新春特別多飯局，而我班朋友特別鐘意食放題。今次又去返旺角既番本，其實呢間啱啱開既時候，我地都去過，記得都OK，所以今次又再去，貪佢座得比較舒服，啱晒帶BB既朋友。
食放題，一座低梗係劃刺身啦!!呢盤主餐紙入面既刺身，個様幾唔錯，不過吃落好似唔夠鮮味，其中甜蝦最好食，可能同佢原隻連頭有關，而三文魚既魚味真的有點淡。
可能今次約既時間比較早，訂左位去到唔洗等，即入。上次食八點，都係門口等左一段時間。今次到我食完既時候，已經座滿晒人LU!
放題好少有清酒任飲，咁就梗係要小酌一下，可惜呢隻酒唔啱我口味呢!
由於朋友想食羊架同其他刺身，所以我地加左$50升級，可以任食「升級體驗」內既食物。職員會放張星星咭係枱面。
升級體驗既食物，我最鐘意係佢既羊架，燒得啱啱好，仲配晒三款醬，一D都唔「蘇」。另外個蟹粥上枱時，我地都好驚喜，竟然係原隻蟹喎，雖然唔算好甜，但係放題入面食到，已經算幾好!
原來升級版既刺身真係有分別，只係睇甜蝦既大小就知，而其餘幾款刺兒既味道，又似乎真係好過第一盤喎，之後我地都再有encore!
我自己食放題好少食手卷壽司，因為通常都太飽，食唔落。不過，朋友想食，都試左少少，我覺得一般啦。
串燒味道唔錯，燒菠蘿味道好好，好甜好香，起好食，叫左好多次!
天婦羅同炸物也是我愛吃的，不油，味道不錯，其中「蕃薯天婦羅」同「一口芝士豆腐」真的好吃!
當然還有一大堆的熱的料理吧!!雞翼燒得皮很脆，雞翼控的我很喜歡。糖心蛋有點被黑松露搶去了蛋黃的味道。攪事的點了「人參雞湯」，還是算吧!日式放題同它不應放在一起。
甜品算有特式，雪米糍有我最愛的綠茶味和香芋味，而「炸朱古力香蕉」真的現炸，可惜真的太飽，沒有吃到!
旺角的放題很多，這間能令我們再回頭，主要係座位舒適，服務好，也不會漏單，可以輕輕鬆鬆，不用追來追去地大吃大喝2小時。而食物質素則算中規中矩，部份刺身我覺得可以再鮮味一點，但仍有幾款食物深得我心!!
沒有留言:
張貼留言