會再來的@三木日本料理 Miki Japanese Restaurant

當與最愛食放題的朋友於尖沙咀行後，我都估到我應該係會食放題，所以一早做定功課，之前經驗幾好，今次決定再食多次。

刺身確實新鮮，最鐘意係佢既甜蝦，超級大隻，仲已經脫左殼，真係啖啖肉。

平時我真係好少係放題食咁多壽司，不過三木既壽司真係好食，紫菜脆，用料足。

海膽壽司係放題好少見，而且分量唔少，講不上好鮮味，但至少沒有怪味，可以放心食

其他壽司，如芥末八爪魚，吞拿魚等都好食，所以總共點左2次壽司，放題中真係好少。

自制牛肉盛合!!牛柳粒軟軟的，不會過熟，但有點咸。

厚切牛舌味道版，但一件起二件止，吃太多易膩。

勁鐘意食蛋的我，點可能放過鵪鶉蛋呢，有一點點燒香的味道，不錯。

波蘿同蕃薯可以舒緩一下飽濟的感覺。

來三本，點都要留肚食甜品，因為真係好多款式之餘，大部份都好食。

我摯愛依然係焦糖燉蛋，不過綠茶布丁就無咩茶味，失色左。

最後，當然要來一球柚子雪芭，才是美滿的句號。