黑布街甜品遊@Next Station Dessert

話說身邊有一奇女子，明明正餐話飽，但一食甜品，就可以有第二、第三個胃。佢話要挑戰晒所有黑布街既甜品鋪，今次就先來NEXT STATION。

現在的甜品鋪，很多時裝修都係走簡約型格路線，呢間亦離不開。

之前已經聽過朋友講「血橙」係好甜好好味，雖然未有機會食到新鮮既血橙，但呢度竟然有血橙梳打，真係要試試佢。「血橙梳打」係原枝配冰，血橙味真係同普通既橙有D唔同，較清新，亦無咁酸，好啱夏天飲。

「開心果驀絲配草莓芭菲」開心果驀絲質地較挺身，充滿開心果味，無咩甜味，真係好似食緊開心果咁，配上酸酸的草莓芭菲，味道挺配，不過伴碟的梅較酸，不是我杯茶。