謝師宴化妝補習班

就快到五、六月，又係謝師宴JOB既高峰期，同D美眉傾偈都發現佢地好多都無化開妝，所以唔知點好，唯有揾化妝師幫手。今次我就同大家分享一個簡單既謝師宴妝容，只要練習多幾次，到謝師宴當日，一定可以化到一個出得大場面既妝!

青春係你地既本錢，所以粉底唔洗咁厚，可以用BB Cream打底，再加碎粉定妝就可以。而眼妝方面我就會示範一個自然易接受既韓系大眼妝。

今次我用左來自韓國TefuTefu Magic Code design for pro 既化妝品，包括:

1. Waterproof Eye Shadow 魔幻密碼專業防水閃亮眼影 $128(2色)

2. Waterproof Gel Eyeliner 魔幻密碼專業防水眼線啫喱筆 $98

3. Moisturizing Lip Care 魔幻密碼專業防水滋潤唇彩 $98

眼妝方面，可以試下用霜妝的眼影，一來顯色度高，二來防水防油，謝師宴通頂都唔怕溶妝!

1.首先用Waterproof Gel Eyeliner 畫一條內眼線，覺得難畫，可以試下拉住眼尾，由眼尾向前畫，條眼線自然易上色D，仲可以畫粗小小，再用眼線附設既海棉頭輕輕推鬆。(如果鐘意眼線明顯可以用黑色，想自然D就可以啡色)

2.之後直接將 Waterproof Eye Shadow #S01深啡色塗晒整個雙眼皮摺位(記住唔好塗咁高，因為之後在邊位推鬆之後，個位置會高左小小。)推鬆之後可以拎#S04香檳色在上面雙眼皮摺位上面，再用手指推鬆至整個眼蓋位。咁好快就已經做到一個既深邃又有層次既眼影。

3.下眼影怕難控制，可以拎返支Waterproof Gel Eyeliner 輕輕力咁畫返一條外眼線。記住畫下眼線想自然D，可以打直D支筆(同返面成水平)，再一點一點好似連線咁畫，就好易畫到一條自然既眼線，仲有當然要填埋眼尾既三角位，咁隻眼就會有放大既效果。

4.最後，想雙眼有閃爍既效果，可以係下眼頭1/3用Waterproof Eye Shadow #S04 畫返下眼影。

唇妝方面，雖然宜家好興「星星唇」，但鮮色唇對化妝初哥來講未必咁易Handle，所以選返一個自然有光澤既唇色，既可以襯返你地既年紀，又可以精神d。

1.如果膚色偏白既美眉，可以用粉紅色，偏色較深可以用偏橙既唇膏。
2.選唇膏除左上色之外，滋潤度都好重要，呢支Moisturizing Lip Care 有牛油果同維他命E，所以唔洗用潤唇膏打底都好水潤，一D都唔現唇紋，加上雙頭設計，夠晒方便。
3.最後，提醒大家唔好再搽厚厚既LIP GLOSS，宜家唔興架啦!選一D閃粉幼細，水潤度夠就好了!

對初哥來講，好多時都會失手或者溶晒眼線係眼肚位，呢支 Make Up Remover Pen魔幻密碼專業便攜卸妝筆$68 就真係好方便。
只要輕輕搽係想卸既位置，再用棉花棒或者紙巾搽走，就可以清到花左既妝溶。
呢支筆強勁之處係防水防油既化妝品都可以搽得好乾淨，又唔會油笠笠!

大方自然既妝容，N年後睇返都唔會過時，再加返小小頭飾，靚靚出席謝師宴就無難度啦!