「無需打磨、同樣光亮」的 soak off gel美甲@ Blossom Nail and Beauty

一向指甲薄的我，如果想留長，一定要去整甲先可以留到。因為甲太薄除左易崩之外，仲會成日爪傷自己。好多年前，整左兩三次GEL甲之後已經唔敢再整，因為真係要用好長既時間先可以留返健康既指甲。

到左前兩年，SOFT GEL既出現，簡直好似發現新大陸咁，雖然唔洗點磨，但當拆既時候真係攪好耐，同埋甲面都係有層野，而可用既顏色好少。

前幾日，去整最新既SOAK OFF GEL 之後，真係好滿意，不單時間快，顏色選擇多，整既過程仲好舒服，。

一到秋冬，我就好鐘意整紅色，配合萬聖節既來臨，我決定用DARK RED 來親南瓜仔。

Blossom Nail and Beauty 位於佐敦既樓上鋪，環境寬敞舒適。我初頭係佐敦行過去覺得有丁丁遠，但原來係柯士甸站過去只需三分鐘!!!

枱面上既顏色，超過幾十種，真係好多色，總有一種啱心水。

今次做SOAK OFF GEL 係來自美國的GEL TWO，由於甲油入面含有微細既鈣質，可以美甲同時護甲。另外佢既硬度亦好足夠，足以應付日常生活亦唔易崩。整既過程同平時一様，都係先修手，而油底油，甲油同面油。雖然搽足咁多層，整出來既效果真係好薄好舒服，就好似只係搽左甲油一樣，我即日開汽水罐同打字都完全無問題。

另外，呢部LED機都好得我心，記得以前照燈既時候，會覺得隻手好熱，有時仲會熱到拎返隻返出來先再照過。但今次呢部機係有時間制，所以放左入去之後，一夠鐘就會自動熄，唔會過熱。另外，唔知係GEL快乾定係部機勁，照燈既時間好似好短咁，所以其實未覺熱就已經拎得出來。

經過約一小時，十隻手指已經換上紅色衫，SOAK OFF GEL既光亮度好正，我自己就好鐘意，返到公司D同事係咁問我係邊度整，係咁讚靚。美甲師幫我整既時候都好細心，知我D甲係扇形，就提議我修圓少少，唔係頂住旁邊唔舒服!

美甲師之後同我講，如果想拆甲，只需要浸泡就可以，唔需要打磨就可以換新款了!!!原來宜家既SOAK OFF GEL 同樣可以駁長，所以想做另一種效果都可以!

可以KEEP住指甲既健康，又可以KEEP住換新款，宜家既產品同科技實在太利害。


如果大家想了解多D，可以留意以下資料:

店舖資料：
Blossom Nail and Beauty
九龍渡船街38號建邦商業大廈2樓B室

電話 : 852-2959 3805 (預約)　/　Whatsapp : 852-9861 2943 (預約)

網址 : www.blossomnailhk.com

Facebook : Blossom Nail, Austin HK

IG : Blossomnailbeauty

微博 : Blossomnailbeauty