想不到的貼伏@ Touch in SOL I'm Covering You

由秋天進入冬天，懶惰的我，又在尋找方便又唔乾又貼伏既底妝產品。BB Cream 係近年最方便既產品之一，有左「佢」地之後出門口都快好多!

韓國有好多種唔同功能既BB cream ，而呢支就從佢個名「I,m Covering You」已經知，首先係防晒，要真係做防晒效果，其實防天度數，都仲要睇有幾多個「+」，佢有成SPF50 PA+++，真係連戶外活動都足夠。另外，女仔要Cover既梗係面上既瑕疵。唔知用完會唔會好似韓國女仔咁白滑呢?

平時見既BB Cream多數都係牙膏裝，好多時大力左唔小心就會拎得多左份量。不過呢支則有一個好好既設計，佢個頭係泵裝，控制份量方面就容易左!!!

呢度一一泵既份量，都幾多，所以如果你唔我呢d大面人，我估1/2泵至3/4泵都一定夠。由於佢有SPF50PA+++，所以我會拎多左果D來搽頸，一來可以防晒，又可以令膚色更平均。

佢既顏色同偏白，不過唔算太白，所以一般香港既女仔都應該無咩問題。

佢都幾好推，簡單幾下已經可以推到好薄，亦有一份微微既光澤感，啱晒冬天乾燥既天氣。

由於我膚色較深，所以試上面後係有少少白，但譞可接受。我只係單用左佢，都發現面上既黑眼圈、毛孔都遮到一半以上，以單用來講都算唔錯。

總結：韓風襲港，我當然都唔例外，之前已經試左好多支唔同既BB Cream。不過，有的是顏色太白，有的是好厚好難推，有的是好灰.....種種既問題。已經令我停左用BB Cream好一段時間。遇上它之後，又發現左化妝品果然係日日在進步。 「I,m Covering You」同我之前用既有好明顯既分別，以前好厚好好焗身，塊面缺氧︳個妝好快就變灰;而呢支就唔會，質地薄身好多，亦有一定既遮瑕度，感覺好好多!開始用佢既時間係啱啱轉天氣果幾日，我頭幾日都無用到base 就直接上面，結果又俾我想像中好，簡單幾下就已經推到，亦因為佢有少少既光澤感，所以係乾燥既天氣下，皮膚就唔會覺得咁乾。而鼻頭既脫皮就因為我傷風，但搽左都還可接受。而我最鐘意呢支就係感覺好透薄，摸落塊面到好似無搽到野咁，但面色有好左!而佢既缺點就因為佢係韓國既牌子，顏色真係偏白，如果好似我咁膚色較深既女仔就要注意接唔接受到，或者搽埋條頸，做埋防晒，就唔會唔同色啦!

急急搶救........眼紋、眼袋@Mask House Celebrity 【蜂毒全效眼部修護精華】

之前用過MASK HOUSE 既EYE MASK ，就已經覺得用來急救佢真係有幾好既效果。今次用既就係佢既「蜂毒全效眼部修護精華」，用得「精華」兩個字，我相信應該比EYE MASK更利害。「一滴速效抗皺、完美解決眼紋、鬆馳、眼圈」。我相信呢個係大家既心願!!!!我的聖誕願望!!!!!!!!!!!

今次用左「針筒型真空導入器」設計，呢個設計係希望避免精華氧化流失。

而在針筒上亦有份量標籤，安便按出需要既份量。

一盒入面有三支，全部都係獨立包裝。

講左咁耐，大家不如來睇吓我條眼紋同鬆馳既眼袋先!!

通常大家都會用素顏既照片，但我今次就用上左妝既照片!!因為................上左妝都咁明顯，我條眼紋都真係死得。由於我日日戴CON ，所以眼下果條紋已經一早出現左，但近期發現左佢有深左既蹟像，眼袋亦好似鬆左，所以影相一笑就出晒事!!!!!!!!!!!!!!!!!!!!!就因為呢張相，我好認真咁用晒三支既份量先至同大家分享!!!!!!!!!!!!!

我起初係早晚用一格既份量，因為我係「問題膚質」!!唉!!!!不過用左三日之後，發現其實佢一格既份量都幾多，多到可以搽完全眼再推埋落虎紋等等!!!而我亦覺得有少少緊緻既感覺，所似第四日開始我就早晚用半格。下面張相就係用晒三支既效果。

我盡量選返張差唔多角度既相，雖然燈光有D唔同，但我覺得最明顯既係眼袋緊緻左，所以笑起來，條眼紋就唔會好似之前咁浮晒起來，攪到三摺咁!!!!!!!!!!!!!!!!!

