小店鋪面唔算大，可能座滿都係三四十人，雖然唔大，但座位就一D都唔迫，當晚都陸續有食客出入。
「八味金磗豆腐」推介，表面勁脆，入面勁滑。表面脆得來勁有口感，加上八味粉的配搭，配合味淡的豆腐真係啱啱好，食到停唔到口!如果要來送酒仲正!
朋友們都嗜辣，所以又點左幾個麻辣小食。
「麻辣牛展」肉質鬆軟，不會太硬，辣度食中，唔會辣到食唔到。
「麻辣海哲」夠爽口，一人一啖，好快就被清光了。
「麻辣木耳」除左辣之外，多了一份陳醋的味道，酸酸地，好醒胃。
主角出場「花鵰雞煲」，出面一般都將「花雕」同「藥材」扣上，但呢度既「花雕雞煲」就一D藥材都無，只係利用花雕去吊味，煮起上來好香酒味，但揮發之後就一D都唔覺得濃。店主仲可以因應大家對酒味的接受度，去決定加幾多花雕。
「手切本地肥牛拼牛頸脊」肉質新鮮，本人不愛太肥的肥牛，這些佈滿雪花紋的牛肉，吃落才剛剛好，油脂分佈平均，好吃!
「廣島蠔」係雪藏的，不過熟後還吃到鮮味，快不會縮太多水，可以一試。
「三寶餃」沙葛餃、韭菜餃、椰菜餃。份量十足，材料新鮮。沙葛餃出面較少吃到，幾特別。
「黑豚肉」造型特別，但旁邊脂肪較多，熟後我選擇拔掉一些肥肉。肉質爽口，不錯!
「脆肉鯇」夠爽口，鮮味!
其實我唔「鵝腸」的，不過由於媽媽喜歡，攪到我都識點睇鵝腸靚唔靚。呢碟一睇就知係新鮮無加工的，仲可以見到腸內的脂肪。
「黑栢葉」係我摯愛既內藏之一，呢度既黑栢葉切得比較大塊，熟後唔怕找唔到。
「手打四寶丸」全部都係鮮打，粒粒彈牙。
「鬼馬油炸鬼」雖然唔係第一次食，但毎次食都覺得好好味，墨魚膠爽滑再加上超脆的油炸鬼，兩種口感混合一起，超正!
「炸響鈴」一上台已經聞到香味，從佢既熱度同氣味，完全感受到係即炸的。即炸真係鬆脆好多。
雖然小店位置較偏，店面亦不大，但「花鵰湯底」有特色，而打邊爐的材料亦質素甚好，小食「八味金磚豆腐」更心得我心!
沒有留言:
張貼留言