飛彈和牛、返唔到轉頭@和匠日式燒肉店 Wa Shou Yakiniku

朋友升職，決定豪一豪，請我地食飯!!哈哈哈!!上年去沖繩，食過和牛之後，的確很掛念，所以我地今次決定揾間可以食到日本和牛的日式燒肉店!!!

「日本安曇野豆豆腐沙律」夏日炎炎先來一個沙律，豆腐野菜粟米配上胡麻汁，好味!

「芥辣八爪魚粒」本人摯愛，鐘意其有咬口之餘，又有味覺刺激。

「冰頭瀆」呢個出面好少見，酸酸的，有檸檬香味，有爽脆。

「美國Prime牛小排」脂肪平均，色澤紅潤，內質柔軟，不錯!

當日老闆教左我地燒肉原來唔好反，燒到一面見到血水先反，就唔會過熟。

「美國Prime牛角切」角切食落更有咬口，但好多時都唔知點先係熟，原來要炒下佢先，等六個表面都熟左，就可以包住d肉汁，真係好juicy!

「日本國產鹿兒島黑豚」高質素既豬肉真係好好味，雖然好似有好多肥肉，但燒完之後，迫晒d油脂出來，真係唔會覺得肥膩，加少少黑椒，爽口很來又有肉味。

今晚既主角出來~「日本歧阜縣A5飛彈牛肉眼」。老闆提我地唔好咁快食佢，因為食完係會返唔到轉頭。本來果2碟美國牛，大家都覺得唔錯，點知，一放塊「和牛」入口之後，真係無得比。

「飛彈和牛」無論肉質，牛味都超級正。一放入口，牛口充滿整個口腔，肉質真係入口即溶。

「海膽稻庭烏冬」配上泠麵汁味道不錯，但烏冬略淋。

「蒸蛋」都幾好味，有d似元x食果d，都幾足料。

「牛油炒雜菜」唔太油，都幾大碟，啱晒食完咁多肉之後平衡下。