再再回味@諾亞半熟蛋糕專門店

作為荃葵青人，對於荃葵青的食肆都會迅速被報料，所以諾亞在荃灣開張第二日已經在朋友Group Chat熱烈討論。我們當然立刻行動，今次我地決定試佢地皇牌產品「香蕉芝士半熟蛋糕」。

由於我地買完之後一日之食，所以根據指示，係要放係室温，再叮叮先食!!

唔知係唔係雪左24小時，所以我叮左好幾次，蛋糕先至夠流心。半熟蛋糕表面與一般芝士蛋糕無異，特別之處就中央會有不同味道流心漿流，食起上來會更軟滑，好似食流沙包咁。

「香蕉芝士半熟蛋糕」流心香蕉味濃，唔人工。而面層既糕的芝士味亦與香蕉味互相配合，食多幾啖都唔會覺得膩，底層有少少朱古力味既餅底，朱古力與香蕉芝士一直都係好朋友，所以呢個組合基本無得輸!

朋友覺得味道唔錯，價錢合理，所以我地之後又試左另一個「伯爵紅茶蜂蜜半熟蛋糕」。由於我食甜品比較鍾意食清新而不甜既味道，所以呢個伯爵茶正合我心意。未放落口前已經聞到淡淡既紅茶味，仔細看海棉蛋糕，還會見到茶籽。第一啖放落口會先感到茶味，之後蜂蜜味會緊隨而來，既清新又甜蜜!(今次個蛋糕無雪咁耐，叮既時候亦快d達到流心效果，所以大家食既時候，要留意天氣同冷藏既時間。)

半熟蛋糕沿自台灣，其包裝及細心度亦承傳左台灣既特式，打開合蓋，先會見到上層放著餐碟及餐具，既貼心又方便。

半熟蛋糕既售價比我想像中平，份量雖不大，但亦足夠四人分享，加上味道合心意，地點就腳，所以都好大機會再次回購。