其實自從出來做野有少少能力後，我盡量毎年都會同媽媽去一次旅行。不過，我毎次也堅持跟團，所考慮的當然包括「阿媽唔行得耐，上車落車去到景點梗係最好。」「要揾路，行錯路，或者唔啱阿媽心水，到時吵大穫就煩!」其實心底裡最怕最怕都係一個字.....「煩」。
我家太后其實算係易服待，大部份既野都食，大部份既野都願意試,.....就連機動遊戲都玩過.....過山車?海盜船? SORRY 呢D真係太激了。不過如果你有去過日本既「環球影城」，入面有個「蜘蛛俠」既機動遊戲，其實都有D激，太后都照玩!!(果次出來之後，其實我有D覺得我點左太后，不過好彩佢無事，我就打從心底佩服佢。
係呢次自由行之前，其實我已經同太后跟團去左1次台灣、2次日本、1次韓國，仲有1次半自由行去左曼谷(咩叫半自由行，因為果次我同埋另一個朋友帶埋太后去，而我個FD就已經去過，再加上曼谷搭的士平，我已經預左有咩野就即刻搭的士，即係同旅遊車無分別，再加上多個毎腦，我先肯帶我家太后去。)
又話準備篇，點解我要講咁耐我同太后既旅遊史呢?其實我覺得帶屋企人去旅行最需要準備既.....就係大家既「心情」!!!!平時同朋友去，可以分頭揾資料，揾機票，揾地方玩，但同屋企人去，SORRY ，你預你自己一個攪晒好啦!因為我家太后係果D典型用智能電話都要成日問「點解」、「點樣」既人(講緊係你已經講左九十幾次)，平時去行搭車又係講完又講，所以我........知道我只有自已可以靠!!!!!!!
在「阿女去那兒」呢個旅程三個月前，我地先啱啱去完東京返來。而太后因俾人迫放假，所以又去...............揾左好耐都無啱既團，最後唯有............「自由行」，我們的旅程就係咁展開......
機票(不要去到太盡)
要飛首先要攪左機票先，由於我係聖誕前先放到假，好多航空公司都係20/12開始加價，幸得D同事幫我，我就趕係加價前一日(19/12)出發。記得買機票時，我諗左好耐，究竟去幾日，後來決定盡地一鋪----7日(宜家諗返，都唔知當知邊度得來既勇氣)。
當決定左去台灣之後，我揾左幾間唔同既航空公司，有大型傳統，亦有新興廉航，亦有去旅行社睇套票，但計來計去都係分開訂抵D。最後因為時間好D，我選左華航。平時我地自己去，好多時都會選早機去晚機返，不過如果大家同屋企人去，就唔好咁盡啦!因為老人家CHECK OUT左之後，係條街盪成日再上機返香港會好攰，所以我係晚上十點同下午三點既機之間，選左下午機返來(返到來真係覺得無選錯，因為阿媽仲好精神咁同我地出街食飯，之後又可以慢慢執行李)
提提大家，華航係手機APPS，亦會係上機前SEND EMAIL俾你，所以可以係屋企先選左位，就算好似我咁7:55AM起飛，都可以係起飛前一個小時到達CHECK IN寄行李(雖然我當日出門口仲係天黑)
上個月我去台灣既時候，觀光局係做緊送機場到時區既車票或者伴手禮，而搭華航就可以係機場直接換!!!
我知我好長氣，打左咁耐都仲未講到入肉。來緊我會堅持落去...............等我呀!!
先透露下行程先:
DAY1 : 香港----台北-----宜蘭縣礁溪
DAY2: 宜蘭縣礁溪-------宜蘭縣羅東
DAY3: 宜蘭縣羅東-------台北
DAY4: 台北車站+後火車站閒逛----西門町家樂褔
DAY5: 十分----平溪-----青桐-----寧夏夜市
DAY6: 上引水產----微熱山丘-----小春園-----林三益-----迪化街----西門町
DAY7: 金鋒滷肉飯-----南門市場-----機場-----香港
沒有留言:
張貼留言