Central, Hong Kong
Tel: 3695 3388
BEAUTY BAZAAR Beyond Beauty - Level UG1, The ONE, 100 Nathan Road, TST
Tel: 3906 2322
HARVEY NICHOLS Beyond Beauty - Pacific Place, 88 Queensway, HK
Tel: 3968 2512