甜品當晚餐@HeSheEat

食完飯路過黑布街，毎次都會見到一堆人企係門口，無一次會等到。所以令次我地決定甜品當飯食，點知原來七點幾一様好多人，好彩仲有位。我地走既時候，門口人龍又出現了。

旺角分店共有2層，同樣係簡約而有格調的設計，是女生愛自拍的勝地。

「白朗峰粟子蛋糕」本人十分喜歡粟子蛋糕，而很少甜品鋪會有得食，唔知係唔係太少大鐘意呢?所以我一見到有就決定以它作「甜品當飯食」。

面層鋪滿粟子蓉，中間配以蛋白脆脆及雪糕，口感極之豐富。不過呢個真係好足料的粟子蛋糕，因為食食下會開始食到酒味，問左店員係無酒既，所以係粟子的香濃配上黑糖所形成的味道，如果喜歡粟子的你，真係要試下。

「厚焗鬆餅配草莓/草莓雪糕」朋友超愛草莓，作為店鋪的熱賣，又怎能不試呢?這種厚鬆餅，真係第一次食。一上枱已經有超級香的蛋味，加上煎到金黃色，超級吸晴。

切開之後，鬆餅雖厚，但超級軟熟，配上草莓雪糕，一冷一熱，超級好味。鬆餅份量不少，女生分著吃，甜品當晚餐，一點也沒有難度。