來多張前後對比，只係用左十幾日，就可以收緊到個眼袋，效果都算唔錯!!!果然MAKS HOUSE既眼部產品，要來急救真係好好!!!!!!!!!!!!!(突然發現兩日著既衫係同一件，但記住唔係同一日影架，EYE SHADOW唔同色架)

如韓般乾燥也不怕@DR.G Hydra Intensive Cream 水凝全效保濕面霜

今年的秋天，好似來得特別早，空氣早已變得很乾涸，記得之前去韓國時，它的空氣真的很乾很乾，可能因為呢個原因，韓系的護膚品保濕度也佷好。今次試用既DR.G係由韓國第一的醫學美容集團Gowoonsesang所出品。它的包裝的簡單，沒有多餘的修飾，簡單清楚地表示出它的重點「HYDRA INTENSIVE」。

它的包裝給人一種清潔乾淨的感覺，亦很細心地附送棒棒，以前我很少用，但後來發現要將護膚品保存得好，其實真係要減少直接既接觸。而佢既內蓋亦剛剛好，唔會太實。

後面標明係韓國制造，即時令人放心晒。

許多韓系的護膚品也會有很濃的香味。而DR.G呢個Cream就無呢個問題。它有淡淡而易接受的味道，肉眼看來似是乳霜一般，質地似乎較厚。而它的成份則包括月見草油、透明質酸、尿囊素、神經醯胺、維他命E。

用附送的棒放上手後，白白的乳霜、質感比想像中稀。

用手輕輕推開，一兩下已變由白色變成透明。推開時感覺到佢既潤滑度很高，於皮膚上形成一層透明薄膜

由於年紀漸大，之前多係用抗衰老的產品，保濕度點都差d，而近來轉天氣，皮膚亦好敏感，攪到起晒紅點同粒粒，鼻頭亦有脫皮既情況。

塗左上面之後，面上會出現一層薄膜，光澤度亦有增加。而潤滑度亦即時感覺到。保濕度就真係要等多幾個鐘。

好多護膚品都唔會將佢既生產同到期日顯示出來，而佢就好大方咁放出來，我鐘意!!亦可以俾我地呢d成日團護膚品既人，可以係到期前用晒佢。

對於韓系的護膚品，今次我最大既改觀係佢既味道。因為之前去旅行買既，返到香港都覺得太香，有d甚至會敏感。而DR.G 呢個Cream則一d呢個問題都無，除左味道令人放鬆外，亦無多餘既色素，可以放心使用。而佢既保濕勁效係一晚之間都能感受到，我通常覺得果種產品夠唔夠保濕，都係以第二朝起身既時候既感覺為準，因為訓左一晚，皮膚有無吸收，可唔可以保持，會唔會出油，就最明顯。用左第一晚，第二朝起身已經覺得塊面滑左，用多左兩天，就覺得佢既保濕度真係唔錯，之前「猛」「猛」緊既感覺都已經無晒，亦無出油。所以秋冬要來保濕呢個cream真係一個幾好既選擇。

強化肌膚，對付轉季@AHAVA 舒敏保濕修復面霜

 今年的秋天來得特別早，還未來得及用完夏天的產品，就已經感到絲絲的秋意。可惜，我最先係從塊面去感受到呢個「秋意」呢!!
一到轉天氣，我塊面就突然會變成敏感肌，出粒粒、出油及變紅簡直係年年都會發生既事。唉!!!!!

唔敢俾大家睇得太清楚，呢個就係我既「秋意」!!!

 係呢個時候，我又啱啱遇上新出既「AHAVA 舒敏保濕修復面霜」，佢係一支專門針對敏感狀況既面霜，可以舒緩刺激及強化肌膚天然屏障，減少紅腫及過敏反應。

佢既包裝設計給人一種天然的感覺，原來AHAVA呢個品牌既產品都蘊含高濃度既「死海礦物」。

唔好好似好纖細，其實佢都有成50ML，仲係泵裝設計，我啱啱用既時候就會按兩泵，用左一星期後按一泵都足夠。

泵出來係淡黃色，質地較結實，而搽上面後，會有一點點礦物既味道，即係「咸咸」地咁，但之後亦會有一種淡淡的香味，有別於其他護膚品。

由於佢既質地較結實，所以推開時會感到有點黏手，所以如果泵出後先印上面，再慢慢按摩，就會易推D。

初初用既時候，只求不會再次刺激塊面就好，因為轉季既敏感問題實在令人果擾。用左佢最快感受到既就係塊面無咁痕，但第一晚用既時候，就覺得好似唔係好夠保濕咁，一搽完塊面仲有少少「猛」「猛」緊咁。
之後發現可能份糧唔夠，所以再按多一泵再點上面推，但佢既質地真係較結實，所以有點難推。

第二日用既時候，我就改用印上面再推既方法，吸收即刻好好多。
用左個多星期，開始感受到佢既效果，首先係皮膚無再亂咁出油了，即係個底平衡返，而兩頰亦再無「猛」「猛」緊覺。之前起的粒粒亦開始消腫，面上既泛紅亦有減淡既情況。

由於佢係天然既產品，價錢的確有點高.......不過，如果要來轉季看門口，我就真係覺得好好，平常敏感時，只會搽醫生既藥膏，終覺得不夠保濕，味道亦怪怪的。而AHAVE呢支產品，則有強化肌膚的功效，亦能慢慢平衡底層水油，希望繼續用落去，我既敏感會再少D啦!


