元朗多野食已經聽聞好耐，前幾日遇著阿媽去「元朗大會堂」表演，我梗係要去睇啦!午膳綵排前去左附近既餐廳食LUNCH!!!元朗果然係悠閒D，一排餐廳都分成戶內戶外，輕輕鬆鬆的感覺!
我地選了一間較有特式的泰國餐廳，可能已經係Late Lunch Time，所以唔算多人!
我最鐘意餐廳入面好有民族感既吊燈，旁邊仲bar，如果夜晚來，氣氛應該更好!
三個人，樣様都想食，但又唔食得多，咁就梗係叫拼盤最好!拼盤造型好靚，份量都唔少。
蝦餅乾左少少，但串燒好味，雞肉又香又厚肉，如果個汁再辣少少更好。
豬頸肉炒麵外型勁靚，利用蛋絲包住炒麵，幾有心思。
炒麵都幾足料，勁多豬頸肉，炒麵就淋左dd，如果穫氣重d會再好味d!
斑蘭咖喱同薄餅係分開點。店員介紹斑蘭咖喱唔算辣，加上杰身d，所以較適合配薄餅食。
咖喱配薄餅真係最佳組合，薄餅鬆脆，咖喱夠香，雞肉夠滑，今天最滿意既一道菜。
食泰菜當然少不了椰青，透心涼，正呀!
沒有留言:
張貼留言