12蚊真係好抵用
相信大家對呢支洗樸液一D都唔陌生,我都唔例外。不過我一直都只係用佢來洗粉樸。
不過,今日同朋友傾開,原來係可以拎來洗掃!
開工先!!
首先拎我用開支濕粉掃俾大家睇吓,上面真係充滿粉底!
(題外話,估唔到呢支幾十蚊既掃咁好用,D掃毛仲充滿彈性,又滑,上妝十分貼)
首先,開水沖濕支掃,記住唔好開咁大水!
之後加D洗樸液落去,會有少少起泡,咁就可以輕輕捽吓D掃毛,記住輕手D呀!
大家睇吓,呢支係平時用開既輪廓掃,捽緊途中已經見到D化妝品流緊出來
一沖出就咩粉都沖走晒!
呢支係平時充滿胭脂既掃
睇吓佢洗完白白係點.....
即刻乾淨晒!!
俾埋支粉底掃大家睇....
佢既真身終於出返來,佢D毛本來係米白色架!!!
沖水後,我會用紙巾印乾表面,再單向咁掃落紙巾度,佢中間d水都可以印乾!
掃既時候都睇到,d粉底真係洗清晒!
洗完白白,放係枱上等乾,就用得!!!
我摸過d掃,質地無咩改變,呢度都有幾種唔同既質地,有羊毛,亦有人造纖維!
好彩有人話我知,我先知原來呢支$12既洗樸水係好用成咁!!真係忍唔住話俾大家知!(雖然可能大家都知左好耐)
呢支同我之前用開既S牌洗掃水比,好似仲乾淨!!
保持D掃乾淨,皮膚都好D!!記住如果D掃只係自己用,一個星期最好洗一次D掃呀!
沒有留言:
張貼留言