AHAVA呢個牌子之前未聽過，上網揾左一D資料，亦同BA傾左一陣，原來呢個牌子係香港都好幾年，暫時都只係中環藥房內有專櫃。

除左面部產品外，佢亦有好多身體護理既產品，果日我都試左「蓮花」味既BODY LOTION，其實都有D掛住佢淡淡既清香....

同BA傾左一陣，佢了解埋我近來既皮膚既情況，仲俾左幾包合適既產品我試，真係開心死我，包括卸妝乳、海泥面膜及水份面膜(效果係點，不日分享)。

有興趣大家可以去睇吓!
http://www.ahavahongkong.com/
https://www.facebook.com/ahava.hk

突破自我@SHISEIDO Facebook Fans 聚會

由以前開始，我間唔時就走去買Shisheido 既產品，由護膚防晒到化妝品都買過，今次可以抽到出席佢地既 Fans 聚會，真係晨早流流都要起身去!!

今次活動既地點係銅鑼灣資生堂美容中心，佢出面有齊晒佢既產品，仲有一D未見過!!真係好想研究一下!

要化一個靚妝，梗係要有好既皮膚啦，所以活動既第一個程序就係教我地護膚，順便可以試晒佢地既產品，佢個LIP TREATMENT 真係好潤，啱晒來緊既秋冬。

枱面上放晒今日要用既產品，我成日都覺得Shiseido好細心，去到counter買野，都要有d一次性既化妝用具，可以確保衛生，今次都唔例外。

護膚後，就到今日負責彩妝既Makeup Artist－Kevin出場，佢既皮膚好靚，好有光澤，作為女生的我真自愧不如。

今次既活動可以試到SMK既兩種新產品，包括Radiant Lifting Foundation 同Lacquer Rouge 。

睇吓粉底先，今次既粉底主要係利用光學元理，令肌膚好似有隱形既反光板咁，可以減少細紋同鬆弛既情況。

另外，今次係可以試吓聞名已久既粉底掃，真係好開心!!

Kevin教我地用「點」、「印」及「推」既技巧，就可以好容易咁做到一個又薄又有遮瑕度既底妝。

由於眼底倒三角最多瑕疵，所以要用「點」，而額頭同鼻就因為比較易出油，可以用「印」，最後面旁就可以用「推」，令到個粉薄d，又可以有立體感。

個掃都真係幾好用，唔吸粉之餘，仲可以好貼面咁完成所程序。手上既粉底用剩左勁多!!!

呢隻粉底較厚實，但都好易推開，遮蓋力仲唔錯tim!!用左Kevin教既技巧，都唔洗用遮瑕膏。俾大家睇清楚少少個效果。

之後就到今個秋冬流行既重點－紅唇，今季既主題係有如日本漆器的「紅」及「光滑」。

佢既主題色係607鮮紅色，但我卻愛上Kevin多次介紹有如Disco燈光既404。Kevin鼓勵我們可以多試一些平常少用的顏色，經他鼓勵後，我決定試一試，就當突破一下自己吧!!

Lacquer Rouge 的顯色度很高，也很水潤，平常由於太少做唇部護理，嘴旁終圍著一圈灰灰黑黑的，所以平時都要用遮瑕把唇色遮掉才可以上唇膏。但用Lacquer Rouge 卻什麼也不用，卻有100%的顯色，真叫人喜出望外。

那麼鮮艷的唇色還真是第一次嘗試，它顯色而持久、水潤而不黏，光澤度極高。(本來我打算落堂前把它擦掉，可是塗上後卻捨不得了)塗上它，好像不一様的自己，也青春得多了!哈哈!!

今天的唇妝及眼妝都不是我平常的化法，很感謝Shishido讓我知道自己的可能性，也許偶爾變一下，突破一下，人才有生活的推動力吧!

最後，梗係要多謝Kevin及佢一班細心的同事，令我渡過一個開心又充實既早上。

Shiseido真的很貼心，所送既禮物都是今天用過的，我真希望我快一點有勇氣用上那支607的Locquer Rouge 。

冷知識:
1.原來Shiseido都有野食賣。
只限銅鑼灣美容中心，吃了它的曲奇，味道不錯，買來送禮又多一個選擇。

2.原來Shiseido有一系列產品係俾一d有嚴重肌膚問題既朋友，可以幫佢地掩蓋「白食」、「太田母斑」及「燙傷」等問題，如果有需要既朋友仔，可以聯絡他們看看。

12/10 前報名呀!
link在此 : https://www.facebook.com/SHISEIDOHK?sk=app_285489888223355