<自購>雷呀!!!!唔夠長@CLIO 魔電眼增長防水睫毛液

呢支睫毛液都買左一段時間，當日就係忍唔住「六折」呢兩個字，諗住韓國野應該OK既心態而買佢，點知.......完全唔合乎我既心意!!!!!唉!!!!

其實佢外表唔錯，銀蓋色都幾搶眼，而掃頭係細長型，都係我鐘意，而拎出來既時候亦唔太濕，睇起上來其實OK!!!!

韓文睇唔明，但根據圖示，我係覺得佢應該可以做到根根分明同纖長既效果月結果....中伏。

因為我睫毛濃度還可以，所以「增長」既睫毛液係我最常買既!!!!!可惜，當我搽上睫毛既時候，我真係覺得佢好唔夠長。

唔多講，大家睇吓啦!!!! 呢個已經係搽左三層啦!!!係三層!!!!!!!!!!!!!

俾返個素眼大家比較下先!!!

講真佢質地其實OK，唔濕又乾得快，又唔會太厚身，呢D全部都係我鐘意既睫毛液，可惜係佢改個名「增長」，我就真係一D都唔滿意!!!係有長左，但對我來講「增長」既效果一D都唔理想，我相信大部份唔係「增長」既睫毛液都好易做到呢個效果。

如果唔係「六折」我就唔建議大家買啦!!!因為以佢原本百幾蚊既價錢，真係有太多既選擇。好似我之前用晒既ETUDE HOUSE係韓國買都係七十幾蚊，宜家香港都係賣緊九十幾(改左包裝唔知一唔一樣) ，但用完係會俾人問係唔係用左假睫毛。真係要快D去買返先得!!!

我宜家唯有用來佢搽下睫毛啦!!因為唔太濕，就唔會咁易出界，都算有返D用!!!!!!!!!!